ໃນວັນທີ 5 ຕຸລາ ຢູ່ທີ່ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ນະຄອນຫຼວງວຽງຈັນ. ຄະນະສະເພາະກິດ ນໍາໂດຍ ທ່ານ ອາຄົມ ປະເສີດ ຄະນະສະເພາະກິດ ແກ້ໄຂບັນຫາ ບໍລິສັດພີເອັສ, ຫົວຫນ້າກົມຄຸ້ມຄອງສະຖາບັນການເງີນ ທະນາຄານແຫ່ງ ສປປລາວ ແລະ ທ່ານ ພັນເອກ ຄໍາແກ້ວ ມະໂນລາ ຫົວຫນ້າກົມຕໍາຫຼວດເສດຖະກິດ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ອອກມາ ຖະແຫລງຂ່າວ ຄວາມຄືບຫນ້າໃນການແກ້ໄຂບັນຫາ ບໍລິສັດພີເອັສ ໂດຍມີນັກຂ່າວສືມວນຊົນຈາກຫລາຍຂະແຫນງການເຂົ້າຮ່ວມ.
ຖ້າເວົ້າເຖິງ ບໍລິສັດ ພີເອັສ ທຸກຄົນຄືຈະຮູ້ກັນດີ ຈາກການທີ່ ບໍລິສັດດັ່ງກ່າວ ໄດ້ມີການປຸກລະດົມໂຄສະນາຊວນເຊື່ອ ໃຫ້ມວນຊົນເຂົ້າຮ່ວມລົງທືນນໍາບໍລິສັດ ຊຶ່ງຂັດກັບໃບອະນຸຍາດດໍາເນີນທຸລະກິດ ແລະ ຖືກແຈ້ງເຕືອນຫລາຍຄັ້ງ ຈາກຂະແຫນງການກ່ຽວຂອງ ລວມທັງທະນາຄານແຫ່ງ ສປປລາວ ທີ່ໄດ້ອອກແຈ້ງການ ໃຫ້ບໍລິສັດພີເອັສ ຢຸດເຊົາການລະດົມທືນ ແລະ ສົ່ງເງີນຄືນໃຫ້ແກ່ສະມາຊິກ, ແຕ່ບໍລິສັດດັ່ງກ່າວໄດ້ຖືເບົາ ແລະ ບໍ່ປະຕິບັດຕາມແຈ້ງການ ແລະ ບໍ່ປະຕິບັດຕາມການຕົກລົງ ໃນບົດບັນທຶກສົ່ງເງີນຄືນໃຫ້ສະມາຂິກຕາມສັນຍາ ຍັງສືບຕໍ່ການລະດົມທືນຢ່າງກ້ວາງຂວາງ ແລະ ໄດ້ສືບຕໍ່ໂຄສະນາໃນຮູບແບບຕ່າງໆ ແລະ ປ່ຽນຈາກຮູບແບບລະດົມທືນ ມາເປັນຮູບແບບສັ່ງຊື້ສີນຄ້າ, ດັ່ງນັ້ນນັ້ນຈຶ່ງເຮັດໃຫ້ສະມາຊິກ ກໍຄື ຜູ້ຖືກເສຍຫາຍຈໍານວນຫຼວງຫລາຍໄດ້ຂຽນຄໍາຮ້ອງຟ້ອງ, ຮ້ອງທຸກຫາເຈົ້າຫນ້າທີ່ຕໍາຫຼວດດໍາເນີນຄະດີກັບ ບໍລິສັດດັ່ງກ່າວ ຕາມລະບຽບກົດໝາຍ. ຕໍ່ມາ ໃນວັນທີ 11-12 ກັນຍາ 2017 ສະມາຊຶກ ແລະ ຜູ້ຖືກເສຍຫາຍໄດ້ໂຮມໂຕກັນ ເພື່ອທວງສັນຍາ ໃຫ້ບໍລິສັດພີເອັສ ສົ່ງເງີນຄືນ. ຕໍ່ສະພາບດັ່ງກ່າວ ຄະນະສະເພາະກິດຂອງ ລັດຖະບານ ໄດ້ຄົ້ນຄົ້ວປືກສາຫາລືເຖິງຂັ້ນຕອນ ແລະ ວິທີການແກ້ໄຂບັນຫາດັ່ງກ່າວ ຕາມລະບຽບກົດໝາຍ ເພື່ອຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ.
ດັ່ງນັ້ນ ລັດຖະບານ ໄດ້ແຕ່ງຕັ້ງຄະນະສະເພາະກິດ ເພື່ອແກ້ໄຂບັນຫາດັ່ງກວ່າ ຜ່ານການປະຕິບັດຫນ້າທີ່ ສືບສວນ - ສອບສວນ ເກັບກໍາຂໍ້ມູນຫລັກຖານ ແລະ ຄໍາໃຫ້ການຂອງຜູ້ຖືກເສຍຫາຍ ແລະ ໃນມືວານນີ້ເອງ ທາງຄະນະສະເພາະກິດ ໄດ້ອອກມາຖະແຫລງຂ່າວກ່ຽວກັບລາຍງານຄວາມຄືບຫນ້າໃນການແກ້ໄຂບັນຫາ ບໍລິສັດພີເອັສ.
Editor: ກຳປານາດ ລັດຖະເຮົ້າ
