ໃນວັນ 22 ກຸມພາ 2018 ຫ້ອງການການເງິນເມືອງວຽງທອງ ແຂວງບໍລິຄຳໄຊ ໄດ້ຈັດກອງປະຊຸມສະຫຼູບການຈັດຕັ້ງປະຕິບັດງົບປະມານແຫ່ງລັດປະຈຳປີຂື້ນຢູ່ທີ່ຫ້ອງປະຊຸມຊັ້ນ III ຂອງຫ້ອງວ່າການປົກຄອງເມືອງ. ໂດຍການເຂົ້າຮ່ວມຂອງທ່ານ ພັດທະຈອນ ແກ້ວພຸດທະວົງ,ຄະນະປະຈຳພັກເມືອງ, ຮອງເຈົ້າເມືອງ, ມີຫົວໜ້າຫ້ອງການເງີນເມືອງ, ຫົວໜ້າຫ້ອງການ, ຮອງຫ້ອງການ, ພະນັກງານທີກ່ຽວຂ້ອງເຂົ້າຮ່ວມ,
ໃນກອງປະຊຸມ ທ່ານ ດວງໃຈ ພົມມີໄຊ ຫົວໜ້າຫ້ອງການ-ການເງີນເມືອງໄດ້ໃຫ້ກຽດຂື້ນຜ່ານ ຮ່າງບົດສະຫຼຸບການຈັດຕັ້ງປະຕິບັດງົບປະມານແຫ່ງລັດສົກປີ 2017 ແລະ ທິດທາງແຜນການສົກປີ 2018 ໃນການຈັດຕັ້ງປະຕິບັດແຜນງົບປະມານແຫ່ງລັດ ເຊິ່ງໄດ້ດຳເນີນມາແຕ່ວັນທີ 01/01/2017 ເປັນຕົ້ນມາໄດ້ຈັດຕັ້ງປະຕິບັດແຜນງົບປະມານແຫ່ງລັດສົກປີ 2017 ເຫັນວ່າສະພາບງົບປະມານລາຍຮັບສະໜອງລາຍຈ່າຍໄດ້ທັນຕາມກຳນົດເວລາ ປະຕິບັດລາຍຮັບ-ລາຍຈ່າຍງົບປະມານຕາມແຜນການດຸນດ່ຽງຈາກແຂວງໄດ້ (ຊາວຫົກຕຶ້ ສີຮ້ອຍເຈັດສິບສາມລ້ານ ສາມແສນເຈັດສິບພັນ ກີບ26.473.370.000 ) ປະຕິບັດໄດ້ (ຊາວຫ້າຕື້ ຫ້າຮ້ອຍເກົາສິບລ້ານ ແປດແສນເຈັດສິບເກົາພັນ ກີບ 25.590.879.000 ) ເທົ່າກັບ 96,67% ທຽບໃສ່ປີຜ່ານມາເພິ່ມຂຶ້ນ 2% ແລະ ລາຍຮັບພາຍໃນເມືອງແຜນ (ສາມຕື້ ໜຶ່ງຮ້ອຍສີສິບລ້ານ ຫ້າແສນສີສິບພັນກີບ 3.140.540.000 ) ປະຕິບັດໄດ້ ( ສາມຕື້ ຫົກຮ້ອຍຊາວແປດລ້ານ ໜຶ່ງແສນເຈັດສິບເກົາພັນ ໜຶ່ງຮ້ອຍສາມສິບເອັດຮ້ອຍ ກີບ 3.628.179.131 ) ສົມທຽບໃສ່ແຜນການປີເທົ່າກັບ 115.52% ຖ້າທຽບໃສ່ປີຜ່ານມາເທົ່າກັບ 97.32% ໃນນີ້: ລາຍຮັບຈາກສ່ວຍສາອາກອນ ແລະ ທີ່ດີນ(ສາມຕື້ ໜຶ່ງຮ້ອຍສີສິບສອງລ້ານ ສອງແສນເກົາສິບສອງພັນ ໜຶ່ງຮ້ອຍສາມສິນເອັດຮ້ອຍ ກີບ 3.142.292.131) ເທົາກັບ 109,08 %,ທຽບໃສ່ປີຜ່ານມາເທົ່າກັບ 90.27%, ລາຍຮັບຈາກຊັບສີນຂອງລັດ ແຜນການປີ(ສອງຮ້ອຍຫົກສິບລ້ານ ກີບ 260.000.000 ) ປະຕິບັດໄດ້ (ສີຮ້ອຍແປດສິບຫ້າລ້ານ ແປດແສນແປດສິບເຈັດພັນ ກີບ 485.887.000 ) ເທົາກັບ 186.88 % ສົມທຽບໃສ່ປີຜ່ານມາເພິ່ມຂຶ້ນ 96.56% ດ້ານລາຍຈ່າຍແມ່ນໄດ້ປະຕິບັດຕາມແຜນປີເຊິ່ງປະຕິບັດໄດ້(ຊາວເກົາຕື້ ຫົກຮ້ອຍສິບສາມລ້ານ ເກົາແສນສິບພັນ ກີບ 29.613.910.000)ປະຕິບັດໄດ້ (ຊາວແປດຕື້ ແປດຮ້ອຍຊາວຫ້າລ້ານ ເຈັດແສນຊາວພັນ ສີຮ້ອຍຫົກ ກີບ28,825,720,406 ) ເທົ່າ 97,34 % ສົມທຽບໃສ່ປີຜ່ານມາແມ່ນເພື່ມຂື້ນ 1 % ເຊິ່ງສະແດງໃຫ້ເຫັນເງີນເດືອນປະຕິບັດໄດ້96,41%,ເງີນອຸດໜູນນະໂຍບາຍເບັ້ຍລ້ຽງຕ່າງໆປະຕິບັດໄດ້ 98.25 %,ເງີນບໍລິຫານປະຕິບັດໄດ້ 99.73 %,ເງີນດັດສົມ-ສົ່ງເສີມປະຕິບັດໄດ້ 98, 69 %, ເງີນຈັດຊື້ປະຕິບັດໄດ້ 100 %,ເງີນ ລົງທືນຂອງລັດປະຕິບັດໄດ້ 99,65 % ສົມທຽບໃສ່ປີຜ່ານມາການປະຕິບັດລາຍຈ່າຍເຫັນວ່າມີການຫຼຸດລົງ, ກອງປະຊຸມໄດ້ຜ່ານທິດທາງແຜນການປະຈໍາປີ 2018. ຈາກນັ້ນກອງປະຊຸມໄດ້ມອບໃບຍ້ອງຍໍຈຳນວນໜື່ງໃຫ້ຜູ້ເຮັດວຽກງານການເງີນໄດ້ດີຕື່ມອີກ%.
Editor: ແຂວງບໍລິຄຳໄຊ
