ຕອນເຊົ້າຂອງວັນທີ 12 ມີນາ 2018 ນີ້ ກອງບັນຊາການ ປກຊ ເມືອງຊະນະຄາມ ແຂວງວຽງຈັນ ໄດ້ເປີດຊຸດຝຶກອົບຮົມ ການເມືອງ-ການທະຫານ ໃຫ້ກໍາລັງ ປກສ ກອງຫລອນ ກຸ່ມບ້ານແສນຈະເລີນ ຢູ່ທີ່ສາລາວັດ ບ້ານໂພນງາມ, ເມືອງຊະນະຄາມ, ແຂວງວຽງຈັນ ໂດການເປັນປະທານ ຂອງທ່ານ ສະຫມານ ວິເສດຍະພົງ ເລຂາພັກເມືອງ ເຈົ້າເມືອງ ເມືອງຊະນະຄາມ ແລະ ທັງເປັນປະທານ ປ້ອງກັນຊາດ ປ້ອງກັນຄວາມສະຫງົບ ຂັ້ນເມືອງ, ມີທ່ານ ພັນຕີ ຈັນທາ ດາລາສັກ ຫົວໜ້າ ການເມືອງກອງບັນຊາ ປກຊ ເມືອງ, ມີກຳມະການພັກເມືອງ ຫົວໜ້າຫ້ອງການ ອຳນາດການປົກຄອງ ບ້ານ ກຳລັງ ປກສ ກອງຫລອນ ແລະ ປະຊາຊົນບ້ານໂພນງາມ ກໍ່ເປັນກຽດເຂົ້າຮ່ວມ.
ໃນພິທີດັ່ງກ່າວ ໄດ້ຜ່ານແຜນການຝຶກອົບຮົມ ການເມືອງ-ການທະຫານ ໃຫ້ແກ່ກໍາລັງ ປກສ ກອງຫລອນ ກຸ່ມບ້ານແສນຈະເລີນ ພາຍໃນ 8 ບ້ານ ປະຈຳປີ 2018 ເຊິງຈະໄດ້ດຳເນີນໄປເປັນເວລາ 5 ວັນ ແຕ່ວັນທີ 12-17 ມີນາ 2018 ມີ ກຳລັງ ປກສ ກອງຫລອນເຂົ້າຮ່ວມຝຶກອົມຮົມ ຈຳນວນ 116 ຄົນ ຕັ້ງເປັນ 1 ກອງຮ້ອຍ ມີ 3 ໝວດ ມີ 9 ຫມູ່ ປະກອບອາວຸດແລ້ວ 37 ກະບອກ, ສ່ວນເອກະສານທີ່ນໍາມາຝຶກອົບຮົມ ໃນຄັ້ງນີ້ ປະກອບມີສອງພາກສ່ວນ ຄື: ພາກສ່ວນການເມືອງ ປະກອບມີເອກະສານທັດສະນະພື້ນຖານຂອງພັກ ຕໍ່ວຽກການທະຫານທ້ອງຖິ່ນ, ເອກະສານມູນເຊື້ອກອງທັບປະຊາຊົນລາວ, ເອກະສານຕ້ານການຫັນປ່ຽນໂດຍສັນຕິຂອງສັດຕູ, ຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ສະບັບເລກທີ 141/ກປທ ແລະ ພາກສວນການທະຫານ ແມ່ນຈະໄດ້ຈັດຕັ້ງປະຕິບັດຕົວຈິງ ຄຸນຄ່າສະມັດຕະພາບ ການປະກອບສ້າງຂອງປຶນ ອາກາ AK - ເຊກາເຊ CKC ເລັງ ແລະ ຍິງ ບົດເປີດສາກ,ຈັ່ງຫວະບຸກຄົນ ໂດຍອາໃສພູມີປະເທດ.
ຈຸດປະສົງ ໃນການຝຶກອົບຮົມຫັດແອບໃນຄັ້ງນີ້ ກໍ່ເພື່ອປັບປຸງວຽກງານ ປກສ - ກອງຫລອນ ພາຍໃນກຸ່ມບ້ານແສນຈະເລີນ ທີ່ຂື້ນກັບເມືອງຊະນະຄາມ ແຂວງວຽງຈັນ ໃຫ້ມີຄວາມເຂັ້ມແຂງ ແລະ ໜັກແໜ້ນທາງດ້ານການຈັກຕັ້ງ ຮູ້ສ້າງແຜນການສູ້ຮົບປ້ອງກັນບ້ານ ແລະ ທ້ອງຖິ່ນຂອງຕົນ, ເພື່ອເຮັດໃຫ້ຄະນະພັກ ຄະນະບັນຊາ ອຳນາດການປົກຄອງ ອົງການຈັດຕັ້ງທຸກຂັ້ນ ແລະ ກຳລັງ ປກສ ກອງຫລອນ ໄດ້ຮັບຮູ້ເຊື່ອມຊືມຕໍ່ວຽກງານ ປກສ-ປກຊ ຂອງພັກເຮົາໃນໄລຍະໃໝ່ ໃຫ້ກາຍເປັນຂອງທົ່ວປວງຊົນ ແລະ ເພື່ອປັບປຸງບ້ານ ກຸ່ມບ້ານ ແນ່ໃສ ພື້ນຖານໃນການສ້າງທ່າສະໜາມ 3 ຂັ້ນ ໃຫ້ກາຍເປັນບໍລິເວນປ້ອງກັນ ຈັ້ງທ່າຂອງເມືອງ ໃນສະເພາະໜ້າ ແລະ ຍາວນານ.
Editor: ເມືອງຊະນະຄາມ
