ພະນັກງານສະຫະພັນ ແມ່ຍິງແຂວງ, ນະຄອນຫຼວງ ແລະ ພະນັກງານຫຼັກແຫຼ່ງຂອງ ສູນກາງສະຫະພັນແມ່ຍິງລາວ ໄດ້ຮັບການຝຶກອົບ ຮົມຄູຝຶກ ໃນວຽກງານພັດທະນາແມ່ຍິງ ຊຶ່ງໄດ້ຈັດຂຶ້ນໃນວັນ ທີ 12 ມີນານີ້ ທີ່ສູນອົບຮົມ ແມ່ຍິງລາວ ໂດຍການເປັນປະ ທານຂອງທ່ານ ນາງ ອິນລາວັນ ແກ້ວບຸນພັນ ປະທານຄະນະ ບໍລິຫານງານ ສູນກາງສະຫະພັນແມ່ຍິງລາວ, ທ່ານ ນາງ ສິລິກິດ ບຸບຜາ ຮອງປະ ທານ ສູນກາງສະຫະພັນແມ່ຍິງລາວ ຜູ້ຊີ້ນໍາສູນຝຶກ ອົບຮົມແມ່ຍິງລາວ, ມີບັນດາ ຄູ-ອາຈານ ແລະ ນັກສຳມະ ນາກອນເຂົ້າຮ່ວມ.
ຊຸດຝຶກອົບຮົມຄັ້ງນີ້ຈັດ ຂຶ້ນ ເພື່ອຈັດຕັ້ງຜັນຂະຫຍາຍແຜນພັດທະນາຊັບພະຍາກອນມະນຸດ, ແຜນການກໍ່ສ້າງວຽກງານນໍາພາ-ຄຸ້ມຄອງເພດຍິງ ສະນັ້ນສູນກາງສະຫະພັນແມ່ຍິງລາວຈຶ່ງໄດ້ຈັດຊຸດຝຶກອົບຮົມກ່ຽວກັບວຽກງານພັດທະນາແມ່ຍິງຂື້ນ ເປັນເວລາ 2 ອາທິດ, ຊຸດຝຶກອົບຮົມຄັ້ງນີ້ຜູ້ເຂົ້າຮ່ວມແມ່ນຈະໄດ້ຮຽນຮູ້ຫລາຍກ່ວາຂໍ້ບົດຮຽນ ທີ່ມີຄວາມສໍາຄັນ ແລະ ສາມາດໝູນໃຊ້ເຂົ້າໃນວຽກງານວິຊາສະເພາະເປັນຕົ້ນ: ຈະໄດ້ຄົ້ນຄົ້ວຮໍ່າຮຽນ ແລະ ເຊື່ອມຊືມຄວາມຮູ້ພື້ນຖານກ່ຽວກັບວຽກງານການເປັນຄູຝຶກ, ທັດສະ ແລະ ທິດຊີນໍາຂອງພັກຕໍ່ກັບວຽກງານແມ່ຍິງ, ວຽກງານໃຫ້ຄໍາປຶກສາ, ວຽກງານຈັດຕັ້ງ, ວຽກງານຫ້ອງການ, ວຽກງານໂຄສະນາອົບຮົມຂ່າວສານ ແລະ ຕິດຕາມກວດກາປະເມີນຜົນ, ການສະຫຼຸບລາຍງານວຽກງານຮອບດ້ານຂະແໜງສະຫະພັນແມ່ຍິງແຕ່ລະໄລຍະ, ພ້ອມທັງຄວາມຮູ້ເຕັກນິກວິທະຍາດສາດ ແລະ ວິຊາການດ້ານການບໍລິຫານຕ່າງໆ ທີ່ພົວພັນເຖິງຫນ້າທີ່ ແລະ ຄວາມຮັບຜິດຊອບຂອງສະຫະພັນແມ່ຍິງທຸກຂັ້ນ, ເພື່ອແນ່ໃສ່ໃຫ້ແມ່ຍິງມີຄວາມຮູ້ຄວາມສາມາດ ໃນການບໍລິຫານວຽກງານໃຫ້ໄດ້ດີ ແລະ ສອດຄ່ອງກັບເງື່ອນໄຂສະພາບແວດລ້ອມຂອງແຕ່ລະທ້ອງຖີ່ນ
ການຝຶກອົບຮົມຄັ້ງດັ່ງກ່າວ ນອກຈາກຈະເປັນການຄົ້ນຄົ້ວຮໍ່າຮຽນເອກກະສານສໍາຄັນຕ່າງໆແລ້ວ ຜູ້ເຂົ້າຮ່ວມຍັງຈະໄດ້ຈັດຕັ້ງໜ່ວຍຄົ້ນຄົ້ວສົນທະນາ ແລະ ແລກປ່ຽນບົດຮຽນ ປຶກສາຫາລືເຊິ່ງກັນ ແລະ ກັນ ກ່ຽວກັບການເປັນຄູຝຶກ ແລ້ວລົງເລິກການແຕ່ລະຫນ້າວຽກທີ່ກ່ຽວຂ້ອງ ເພື່ອເປັນການປັບປຸງຄຸນນະພາບຂອງການນໍາພາ - ຄຸ້ມຄອງວຽກງານແມ່ຍິງ ແນ່ໃສ່ເຮັດໃຫ້ສະຫະພັນແມ່ຍິງແຕ່ລະຂັ້ນມີຄວາມເຂັ້ມແຂງທຸກດ້ານ, ເປັນກໍາລັງແຮງອັນໜັກແໜ້ນ ປະກອບສ່ວນ ໃນການປະຕິບັດແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດ ແລະ ແຜນພັດທະນາແມ່ຍິງລາວໃຫ້ປະກົດຜົນເປັນຈິງ
Editor: ສິງຫາ ເລືອງວັນ
