ທ້າຍເດືອນກຸມພາ 2018 ທີ່ຜ່ານມານີ້, ຢູ່ສະໂມສອນຫ້ອງວ່າການປົກຄອງເມືອງເຊໂປນແຂວງສະຫວັນນະເຂດ ໄດ້ຈັດກອງປະຊຸມໃຫຍ່ຂອງແນວລາວສ້າງຊາດຄັ້ງທີ 5 ຂື້ນຢ່າງເປັນທາງການ, ໂດຍການເປັນກຽດເຂົ້າຮ່ວມຂອງ ທ່ານ ສົມເພັດ ອິນທິລາດ ກຳມະການສູນກາງແນວລາວສ້າງຊາດ ຄະນະປະຈຳແຂວງ ປະທານແນວລາວສ້າງຊາດແຂວງສະຫວັນນະເຂດ, ທັງເປັນສະມາຊິກສະພາປະຊາຊົນປະຈຳເຂດເລືອກຕັ້ງທີ 13 ແຂວງສະຫວັນນະເຂດ ພ້ອມຄະນະ, ທ່ານ ວົງໄຊ ໄຊຍະຈັກ ວ່າການເລຂາພັກເມືອງ ເຈົ້າເມືອງເຊໂປນ, ມີກໍາມະການສູນກາງແນວລາວສ້າງຊາດ, ກຳມະການແນວລາວສ້າງຊາດແຂວງ, ເມືອງ ແລະ ແຂກຖືກເຊີນ3ເມືອງອອ້ມຂ້າງເມືອງຟີນ, ເມືອງວິລະບູລີ ແລະ ເມືອງນອງ, ບັນດາຫົວໜ້າ, ຄະນະຫ້ອງການ ແລະ ຜູ້ແທນສົມບູນເຂົ້າຮ່ວມຢ່າງພ້ອມພຽງ.
ໃນກອງປະຊຸມບັນດານັກຮຽນເຍົາວະຊົນ ກໍ່ໄດ້ມອບດອກໄມ້ໃຫ້ຄະນະປະທານກອງປະຊຸມ,ຈາກນັ້ນ ທ່ານ ບຸນມາ ໄຊຍະກູລາງ ຮອງເລຂາພັກເມືອງ,ປະທານແນວລາວສ້າງຊາດເມືອງ, ທັງເປັນຜູ້ຊີ້ນຳອົງການຈັດຕັ້ງມະຫາຊົນໄດ້ໃຫ້ກຽດຂື້ນກ່າວເປີດກອງປະຊຸມ ແລະ ຜ່ານບົດລາຍງານການເມືອງຂອງຄະນະກຳມະການກວດກາແນວລາວສ້າງຊາດເມືອງເຊໂປນ ຕໍ່ກອງປະຊຸມໃຫຍ່ຄັ້ງທີ 5 ຂອງຜູ້ແທນແນວລາວສ້າງຊາດໃນທົ່ວເມືອງ. ທັງນີ້ກໍ່ເພື່ອພ້ອມກັນທົບທວນຄືນໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ 4 ຂອງແນວລາວສ້າງຊາດເມືອງເຊໂປນ ສະຫຼຸບຕີລາຄາຈຸດດີ,ຈຸດອ່ອນ ແລະ ຂໍ້ຄົງຄ້າງ, ຖອດຖອນບົດຮຽນຢ່າງພາວະວິໃສພ້ອມທັງວາງທິດທາງແຜນການຄາດ ໝາຍສູ້ຊົນໃນ 05 ປີ ຕໍ່ໜ້າ, ກອງປະຊຸມໃຫຍ່ຄັ້ງນີ້ຈະໄດ້ຮັບຮອງເອົາກາານສະເໜີແຕ່ງຕັ້ງຄະນະກຳມະການແນວລາວສ້າງຊາດເມືອງຊຸດທີ 5 ເຊິ່ງເປັນຕົວແທນໃຫ້ແກ່ກ້ອນກໍາລັງສາມັກຄີທົ່ວປວງຊົນພາຍໃນເມືອງ ເພື່ອປະຕິບັດແຜນພັດທະນາເສດຖະກິດ-ສັງຄົມ ຕ້ອງໄດ້ປັບປຸງແກ້ໄຂໃນໄລຍະ ໃໝ່ມະຕິກອງປະຊຸມໃຫຍ່ຄັ້ງທີ 10 ຂອງອົງຄະນະພັກເມືອງກໍ່ຄືມະຕິກອງປະຊຸມໃຫຍ່ຄັ້ງທີ 