ເມື່ອບໍມາດົນມານີ້ ໜ່ວຍຊາວໜຸ່ມ ປກສ ເມືອງຫມື່ນ ໄດ້ຈັດກອງ ປະຊຸມໃຫ່ຍຄັ້ງທີ III ຢູ່ທີ່ສະໂມສອນຫ້ອງການກອງບັນຊາການ ປກສ ເມືອງໝື່ນຂື້ນຢ່າງເປັນທາງການ ໃຫ້ກຽດເຂົ້າຮ່ວມໂດຍ ທ່ານ ສະຫາຍ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຊາວໜຸ່ມເມືອງໝື່ນ, ມີ ສະຫາຍ ພັນໂທ ບຸນເຄນ ໄຊຍະບົວພາ ຄະນະປະຈໍາພັກເມືອງ ເລຂາຄະນະພັກຮາກຖານກອງບັນຊາການ ປກສ ເມືອງ ພ້ອມທັງສະມາຊິກຊາວ ໜຸ່ມພາຍໃນໜ່ວຍເຂົ້າຮ່ວມຢ່າງພ້ອມພຽງ.
ໃນພິທີ ສະຫາຍ ຮ້ອຍເອກ ໄຊໂຍ ທອງປັດສາ ເລຂາໜ່ວຍຊາວໜຸ່ມ ປກສ ເມືອງຫມື່ນ ກໍ່ໄດ້ຂື້ນຜ່ານບົດລາຍງານການເມືອງ ຂອງໜ່ວຍຊາວໜຸ່ມ ເຊີ່ງກໍ່ໄດ້ຕີລາຄາສູງຕໍ່ຜົນງານຂອງໜ່ວຍຊາວໜຸ່ມທີ່ຍາດມາໄດ້ຕະຫຼອດ 5 ປີ ຜ່ານມາ ໃນການປະກອບສ່ວນເຂົ້າໃນໜ້າທີ່ວຽກງານ ກໍຄື ປະກອບສ່ວນໃນການສ້າງຂະບານການຕ່າງໆເປັນຕົ້ນແມ່ນ ການອອກແຮງງານ, ຂະບວນການແຂ່ງຂັນກິລາ ຮັບຕ້ອນຮັບວັນສຳຄັນຂອງພັກ - ລັດ, ຂະບວນການປ້ອງກັນເວນຍາມກອງປະຊຸມຕ່າງໆ ຕາມທີ່ການຈັດຕັ້ງຂັ້ນເທິ່ງມອບໝາຍໃຫ້ເປັນຢ່າງດີ, ຈາກນັ້ນ ສະຫາຍ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຊາວໜຸ່ມເມືອງໝື່ນ ກໍ່ໄດ້ໃຫ້ກຽດຂື້ນຜ່ານມາດຖານຂອງຜູ້ທີ່ຈະເຂົ້າເປັນສະມາຊິກຊາວໜຸ່ມປະຊາຊົນ ປະຕິວັດລາວ ເພື່ອດຳເນີນການປ່ອນບັດຄັດເລືອກເອົາຕົວແທນຄະນະຊາວໜຸ່ມ ປກສ ຊຸດໃໝ່ ໃນນັ້ນມີ 6 ສະຫາຍ ຄື: ສະຫາຍ ຮ້ອຍເອກ ໄຊໂຍ ທອງປັດສາ ເປັນເລຂາ, ສະຫາຍ ຮ້ອຍຕີ ສັນຈອນ ແກັວໜູນແຄະ ເປັນຮອງ, ສະຫາຍ ຮ້ອຍໂທ ແອ່ນ ປັນຍາລັດ ເປັນຄະນະ ທັງເປັນປະທານກວດກາໜ່ວຍ, ສະຫາຍ ຮ້ອຍຕີ ຄຳຈີ້ມ ໂພສີແກ້ວ ເປັນຮອງປະທານກວດກາ, ສະຫາຍ ຮ້ອຍໂທ ຄຳໂມະ ເປັນຄະນະ,
ທ້າຍພິທີ ສະຫາຍ ຝືລີ ລີເລ່ຍນູ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຊາວໜຸ່ມເມືອງໝື່ນ ກໍໄດ້ໂອ້ລົມຕໍ່ກອງປະຊຸມ ເຊີ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານຕະຫຼອດ 5 ປີ ຜ່ານມາ ທີ ໜ່ວຍຊາວໜຸ່ມສາມາດຍາດມາໄດ້ແລ້ວເນັ້ນ ໃຫ້ທຸກສະຫາຍຈົ່ງສືບຕໍ່ເຮັດໜ້າທີ່ວຽກຕາມຂັ້ນເທິ່ງມອບໝາຍໃຫ້ ເພື່ອປະກອບສ່ວນເຂົ້າໃນໜ້າທີວຽກໃຫ້ມີປະສິດທິຜົນດີຂື້ນເລື້ອຍໆ.
Editor: ເມືອງຫມື່ນ
