ໃນຕອນແລງຂອງວັນທີ 5 ມີນາ 2018 ນີ້ ຢູ່ທີໂຮງຮຽນປະຖົມສຶກສາວັງຊຽງ1 ໄດ້ມີພິທີໄຂກອງປະຊຸມໃຫຍ່ ຄັ້ງທີ II ຂອງສະຫະພັນກຳມະບານ ໝ່ວຍໂຮງຮຽນປະຖົມສຶກສາວັງຊຽງ 1 ຂື້ນ ໂດຍການເປັນປະທານຂອງທ່ານ ນາງ ບຸນຄ່ຽມ ວິລະວົງສາ ຄະນະບໍລິຫານງານສະຫະພັນກຳມະບານເມືອງ ປະທານສະຫະພັນກຳມະບານໝ່ວຍວັງຊຽງ1 ໃຫ້ກຽດເຂົ້າຮ່ວມ ຂອງທ່ານ ນາງ ຄູນທະວີ ແກ້ວມະນີວົງ ຮອງປະທານສະຫະພັນກຳມະບານເມືອງໂພນທອງ, ທ່ານ ນາງ ຕຸ້ຍ ອຸ່ນມະໂນ ຮອງເລຂາພັກບ້ານນາຍບ້ານໆວັງຊຽງ, ມີບັນດາປະທານ ຮອງປະທານຄະນະບໍລິຫານງານສະຫະພັນກຳມະບານໝ່ວຍອ້ອມຂ້າງເມືອງ, ສະມາຊິກສະຫະພັນກຳມະບານພາຍໃນໝ່ວຍໂຮງຮຽນປະຖົມສຶກສາວັງຊຽງ1 ແລະ ແຂກຮັບເຊີນເຂົ້າຮ່ວມ .
ກອງປະຊຸມໄດ້ຮັບຟັງຜ່ານບົດສະຫຼຸບລາຍງານການເຄື່ອນໄຫວໄລຍະ 5 ປີ ຂອງໜ່ວຍສະຫະພັນກໍາມະບານ ໂຮງຮຽນປະຖົມສຶກສາ ວັງຊຽງ 1 ທັງ 2 ພາກ ໂດຍໄດ້ຍົກໃຫ້ເຫັນດ້ານດີ, ດ້ານອ່ອນ, ບົດຮຽນ ແລະ ທິດທາງແຜນການ, ເຊິ່ງໃນໄລຍະ 5 ປີຜ່ານມາສະຫະພັນກໍາມະບານໜ່ວຍໂຮງຮຽນປະຖົມສຶກສາວັງຊຽງ 1 ເມືອງໂພນທອງ ມີຄວາມໜັກແໜ້ນດ້ານການເມືອງ-ແນວຄິດ, ມີຄວາມເຂັ້ມແຂງດ້ານການຈັດຕັ້ງ ແລະ ມີຜົນສໍາເລັດໃນການເຄື່ອນໄຫວຢ່າງຮອບດ້ານ ຕາມຂໍ້ແຂງຂັ້ນ 5 ເປັນເຈົ້າຂອງວຽກງານສະຫະພັນກຳມະບານລາວ ວາງອອກຢ່າງເຂັ້ມງວດ, ຕິດແທດກັບການກໍ່ສ້າງໝ່ວຍພັກເຂັ້ມແຂງ-ຮູ້ນຳພາ. ສະຫະພັນກຳມະບານໜ່ວຍໂຮງຮຽນປະຖົມສຶກສາ ວັງຊຽງ1 ມີສະມາຊິກທັງ ໝົດ 17 ທ່ານ, ຍິງ 11 ທ່ານ, ປະກອບມີ 2 ໝວດ ປະຖົມສຶກສາຂຶ້ນກັບ ເປັນຕົ້ນ ປະຖົມສຶກສາວັງຊຽງ 1 ແລະ ປະຖົມສຶກສາບ້ານນາແຈ່ນ, ຄຽງຄູ່ໃນກອງປະຊຸມໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃຫ່ມ ໂດຍປະຕິບັດຕາມມາດຖານເງື່ອນໄຂຂອງສະຫະພັນກຳມະບານລາວວາງອອກ ໂດຍມີຜູ້ລົງສະມັກ ຈໍານວນ 5 ທ່ານ ເລືອກເອົາ 3 ທ່ານ ຜ່ານການປ່ອນບັດເລືອກຕັ້ງໄດ້ ທ່ານ ນາງ ບຸນຄ່ຽມ ວິລະວົງສາ ເປັນປະທານ , ທ່ານ ໄຊ ວໍແສງຄໍາ ເປັນຮອງປະທານ ແລະ ທ່ານ ນາງ ຮັກ ສັນທະສຸກ ເປັນຄະນະ.
Editor: ເມືອງໂພນທອງ
