ໃນທ້າຍອາທິດຜ່ານມາ ໜ່ວຍຊາວໜຸ່ມຄະນະຈັດຕັ້ງ ແຂວງສະຫວັນນະເຂດ ໄດ້ມີພິທີ ມອບ-ຮັບໃບຢັ້ງຢືນໜ່ວຍຊາວໜຸ່ມຕົວແບບ 04 ບຸກຄັ້ງທີ III ໃຫ້ກັບໜ່ວຍຊາວໜຸ່ມຄະນະຈັດຕັ້ງແຂວງ ໂດຍການເຂົ້າຮ່ວມເປັນປະທານ ແລະ ໃຫ້ກຽດມອບໃບຢັ້ງຢືນຂອງສະຫາຍ ພູລໍາພອນ ສີຫາວົງ ຮອງເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ, ມີຕາງໜ້າຄະນະໜ່ວຍພັກ, ຕາງໜ້າອົງການຈັດຕັ້ງມະ ຫາຊົນແຕ່ລະໜ່ວຍອ້ອມຂ້າງ ແລະ ບັນດາສະມາຊິກຊາວໜຸ່ມເຂົ້າຮ່ວມທັງໝົດ 35 ສະຫາຍ, ຍິງ 29ສະຫາຍ.
ສະຫາຍ ສະຫວັນໄຊ ອາໄສ ເລຂາໜ່ວຍຊາວໜຸ່ມຄະນະຈັດຕັ້ງແຂວງ ໄດ້ຜ່ານບົດສະຫຼຸບການຈັດ ຕັ້ງປະຕິບັດຂໍ້ແຂ່ງຂັນຊາວໜຸ່ມ 04 ບຸກ ແລະ ທິດທາງແຜນການວ່າປີ 2017 ຜ່ານມາໄດ້ເສຍເງິນສະຕິເປັນປົກກະຕິ ແລະ ໄດ້ເຂົ້າຮ່ວມຮັບຟັງປາຖະກະຖາກ່ຽວກັບມຸນເຊື້ອຂອງຊາດ, ຂອງພັກ, ຂອງຊາວໜຸ່ມ, ຂອງອົງການຈັດຕັ້ງມະຫາຊົນ, ຄຸນສົມບັດສິນທຳປະຕິວັດຂອງຜູ້ນຳພັກ-ລັດ ແລະ ອື່ນໆ ລວມທັງໝົດ 50 ຄັ້ງ ມີສະມາຊິກເຂົ້າຮ່ວມ 19 ສະຫາຍ, ຍິງ 10 ສະຫາຍ, ສະຖີຕີຈຳນວນພົນສະມາຊິກຊາວໜຸ່ມທັງໝົດ 25 ສະຫາຍ, ຍິງ 11 ສະຫາຍ , ໃນນັ້ນສະມາຊິກພັກສົມສົມບູນ 04 ສະຫາຍ, ຍິງ 02ສະ ຫາຍ, ສະມາຊິກຊາວໜຸ່ມໄດ້ຮັບໜ້າທີ່ຕໍາແໜ່ງເປັນຮອງຫົວໜ້າຂະແໜງມີ 4 ສະຫາຍ ;ຍິງ 2 ສະຫາຍແລະ (ສາມາດປະຕິບັດໄດ້ 99%) ຊຶ່ງແຕ່ລະສະຫາຍແມ່ນໄດ້ສັບຊ້ອນເຂົ້າໃນຂະແໜງການຕ່າງໆຂອງຄະນະຈັດຕັ້ງແຂວງສະຫວັນນະເຂດ ກໍ່ຄື ຂະແໜງສັງລວມຂໍ້ມູນ-ຂ່າວສານ, ຂະແໜງຈັດຕັ້ງ, ບໍລິຫານການເງິນ ຜ່ານມາໄດ້ມີການສຶກສາອົບຮົມການເມືອງແນວຄິດ ແລະ ຄຸນສົມບັດສິນທຳປະຕິວັດເປັນກົກ ແລະ ຝຶກຝົນຫຼໍ່ຫຼອມຊາວໜຸ່ມໃຫ້ກາຍເປັນບຸກຄົນດີເດັ່ນ, ມີຄວາມຮູ້ຄວາມສາມາດເພື່ອນຳເອົາຄວາມຮູ້ດັ່ງ ກ່າວໄປໝູນໃຊ້ໃນການເຮັດວຽກຕົວຈິງ.
Editor: ແຂວງສະຫວັນນະເຂດ
