ທ້າຍອາທິດທີ່ຜ່ານມາ, ຢູ່ທີ່ສະຖານີວິທະຍຸກະຈາຍສຽງ ແຂວງອັດຕະປື, ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງອັດຕະປື ໄດ້ຈັດກອງປະຊຸມປັບປຸງພາລະບົດບາດ ແລະ ກວດກາຄຶນການກຳນົດຕຳແຫນ່ງງານພະນັກງານ-ລັດຖະກອນ ໂດຍພາຍໃຕ້ການເປັນປະທານ ຂອງ ທ່ານ ກົງຈັກ ສີສະຫວາດ ຮອງຫົວຫນ້າພະແນກ ຖວທ ແຂວງອັດຕະປື ມີ ທ່ານ ຂັນແກ້ວ ພົມມະໄກສອນ ຫົວຫນ້າກົມຈັດຕັ້ງພະນັກງານ, ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ພ້ອມນີ້ເຂົ້າຮ່ວມມີ ບັນດາຫົວຫນ້າ-ຮອງຫົວຫນ້າຂະແຫນງການຕ່າງໆ ອ້ອມຂ້າງ ພະແນກ ຖວທ ແຂວງເຂົ້າຮ່ວມ.
ໃນກອງປະຊຸມຄັ້ງນີ້ ທ່ານ ຮອງພະແນກ ຖວທ ແຂວງອັດຕະປື ໄດ້ຂື້ນລາຍງານ ສະພາບການເຄື່ອນໄຫວ ໃນການຈັດຕັ້ງປະຕິບັດຂອງທ່ານລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ວ່າດ້ວຍການແຕ່ງຕັ້ງ ແລະ ເຄື່ອນໄຫວຂອງພະແນກ ຖວທ ແລະ ປະຈຸບັນ ພະແນກ ຖວທ ແຂວງອັດຕະປື ມີພະນັກງານທີ່ຂື້ນກັບພະແນກ ທັງມົດ 113 ທ່ານ, ຍິງ 46 ທ່ານ, ໃນນັ້ນມີພະນັກງານລັດຖະກອນ ຢູ່ໃນແຂວງ 69 ທ່ານ, ຍິງ 46 ທ່ານ, ພາຍໃນພະແນກ ຖວທ ແຂວງ ຍັງປະກອບມີ 6 ຂະແຫນງການ ແລະ ມີ 6 ກອງວິຊາການ ທຽບເທົ່າຂະແຫນງ.
ກອງປະຊຸມຄັ້ງນີ້ ຍັງໄດ້ພ້ອມກັນກວດກາຄືນ ການກຳນົດຕຳແຫນ່ງງານ ແລະ ພ້ອມກັນປະກອບຄຳຄິດເຫັນ ໃສ່ບາງບັນຫາ ເພື່ອແກ້ໄຂຂໍ້ຄົງຄ້າງ ໃນການກຳນົດວຽກງານ ໃຫ້ມີຄວາມເປັນລະບຽບຮຽບຮ້ອຍ, ຖືກຕ້ອງຕາມພາລະບົດບາດຫນ້າທີ່ວິຊາສະເພາະ, ທັງນີ້ກໍ່ເພື່ອເຮັດໃຫ້ວຍກງານໃນ ຂົງເຂດ ຖວທ ແຂວງອັດຕະປື ໄດ້ຮັບການຈັດຕັ້ງປະຕິບັດ ແລະ ໄດ້ຮັບຜົນສຳເລັດອັນດີງາມ.
Editor: ກຳປານາດ ລັດຖະເຮົ້າ
