ໃນວັນທີ 22 ກຸມພາ 2018, ຜ່ານມາ ທ່ານ ປອ ສຸວັນນີ ໄຊຊະນະ, ຮອງເລຂາພັກແຂວງ, ປະທານ ສະພາປະຊາຊົນແຂວງບໍລິຄຳໄຊ, ພ້ອມດ້ວຍຄະນະ ໄດ້ລົງມາເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນ ແຂວງ ຊຸດທີ I ຂອງ ແຂວງ ບໍລິຄຳໄຊ ຢູ່ຫ້ອງປະຊຸມຊັ້ນ II ຫ້ອງວ່າການປົກຄອງເມືອງ ໂດຍການເປັນກຽດເຂົ້າຮ່ວມຮັບຟັງ ຂອງທ່ານ ວົງສີທອງສີ ອີນທິປັນຍາ ກຳມະການພັກແຂວງ, ເລຂາພັກເມືອງ, ເຈົ້າເມືອງວຽງທອງ, ມີຮອງເຈົ້າເມືອງ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງ, ອົງການຈັດຕັ້ງ, ພະນັກງານລັດຖະກອນເຂົ້າຮ່ວມພ້ອມພຽງ.
ໃນການລົງເຜີຍແຜ່ຄັ້ງນີ້ ໄດ້ນໍາເອົາເນື້ອໃນຜົນສໍາເລັດ ກອງປະຊຸມສະໄໝສາມັນເທື່ອ ທີ 4 ຂອງ ສະພາແຫ່ງຊາດຊຸດທີ VIII ແລະ ສະພາປະຊາຊົນ ແຂວງ ຊຸດທີ I ທີ່ໄດ້ພິຈາລະນາ ຮັບຮອງເອົາຫລາຍບັນຫາສໍາຄັນພື້ນຖານ ຂອງຊາດ ແລະ ຂອງທ້ອງຖິ່ນ ພ້ອມທັງຍົກໃຫ້ເຫັນສິດ, ໜ້າທີ ພາລະບົດບາດ ຂອງສະມາຊິກສະພາແຫ່ງຊາດ ແລະ ສະພາທ້ອງຖີ່ນ ເຜີຍແຜ່ໃຫ້ພະນັກງານ, ລັດຖະກອນ ຢູ່ພາຍໃນເມືອງໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງພ້ອມທັງໄດ້ຮັບຟັງຄໍາສະເໜີ ຂອງພະນັກງານລັດຖະກອນ ເພື່ອນຳໄປຄົ້ນຄົ້ວພິຈະລະນາຢູ່ໃນວາລະດຳເນີນກອງປະຊຸມຄັ້ງຕໍ່ໄປ.

Editor:  ເມືອງວຽງທອງ

{gallery}News/ltv/2018/03/l2d-2{/gallery}