ໃນເມື່ອບໍ່ດົນນີ້ ຮາກຖານຊາວໜຸ່ມ ມະຫາວິທະຍາໄລ ສະຫວັນນະເຂດ ມອບໃບຢັ້ງຢືນໜ່ວຍຊາວໜຸ່ມ ຕົວແບບ 4 ບຸກ ຄັ້ງທີ II ທີ່ມະຫາວິທະຍາໄລ ສະຫວັນນະເຂດ ໂດຍການເປັນປະທານຂອງທ່ານ ລໍາແກ້ວ ແສງໜູທອງ ເລຂາຄະນະບໍລິຫານງານຊາວໜຸ່ມແຂວງ, ທ່ານ ຮອງສາດສະດາຈານ ປອ ບູນປົງ ແກ້ວໂຣດົມ ເລຂາຄະນະພັກຮາກຖານມະຫາວິທະຍາໄລ ສະຫວັນນະເຂດ ທັງເປັນອະທິການບໍດີ ມະຫາວິທະຍາໄລ ສະຫວັນນະເຂດ ພ້ອມດ້ວຍຄະນະພັກ, ຄະນະຊາວໜຸ່ມພະແນກການອ້ອມຂ້າງ ແລະ ສະມາຊິກຊາວໜຸ່ມຮາກຖານ ມະຫາວິທະຍາໄລ ສະຫວັນນະເຂດ ເຂົ້າຮ່ວມ.
ໃນພິທີ ທ່ານ ຖາວອນ ມູມສໍາຫຼວດ ຮອງເລຂາຮາກຖານຊາວໜຸ່ມ ມະຫາວິທະຍາໄລ ສະຫວັນນະເຂດ ໄດ້ຍົກໃຫ້ເຫັນຜົນງານທີ່ພົ້ນເດັ່ນຫຼາຍດ້ານ ທີ່ແຕ່ລະຫນ່ວຍຍາດມາໄດ້ ຊຶ່ງປະກອບມີ: ຄະນະບໍລິຫານງານຊາວໜຸ່ມຂອງຮາກຖານ 05 ສະຫາຍ, ຍິງ 02 ສະຫາຍ, ມີ 08 ໜ່ວຍຂຶ້ນກັບ ຄື: ໜ່ວຍຊາວໜຸ່ມສໍານັກງານອະທິການບໍດີ, ໜ່ວຍຊາວໜຸ່ມຄະນະກະເສດສາດ, ໜ່ວຍຊາວໜຸ່ມຄະນະບໍລິຫານທຸລະກິດ, ໜ່ວຍຊາວໜຸ່ມຄະນະພາສາສາດ, ໜ່ວຍຊາວໜມຸ່ຄະນະວິທະຍາສາດອາຫານ, ໜ່ວຍຊາວໜຸ່ມຄະນະສຶກສາສາດ, ໜ່ວຍຊາວໜຸ່ມສູນເຕັກໂນໂລຊີ-ຂໍ້ມູນຂ່າວສານ ແລະ ໜ່ວຍຄະນະວິທະຍາສາດທໍາມະຊາດ.
ຜ່ານການຈັດຕັ້ງປະຕິບັດຂໍ້ແຂງຂັນ 4 ບຸກ ພາຍໃນຮາກຖານຊາວໜຸ່ມ ມະຫາວິທະຍາໄລ ສະຫວັນນະເຂດ ສາມາດສະຫຼຸບຕີລາຄາຜົນສຳເລັດ ໃນການຈັດຕັ້ງປະຕິບັດ ສາມາດສ້າງເປັນຮາກຖານຊາວໜຸ່ມ 4 ບຸກໄດ້ຄັ້ງທີ II, ໜ່ວຍຊາວໜຸ່ມສໍານັກງານອະທິການບໍດີ ໄດ້ຄັ້ງທີ III, ໜ່ວຍຊາວໜຸ່ມສູນເຕັກໂນໂລຊີ-ຂໍ້ມູນຂ່າວສານ ໄດ້ຄັ້ງທີ II ແລະ ໜ່ວຍຄະນະວິທະຍາສາດທໍາມະຊາດ ໄດ້ຄັ້ງທີ I ແລະ ໃນພິທີຍັງໄດ້ມອບໃບຢັ້ງຢືນຊາວໜຸ່ມ 4 ບຸກ,ເຊິ່ງໃຫ້ກຽດມອບໂດຍທ່ານ ລໍາແກ້ວ ແສງໜູທອງ ເລຂາຄະນະບໍລິຫານງານຊາວໜຸ່ມ ແຂວງສະຫວັນນະເຂດ.
Editor: ນັກຂ່າວຊາວໜຸ່ມເມືອງໄກສອນພົມວິຫານ
