ໃນຕອນບ່າຍຂອງວັນທີ 12 ມີນາ 2018 ນີ້ ທ່ານ ພັນເອກ ປະລິນຍາເອກ ຖາວອນ ອິນທະວົງ ເລຂາຄະນະພັກ ຫົວຫນ້າກອງບັນຊາການ ປກສ ແຂວງບໍ່ແກ້ວ ໄດ້ຢ້ຽມຢາມພົບປະໂອລົມ ກອງບັນຊາການ ປກສ ເມືອງຕົ້ນເຜີ້ງ ໃຫ້ກຽດຕ້ອນຮັບຂອງທ່ານ ພັນໂທ ອິນວົງ ວັນນະຈອມຈັນ ຄະນະປະຈຳພັກເມືອງ ເລຂາຄະນະພັກຮາກຖານ ຫົວໜ້າກອງບັນຊາການ ປກສ ເມືອງຕົ້ນເຜີ້ງ ມີບັນດາຫົວໜ້າພະແນກ, ຮອງພະແນກ, ຫົວໜ້າ ປກສ ບໍລິການປະຊາຊົນເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ພັນໂທ ອິນວົງ ວັນນະຈອມຈັນ ກໍ່ໄດ້ລາຍງານສະພາບ ແລະ ຈຸດພິເສດໂດຍຫຍໍ້ ຂອງກອງບັນຊາການ ປກສ ເມືອງຕົ້ນເຜິ້ງ ໃຫ້ຊາບ ຈາກນັ້ນ, ກໍ່ໄດ້ຮັບຟັງການໂອ້ລົມຂອງ ທ່ານ ພັນເອກ ປະລິນຍາເອກ ຖາວອນ ອິນຖະວົງ ເລຂາຄະນະພັກ ຫົວໜ້າກອງບັນຊາການ ປກສ ແຂວງບໍ່ແກ້ວ ກ່ອນອື່ນທ່ານກໍ່ໄດ້ຍ້ອງຍໍຊົມເຊີຍຕໍ່ຜົນງານຂອງກອງບັນຊາການ ປກສ ເມືອງຕົ້ນເຜີ້ງ ຍາດມາໄດ້ໃນໄລຍະທີ່ຜ່ານມາ. ພ້ອມກັນນັ້ນ, ກໍ່ໄດ້ເນັ້ນໜັກໃຫ້ຄະນະພັກ-ຄະນະບັນຊາກອງບັນຊາການ ປກສ ເມືອງຕົ້ນເຜີ້ງ ເພີ່ມທະວີເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບໃຫ້ຖືເປັນວຽກງານສຳຄັນ ແລະ ເຮັດຢ່າງຕໍ່ເນືອງ ເພື່ອເຮັດໃຫ້ສະມາຊິກພັກ, ພະນັກງານ-ນັກຮົບ ມີແນວຄິດຫຼັກໝັ້ນ ການເມືອງໜັກແໜ້ນ ມີສະຕິຕໍ່ການຈັດຕັ້ງ, ຮູ້ທັນທຸກກົນອຸບາຍ ເລ່ລ່ຽມຂອງກຸ່ມຄົນບໍ່ດີທີ່ຫວັງຈະກໍ່ຄວາມບໍ່ສະຫງົບ ຄວາມບໍ່ເປັນລະບຽບຮຽບຮ້ອຍຂອງສັງຄົມ, ເອົາໃຈໃສ່ປະຕິບັດໜ້າທີ່ວິຊາສະເພາະຢ່າງຕັ້ງໜ້າ ດ້ວຍຄວາມຮັບຜິດຊອບສູງ, ສືບຕໍ່ປັບປຸງກຳລັງຢ່າງຮອບດ້ານເພື່ອຈັດຕັ້ງປະຕິບັດແຜນງານໃຫ່ຍໃຫ້ມີຜົນສຳເລັດ, ສືບຕໍ່ຈັດຕັ້ງປະຕິບັດ 4 ຄາດໝາຍ 4 ແຜນງານໃຫ່ຍ 41 ໂຄງການທີ່ກະຊວງປ້ອງກັນຄວາມສະຫງົບວາງອອກ, ສຸມໃສ່ວຽກງານການປົກປັກຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ, ປັບປຸງກໍ່ສ້າງກຳລັງປ້ອງກັນຄວາມສະຫງົບໃຫ້ປອດໃສ່ໜັກແໜ້ນ-ເຂັ້ມແຂງ ແລະ ມີແບບແຜນທັນສະໄຫມ.
Editor: ແຂວງບໍແກ້ວ
