ຄະນະຫ້ອງການໂຄສະນາອົບຮົມເມືອງຄຳ ໄດ້ຈັດພິທີປະຖະກະຖາວັນ ສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ ( 22 ມີນາ 1955-22 ມີນາ 2018 ) ແລະ ວັນຄຽດແຄ້ນຂອງປະຊາຊົນລາວ ຄົບຮອບ 72 ປີ ( 21 ມີນາ 1946-21 ມີນາ 2018 ) ຂື້ນທີ່ສະໂມສອນ ສຳນັກງານປົກຄອງເມືອງຄຳ ແຂວງຊຽງຂວາງ ຢ່າງເປັນທາງການ.
ໂດຍການເປັນປະທານຂອງ ທ່ານ ວຽງໄຊ ສີວິໄລ ກຳມະການພັກແຂວງ ເລຂາພັກເມືອງເຈົ້າ ເມືອງ - ເມືອງຄໍາ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ ພ້ອມດ້ວຍ ພະນັກງານລັດຖະກອນຫ້ອງການອ້ອມຂ້າງເມືອງ ແລະ ເລຂາພັກບ້ານ 9 ບ້ານເທດສະ ບ້ານເມືອງຄຳ ເຂົ້າຮ່ວມຢ່າພ້ອມພຽງ.
ໃນພິທີ ທ່ານ ວຽງໄຊ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງຄຳ ໄດ້ຂື້ນ ຜ່ານເອກະສານວັນສ້າງຕັ້ງພັກປະຊາຊົນປະຕິບັດລາວຄົບຮອບ 63 ປີໃຫ້ຮູ້ວ່າ: ຊາດລາວເປັນຊາດໜື່ງ ທີ່ມີປະຫວັດສາດອັນຍາວນານ ມີມູນເຊື້ອໃນການຕໍ່ສູ້ຕີເອົາຊະນະຈັກກະພັດຜູ້ຮຸກຮານມີມູນເຊື້ອໃນການ ການປົກປັກຮັກສາ ແລະ ສ້າງສາພັດທະນາປະເທດຊາດ, ຕໍ່ມາໃນປີ 1893 ລາວເປັນຫົວເມືອງຂື້ນ ປະຊາຊົນລາວ ຖຶກກົດຂີ່ຂູດຮີດຢ່າງໜັກໜ່ວງ ແລະ ປ່າເຖື່ອນເມືອເຫັນດັ່ງນັ້ນ ຈຶ່ງເກີດມີຂະບວນການລຸກຮື້ຂື້ນຕໍ່ຕ້ານແອກປົກຄອງຂອງພວກລ່າເມືອງຂື້ນ ຢ່າງອົງອາດກ້າຫານເປັນຂະບວນການຢ່າງຕໍ່ເນືອງຈົນ ມາຮອດປີ 1955 ຄວາມຮຽກຮ້ອງຕ້ອງການໃໝ່ຂອງການປະຕິບັດ ແລະ ໂດຍ ປະຕິບັດຕາມມະຕິຂອງກອງປະຊຸມໃຫຍ່ ຄັ້ງທີ 2 ຂອງພັກກອມມູນິດອິນດູຈີນ, ບັນດານັກກອມມູນິດລາວ ພາຍຫຼັງທີໄດ້ກະກຽມມາໄດ້ໄລຍະໜື່ງ ກໍ່ໄດ້ເປິດກອງປະຊຸມໃຫຍ່ຜູ້ແທນທົ່ວປະເທດສ້າງຕັ້ງພັກ ປະຕິບັດ ຂອງຕົນເອງຂື້ນໃນວັນທີ່ 22 ມີນາ ຄສ 1955 ຈາກນັ້ນ ກໍ່ໄດ້ຕໍ່ສູ້ກັນມາຢ່າງລຽນຕິດ ອັນລະອິດລະອ້ຽວ ຈົນມາຮອດວັນທີ 2 ທັນວາ 1975 ຈື່ງໄດ້ປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ, ໄຊຊະນະຄັ້ງນີ້ ເປັນຂີດໝາຍແຫ່ງເຫດການປະຫວັດສາດ ໄດ້ກາຍເປັນໝາກຜົນໃນການຕໍ່ສູ້ອັນສຳເລັດ ຂອງການປະຕິວັດຊາດ ປະຊາທິປະໄຕ ຢ່າງສົມບູນ ແລະ ໄດ້ໄຂສັງກາດໃໝ່ ໄລຍະຂະຫຍາຍຕົວທີ່ຮຸ່ງເຮືອງສົດໃສທີ່ສຸດ ໃນປະຫວັດສາດ ຂອງຊາດລາວ ກ້າວຂື້ນສູ່ເສັ້ນທາງອັນສະຫວ່າງສະໄຫວ ຂອງລັດທິສັງຄົມນິຍົມ ພາຍໃຕ້ການນຳພາຂອງພັກ ປະຊາຊົນ ປະຕິວັດລາວ, ຄຽງຄູ່ກັບຜົນງານລວມຂອງພັກ ແລະ ລັດຖະບານ ທີ່ໄດ້ກ່າວມານັ້ນ ເມືອງຄຳ ກໍ່ມີຜົນງານທີ່ສຳເລັດຫຼາຍດ້ານ ເຊັ່ນ: ໃນປີ 2017 ລວມຍອດລາຍຮັບບັນລຸໄດ້ 551,8 ຕື້ກີບ, ລື່ນແຜນການ 0,2% ໃນນັ້ນຂົງເຂດກະສິກໍາ ກວມ 44,39%, ຂົງເຂດການຄ້າ ແລະ ຫັດຖະກຳກວມ 28,51% ແລະ ການບໍລິການ ກວມ 27,10% ສະເລ່ຍລາຍຮັບຕໍ່ຫົວຄົນໄດ້ 10 ລ້ານ 8 ແສນກວ່າກີບ/ຄົນ/ປີ ຫຼື ເທົ່າກັບ 1,360 ໂດລາ/ຄົນ/ປີ ແລະ ວຽກ ງານອື່ນໆອີກ.
ຫຼັງຈາກນັ້ນ ທ່ານນາງ ແສງ ຈັນ ວົງສຸລິດ ຄະນະປະຈຳພັກເມືອງ ປະທານກວດກາພັກ-ລັດ ເມືອງຄໍາ ກໍ່ໄດ້ຂື້ນຜ່ານເອກະສານວັນຄຽດແຄ້ນຂອງປະຊາຊົນລາວ ຄົບຮອບ 72 ປີ ແລະ ຄຳແນະນຳຂອງຄະນະປະຈຳພັກເມືອງ ວ່າດ້ວຍການຈັດຕັ້ງຮ່ຳຮຽນເອກະສານອົບຮົມເປົ້າໝາຍຂະຫຍາຍມາຫາຊົນເຂົ້າພັກຕື່ມອີກ. ຈຸດປະສົງ ກໍ່ເພື່ອເຕົ້າໂຮມຄວາມສາມັກຄີອ້າຍນ້ອງພະນັກງານໃຫ້ຮູ້ຈັກຄຽດແຄ້ນຕໍ່ສັດຕູທີ່ມາຮຸກຮານປະເທດລາວໃນເມື່ອກ່ອນ ແລະ ນຳເອົາບົດຮຽນທີ່ພັກປະຊາຊົນ ປະຕິວັດລາວ ຊີ້ນຳນຳພາອັນສະຫຼາດ ສ່ອງໃສນັ້ນນຳມາເປັນບົດຮຽນເພື່ອພັດທະນາເມືອງຂອງພວກເຮົາໃຫ້ມັນດີຂື້ນເທື່ອລະກ້າວ.
Editor: ກຳປານາດ ລັດຖະເຮົ້າ
