"ເມືອງຄຳ ເປິດຊຸດຮຽນທິດສະດີການເມືອງການປົກຄອງ ລະບົບບຳລຸງໄລຍະສັ້ນ (ລຸ້ນທີ1)"
ວັນທີ 8 ກໍລະກົດ 2016 ຄະນະປະຈຳພັກເມືອງ-ເມືອງຄຳ ແຂວງ ຊຽງຂວາງ ໄດ້ເປີດຊຸດຮຽນທິດສະດີການເມືອງ ແລະ ການປົກຄອງລະບົບບຳລຸງ 45 ວັນ (ຮຸ່ນທີ່1) ຂື້ນທີ່ ສະໂມສອນປົກຄອງເມືອງຄຳ, ເຂົ້າຮ່ວມໃນພິທີໂດຍມີ ທ່ານ ວຽງໄຊ ສີວິໄລ ກຳມະການ ພັກແຂວງ, ເລຂາພັກເມືອງ,ເຈົ້າເມືອງ-ເມືອງຄຳ, ມີ ທ່ານ ບຸນເລື່ອນ ວັນນາຮັກ ກຳມະການພັກແຂວງ ຜູ້ອຳນວຍການໂຮງຮຽນທິດສະດີການເມືອງ ແລະ ການປົກຄອງ, ມີຄະນະປະຈຳພັກແຂວງ, ຄະນະ ປະຈຳພັກເມືອງ, ກຳມະການພັກເມືອງ, ແຂກຖືກເຊີນ, ນັກວິທະຍາກອນ ແລະ ນັກສຳມະນາກອນ ເຂົ້າຮ່ວມ 76 ຄົນ, ຍິງ 14 ຄົນ.
ໃນພິທີ ທ່ານ ບຸນເລື່ອນ ວັນນາຮັກ ກຳມະການພັກແຂວງ, ຜູ້ອຳນວຍການໂຮງຮຽນທິດສະດີ ການເມືອງ ແລະ ການປົກຄອງ ໄດ້ຂື້ນຜ່ານໂຄງການຫຼັກສູນການຮຽນ-ການສອນ ທິດສະດີການເມືອງ ແລະ ການປົກຄອງ ລະບົບບຳລຸງໄລຍະ 45 ວັນ ໃຫ້ຮູ້ວ່າ: ການຈັດແບ່ງຂອບເຂດ, ສິດ ແລະ ໜ້າທີ່ ຄວາມຮັບຜິດຊອບຂອງຄະນະວິຊາ ແລະ ຄູ-ອາຈານ ໃຫ້ຖຶກຕ້ອງສ່ອດຄ່ອງກັບຄວາມຮູ້ຄວາມສາມາດ ວຸດທິ ແລະ ສາຂາວິຊາສະເພາະໃນການປະຕິບັດໜ້າທີ່ວຽກງານ ປີ່ນອ້ອມຕ່າງໆໃຫ້ໄດ້ຢ່າງຖຶກຕ້ອງ, ທັນເວລາ ແລະ ຫັນເຂົ້າລະບົບ, ລະບຽບໃຫ້ມີຄຸນນະພາບສູງຂື້ນພ້ອມທັງເປັນການສ້າງພະນັກງານສືບ ທອດໃຫ້ມີຄວາມຮູ້ພື້ນຖານທາງດ້ານທິດການເມືອງ ແລະ ການປົກຄອງເຂົ້າໃນການຊີ້ນຳ-ນຳພາ ຂອງການຈັດຕັ້ງປະຕິບັດເຊິ່ງວິຊາທີ່ນຳມາໃນການຮຽນ-ການສອນ ໃນຄັ້ງນີ້ ລວມມີ 5 ວິຊາຄື: ວິຊາປັດຊະຍາ, ເສດຖະສາດການເມືອງ-ລັດທິມາກເລນິນ, ລັດທິສັງຄົມນິຍົມວິທະຍາສາດ, ບໍລິຫານສາດ ແລະ ວິຊາກໍ່ສ້າງພັກ ລວມມີທັງໝົດ 34 ບົດ.
ໃນຕອນທ້າຍພິທີ ທ່ານ ວຽງໄຊ ສີວິໄລ ກຳມະການພັກແຂວງ ເລຂາພັກເມືອງ, ເຈົ້າເມືອງຄຳ ໄດ້ໃຫ້ກຽດຂື້ນໂອ້ລົມໃຫ້ຄຳຄິດຄຳເຫັນ ແລະ ທິດຊີ້ນຳ ກ່ອນອື່ນໝົດທ່ານ ໄດ້ກ່າວໃຫ້ຮູ້ເຖິງຄວາມໝາຍ ຄວາມສຳຄັນຂອງທິດສະດີການເມືອງ ແລະ ການປົກຄອງ, ພ້ອມທັງໃຫ້ທິດຊີ້ນຳແກ່ນັກສຳມະນາກອນ ທັງໝົດ, ຈົ່ງພ້ອມກັນຈັດຕັ້ງປະຕິບັດໂມງເວລາໃຫ້ຖຶກຕ້ອງ ແລະ ເອົາໃຈໃສ່ສຶກສາຮ່ຳຮຽນ ໃຫ້ໄດ້ຮັບຜົນສຳເລັດສູງ .
