ໃນວັນທີ 27 ກຸມພາ 2018 ທີ່ຫໍປະຊຸມແຫ່ງຊາດ ຄະນະກໍາມາທິການແຫ່ງຊາດ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ, ໄດ້ຈັດກອງປະຊຸມເຜີຍແຜ່ຂອບການຕິດຕາມກວດກາ ແລະ ປະເມີນຜົນ ການຈັດຕັ້ງປະຕິບັດແຜນດໍາເນີນງານ ແຫ່ງຊາດເພື່ອຄວາມສະເໝີພາບຍິງ-ຊາຍ 5 ປີຄັ້ງທີ 3 (2016-2020). ໂດຍການເປັນປະທານ ແລະ ກ່າວເປີດກອງປະຊຸມຂອງ ທ່ານນາງ ບັນດິດ ປະທຸມວັນ ຮອງປະທານ ຄະນະກໍາມາທິການແຫ່ງຊາດ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ, ມີບັນດາຫົວຫນ້າຫ້ອງການ ຄະນະກໍາມາທິການແຫ່ງຊາດ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ., ຊ່ຽວຊານ, ອົງການຈັດຕັ້ງຕ່າງໆ ແລະ ພາກສ່ວນກ່ຽວຂ້ອງເຂົ້າຮ່ວມ.
ຖ້າເວົ້າເຖິງ ການສົ່ງເສີມຄວາມກ້າວຫນ້າຂອງແມ່ຍິງ, ຄວາມສະເໝີພາບຍິງ-ຊາຍ, ການລືບລ້າງທຸກຮູບການຈໍາແນກຕໍ່ແມ່ຍິງ ເປັນວຽກງານໜຶ່ງ ທີ່ເປັນບຸລິມະສິດຂອງພັກ ແລະ ລັດຖະບານ ທັງເປັນການຈັດຕັ້ງປະຕິບັດພັນທະຂອງ ລັດຖະບານ ໃນການເປັນພາຄີພາຍໃຕ້ ສົນທິສັນຍາ ແລະ ນິຕິກໍາສາກົນ ເປັນຕົ້ນແມ່ນສົນທິສັນຍາ ຊີດໍ ຖະແຫລງການ ແລະ ແຜນປະຕິບັດງານປັກກິ່ງ ແລະ ນິຕິກໍາສາກົນອື່ນໆ ທີ່ພົວພັນເຖິງສິດທິຂອງແມ່ຍິງ, ຄວາມສະເໝີພາບຍິງຊາຍ ແລະ ການລືບລ້າງທຸກຮູບການທີ່ຈໍາແນກຕໍ່ແມ່ຍິງ.
ໃນກອງປະຊຸມ ທ່ານນາງ. ຈັນໂສດາ ພອນທິບ ຫົວຫນ້າຫ້ອງການ ກອງເລຂາຄະນະກໍາມາທິການແຫ່ງຊາດ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ ໄດ້ຂື້ນສະເໜີຂອບການຕິດຕາມກວດກາ ແລະ ປະເມີນຜົນ ການຈັດຕັ້ງປະຕິບັດແຜນດໍາເນີນງານ ແຫ່ງຊາດເພື່ອຄວາມສະເໝີພາບຍິງ-ຊາຍ 5 ປີຄັ້ງທີ 3 (2016-2020) ໃຫ້ຮູ້ວ່າ: ໂຄງການສ້າງຂອບການຕິຕາມກວດກາ ແລະ ປະເມີນຜົນແຜນດໍາເນີນງນດັ່ງກ່າວ ຈະເປັນບ່ອນອີງໃຫ້ແກ່ ຄະນະກໍາມາທິການແຫ່ງຊາດ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ ແຕ່ລະຂັ້ນ ໃນການຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດແຜ່ນງານດັ່ງກ່າວ ກໍຄືວຽກງານຄວາມກ້າວຫນ້າຂອງແມ່ຍິງ ໂດຍສະເພາະແມ່ຈະໄດ້ນໍາໃຊ້ເຂົ້າໃນການສະຫຼຸບຕີລາຄາການ ຈັດຕັ້ງປະຕິບັດວຽກງານຕົວຈິງປະຈໍາປີ ເພື່ອເຮັດເໃຫ້ສາມາດເຫັນໄດ້ຜົນສໍາເລັດ, ຈຸດດີ, ຈຸດອ່ອນ, ຂໍ້ຄົງຄ້າງ, ສິ່ງທ້າທ້າຍຕ່າງໆ, ເຮັດໃຫ້ຂອບການຕິດຕາມກວດກາ ແຜນງານດັ່ງກ່າວ ຖືກຈັດຕັ້ງປະຕິບັດຢ່າງມີປະສິດທິຜົນ ແລະ ບັນລຸຕາມລະດັບຄາດໝາຍທີ່ວາງໄວ້.
Editor: ກຳປານາດ ລັດຖະເຮົ້າ
