ໃນຕອນເຊົ້າຂອງວັນທີ 6 ມີນາ 2018 ນີ້ ເມືອງໝື່ນ, ແຂວງວຽງຈັນ ໄດ້ເປີດກອງປະຊຸມເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ຂື້ນຢ່າງເປັນທາງການຢູ່ທີສະໂມສອນໃຫ່ຍຫ້ອງວ່າການປົກຄອງເມືອງຫມື່ນ, ແຂວງວຽງຈັນ ເຂົ້າຮ່ວມໂດຍ ທ່ານ ສົມດີ ແກ້ວດາລາວິນ ກຳມະການພັກແຂວງ ຮອງສະພາປະຊາຊົນແຂວງວຽງຈັນ, ມີ ທ່ານ ຕູ້ຊົງ ຕູ້ລໍວານິງ ສະມາຊິກສະພາປະຊາຊົນແຂວງວຽງຈັນ ປະຈຳເຂດເລຶອກຕັ້ງ ເມືອງຫມື່ນ, ມີ ທ່ານ ນາງ ຮັງລີ ແກ້ວວິໄລສັກ ສະມາຊິກສະພາປະຊາຊົນແຂວງວຽງຈັນ ປະຈຳເຂດເລຶອກຕັ້ງ ເມືອງຫມື່ນ, ມີຄະນະປະຈໍໍາພັກເມືອງ, ກໍໍາມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ ພ້ອມດ້ວຍພະນັກງານທົ່ວເມືອງເຂົ້າຮ່ວມຢ່າງພ້ອມພຽງ.
ໃນພິທີ ທ່ານພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ - ເມືອງຫມື່ນ ໄດ້ຂື້ນຜ່ານບົດລາຍງານປະຫວັດຄວາມເປັນມາຂອງເມືອງ ຈາກນັ້ນທ່ານ ສົມດີ ແກ້ວດາລາວິນ ກໍ່ໄດ້ໃຫ້ກຽດຂື້ນເຜີຍແຜ່ຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ເຊີ່ງກອງປະຊຸມໄດ້ພິຈາລະນາຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ 6 ເດືອນຕົ້ນປີ 2017 ແລະ ຄາດຄະເນ ທ້າຍປີ 2017, ພິຈາລະນາຮັບຮອງເອົາ ແຜນງົບປະມານແຫ່ງລັດ ປະຈຳປີ 2018 ຕາມການສະເໜີຂອງລັດຖະບານ. ນອກນັ້ນ ທ່ານກໍ່ໄດ້ສະແດງຄວາມຊົມເຊີຍມາຍັງອໍານາດການປົກຄອງທ້ອງຖີ່ນທຸກຂັ້ນ ທີ່ໄດ້ເອົາໃຈໃສ່ຈັດຕັ້ງປະຕິບັດຕາມພາລະບົດບາດເປັນຢ່າງດີ ເຮັດໃຫ້ມີຜົນສຳເລັດຫຼາຍດ້ານ.
ຈາກນັ້ນ ກອງປະຊຸມຍັງໄດ້ແລກປ່ຽນບົດຮຽນນຳກັນ ໂດຍການປະກອບຄຳຄິດ-ຄຳເຫັນ ຄຳຖາມຂໍ້ຂ້ອງໃຈຢ່າງເປັນກັນເອງ ເຮັດໃຫ້ກອງປະຊຸມມີບັນຍາກາດຟົດຟື້ນ. ນອກຈາກນັ້ນ ຜູ້ແທນກໍ່ໄດ້ລົງເຜີຍແຜ່ຜົນສຳເລັດຂອງກອງປະຊຸມຢູ່ຂັ້ນບ້ານຕື່ມອີກ.
Editor: ເມືອງຫມື່ນ
