ໃນໄລຍະກາງເດືອນ ມີນາ 2018 ນີ້ ຢູ່ທີ່ສະໂມສອນຂອງເມືອງຊະນະຄາມ ແຂວງວຽງຈັນ ໄດ້ຈັດພິທີ ເປີດ ເມືອງຊະນະຄາມ ເປັນເມືອງຊາວໜຸ່ມ 4 ບຸກ ໂດຍການໃຫ້ກຽດເປັນປະທານຮ່ວມຂອງທ່ານ ນາງ ຈັນທະຄອນ ສີອຳພອນ, ກຳມະການພັກແຂວງວຽງຈັນ ຄະນະບໍລິຫານງານຊາວໜຸ່ມສູນກາງພັກ ເລຂາຄະນະບໍລິຫານງານຊາວໜຸ່ມ ແຂວງວຽງຈັນ ,ມີ ທ່ານ ສະຫມານ ວິເສດຍະພົງ, ເລຂາພັກເມືອງ ເຈົ້າເມືອງໆຊະນະຄາມ ມີບັນດາຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ແລະ ຄະນະບໍລິຫານງານຊາວໜຸ່ມເມືອງ, ໂຮງຮຽນ ແລະ ຊາວໜຸ່ມບ້ານກໍ່ເປັນກຽດເຂົ້າຮ່ວມຢ່າງພ້ອມພຽງ
ໃນພິທີດັ່ງກ່າວ ທ່ານ ສີນວນ ຈັນດາຫານ, ກໍາມະການພັກເມືອງ ເລຂາຄະນະບໍໍລິຫານງານຊາວໜຸ່ມ ເມືອງຊະນະຄາມ ໄດ້ຜ່ານບົດສະຫຼຸບຕີລາຄາ ການຈັດຕັ້ງປະຕິບັດ ຂໍ້ແຂ່ງຂັນຊາວໜຸ່ມ 4 ບຸກ ຂອງຄະນະບໍລິຫານງານຍຊາວໜຸ່ມເມືອງຊະນະຄາມ ໃນຊຸມປີຜ່ານມາ ໃນຫຼາຍດ້ານເປັນຕົ້ນແມ່ນວຽກງານ ການປັບປຸງການຈັດຕັ້ງຊາວໜຸ່ມ ທົ່ວເມືອງຊະນະຄາມ ມີໜ່ວຍຮາກຖານ 63 ໜ່ວຍ ມີຄະນະບໍລິຫານງານ 18 ສະຫາຍ ຍິງ 4 ສະຫາຍ ມີຊາວໜຸ່ມ ທັງໜົດ 2.646 ສະຫາຍ ຍິງ 1.290 ສະຫາຍ ມີຊາວໜຸ່ມປະຊາຊົນປະຕິວັດລາວ 1.140 ສະຫາຍ ຍິງ 538 ສະຫາຍ ຂະຫຍາຍໃໝ່ 254 ສະຫາຍ ຍິງ 148 ສະຫາຍ ເປັນສະມາຊິກພັກ 121 ສະຫາຍ ຍິງ 30 ສະຫາຍ ພ້ອມກັນນີ້ ຄະນະບໍລິຫານງານຊາວໜຸ່ມເມືອງ ກໍ່ໄດ້ເອົາໃຈໃສ່ປຸກລະດົມຊາວໜຸ່ມໃນຂັ້ນຂອງຕົນຮັບຜິດຊອບເຂົ້າຮ່ວມຂະບວນການການຈັດຕັ້ງຂໍ້ແຂ່ງຂັນ 4 ບຸກຢ່າງຕັ້ງໜ້າ ໂດຍຕິດພັນກັບການປະຕິບັດວິຊາສະເພາະຂອງຕົນ, ໂດຍອີງໃສ່ການຈັດຕັ້ງປະຕິບັດຂໍ້ແຂ່ງຂັນ ແລະ ຜົນງານຕົວຈິງ ໃນໄລຍະຜ່ານມາ ຂອງຄະນະບໍລິຫານງານ ຊາວໜຸ່ມປະຊາຊົນປະຕິວັດລາວເມືອງຊະນະຄາມ ໃນຂໍ້ແຂ່ງຂັນ 4 ບຸກ ເຊັ່ນ: ບຸກດ້ານການເມືອງ ແນວຄິດ ປະຕິບັດໄດ້ 85% ບຸກທາງດ້ານການຝຶກຝົນຮໍ່າຮຽນ ປະຕິບັດໄດ້ 90% ບຸກດ້ານວຽກງານການປັບປຸງ ກໍ່ສ້າງການຈັດຕັ້ງ ສາມາດປະຕິບັດໄດ້ 90% ບຸກດ້ານການຝຶກອົບຮົມວິຊາຊີບ ສ້າງວຽກເຮັດງານທຳ ປະຕິບັດໄດ້90% ຈາກການປະເມີນ ຜົນຕົວຈິງ ເຫັນວ່າ: ຄະນະຊາວໜຸ່ມ ປະຊາຊົນປະຕິວັດລາວເມືອງຊະນະຄາມ ແມ່ນຖືກຕ້ອງຕາມເງື່ອນໄຂ ການສ້າງເປັນເມືອງຊາວໜຸ່ມ 4 ບຸກໄດ້, ຜ່ານການປະເມີນຂໍ້ແຂ່ງຂັນ 4 ບຸກ ທົົ່ວເມືອງສາມາດປະຕິບັດໄດ້ 90% ແລະ ໜ່ວຍຮາກຖານຊາວໜຸ່ມທົ່ວເມືອງຖືກຮັບຮອງເປັນໜ່ວຍຊາວໜຸ່ມ 4 ບຸກ ຫຼາຍກ່ວາ 95% ຕົກມາໃນກາງເດືອນ ເມສາ 2018 ຈຶ່ງໄດ້ມີພິທີປະກາດຮັບຮອງເອົາເມືອງຊະນະຄາມ ເປັນເມືອງຊາວໜຸ່ມ 4 ບຸກຢ່າງເປັນທາງການ.
Editor: ເມືອງຊະນະຄາມ