5 ຂອງແນວລາວສ້າງຊາດເມືອງ, ໃນກອງປະຊຸມບັນດາຜູ້ແທນກໍ່ໄດ້ພັດປ່ຽນກັນຂື້ນປະກອບຄຳຄິດຄຳເຫັນເຂົ້າໃນບົດລາຍງານການເມືອງທີ່ຍັງຄົງຄ້າງຢ່າງກົງໄປກົງມາດພື່ອໃຫ້ເນື້ອໃນບົດສະຫລຸບ ແລະ ແຜນມີເນື້ອໃນຄົບຖ້ວນແລະກໍ່ໄດ້ມີການມອບໃບຍ້ອງຍໍຂັ້ນແຂວງ ແລະ ຂັ້ນເມືອງໃຫ້ບຸກຄົນທີ່ມີຜົນງານດີເດັ່ນທີ່ໄດ້ປະກອບສວ່ນເຂົ້າໃນວຽກງານຂອງແນວລາວສ້າງຊາດໃນໄລຍະ 5 ປີ ຈຳນວນ 31 ທ່ານ, ຂັ້ນເມືອງ 91 ທ່ານ, ໃຫ້ກຽດມອບ ທ່ານ ສົມເພັດ ອິນທິລາດ ແລະ ບຸກຄົນດີເດັ່ນຂື້ນຮັບຊ້ອງໜ້າແຂກເຂົ້າຮ່ວມເປັນສັກຂີພະຍານນຳດ້ວຍ. ຈາກນັ້ນຄະນະກຳມະການແນວລາວສ້າງຊາດຊຸດເກົ່າຂື້ນຜ່ານບົດສຳຫຼວດກ່າວລາໜ້າທີ່ ແລະ ມອບຂອງຂວັນໃຫ້ຄະນະຊຸດເກົ່າອີກດ້ວຍໃນພິທີກໍ່ໄດ້ຜ່ານມາດຖານເງື່ອນໄຂ ແລະ ໂຄງປະກອບບຸກຄະລາກອນ ຄະນະກຳມະການແນວລາວສ້າງຊາດເມືອງຊຸດໃໝ່ຊື່ງ ທ່ານ ບຸນມາ ໄຊຍະກູລາງ ໄດ້ຮັບໄວ້ວາງໃຈເປັນປະທານແນວລາວສ້າງຊາດຊຸດທີ 5, ທ່ານ ກອງຄໍາ ແກ້ວປັນຍາ, ທ່ານນາງ ຕິ່ມແກ້ວ ໄຊອຸດົມ ເປັນຮອງ ແລະ ຄະນະກໍາມະການ 32 ທ່ານ, ຍີງ 2 ທ່ານ,ຈາກນັ້ນກ້ອນກຳລັງມວນຊົນກໍ່ໄດ້ເຂົ້າອວຍພອນແດ່ກອງປະຊຸມໃຫຍ່ ສຸດທ້າຍ ທ່ານ ສົມເພັດ ອິນທິລາດ ກໍ່ໄດ້ໃຫ້ກຽດຂື້ນໂອ້ລົມ ແລະ ໃຫ້ທິດເຍືອງທາງແກ່ຄະນະບໍລິຫານງານແນວລາວສ້າງຊາດເມືອງຊຸດໃໝ່ ຊື່ງຮຽກຮ້ອງໃຫ້ຄະນະກຳມະການແນວລາວສ້າງຊາດແຕ່ລະຂັ້ນ, ປະຊາຊົນບັນດາເຜົ່າ,ຊັ້ັ້ນຄົນ,ໄວໝຸ່ມພາຍໃນເມືອງເຊໂປນ ຈົ່ງພ້ອມກັນຄົ້ນຄວ້າເຊື່ອມຊຶມກຳແໜ້ນທິດທາງແຜນກອງປະຊຸມໃຫຍ່ຄັ້ງນີ້ ໃຫ້ເລິກເຊິ່ງເພື່ອນຳໄປຈັດຕັ້ງຜັນຂະຫຍາຍໃຫ້ເກີດດອກອອກຜົນໃນທຸກຂົງເຂດວຽກງານ, ເສີມຂະຫຍາຍຄວາມສາມັກປອງດອງໃນທຸກຊັ້ນຄົນເປັນປຶກແຜ່ນ ເພື່ອປະກອບສ່ວນເຂົ້າໃນການປົກປັກຮັກສາພັດທະນາເມືອງເຊໂປນ ໃຫ້ມີຄວາມຈະເລີນຮຸ່ງເຮືອງ ສັງຄົມມີຄວາມສະຫງົບ ແລະ ປະຊາຊົນຮັ່ງມີຜາສຸກຂື້ນເປັນກ້າວໆ
ທີມຂ່າວເມືອງເຊໂປນ
Editor: ກຳປານາດ ລັດຖະເຮົ້າ
