ເພື່ອເຮັດໃຫ້ການກະກຽມ ແລະ ດໍາເນີນກອງປະຊຸມໃຫຍ່ຂອງຄະນະຊາວໜຸ່ມປະຊາຊົນ ປະຕິວັດລາວຂອງວິທະຍາໄລເຕັກນິກ-ວິຊາຊີບສະຫວັນນະເຂດ ແລະ ຕິດພັນກັບການປັບປຸງຄະນະຊາວໜຸ່ມປະຊາຊົນ ປະຕິວັດລາວ ໃຫ້ມີຄວາມເຂັ້ມແຂງມີຂະບວນການຢ່າງຕໍ່ເນື່ອງ ກໍ່ຄື ການກະກຽມໃຫ້ແກ່ກອງປະຊຸມໃຫຍ່ຄັ້ງທີ II ທີ່ຈະມາເຖິງນີ້.
ໃນວັນທີ 26-27 ມີນາ ຜ່ານມານີ້ ທາງຄະນະບໍລິຫານງານຊາວໜຸ່ມວິທະຍາໄລເຕັກນິກ-ວິຊາຊີບແຂວງສະຫວັນນະເຂດ ໄດ້ຈັດພິທີເປີດບັ້ນດຳເນີນຊິວິດການເມືອງໃຫ້ແກ່ຄະນະຊາວໜຸ່ມຮາກຖານ ວິທະຍາໄລເຕັກນີກ-ວິຊາຊີບແຂວງສະຫວັນນະເຂດ ໂດຍການເຂົ້າຮ່ວມຂອງສະຫາຍ ຄໍາຕູ່ນ ສົມຊະນິດ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ວົງສະຫວັນ ວຽງມະນີ ຜູ້ອໍານວນການວິທະຍາໄລເຕັກນິກ-ວິຊາຊີບສະຫວັນນະເຂດ, ແຂກຖືກເຊີນ ແລະ ບັນດາຄູ-ອາຈານພ້ອມດ້ວຍຄະນະຊາວໜຸ່ມ ແລະ ສະມາຊິກຊາວໜຸ່ມເຂົ້າຮ່ວມທັງໝົດ 176 ສະຫາຍ; ຍິງ 98 ສະຫາຍ.
ໃນພີທີສະຫາຍ ສົມສັກ ສີນທິບ ເລຂາຄະນະບໍລິຫານງານຊາວໜຸ່ມວິທະຍາໄລເຕັກນິກ-ວິຊາຊີບສະຫວັນນະເຂດ ໄດ້ຖືໂອກາດຜ່ານບົດສຳຫຼວດການຊີ້ນຳ-ນຳພາຂອງຄະນະບໍລິຫານງານຊາວໜຸ່ມ ວິທະຍາໄລເຕັກນິກ-ວິຊາຊີບສະຫວັນນະເຂດ ໃນໄລຍະ 5 ປີຜ່ານມາ ເຊິ່ງມີດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ເປັນຕົ້ນ ວຽກງານສຶກສາອົບຮົມທາງດ້ານການເມືອງ-ແນວຄິດໃຫ້ແກ່ຊາວໜຸ່ມວິທະຍາໄລເຕັກນິກ-ວິຊາຊີບສະຫວັນນະເຂດ ວຽກງານປັບປຸງກໍ່ສ້າງຂະຫຍາຍການຈັດຕັ້ງໃຫ້ແກ່ຊາວໜຸ່ມວຽກງານປົກປ້ອງ ແລະ ແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຊາວໜຸ່ມວິທະຍາໄລເຕັກນິກ-ວິຊາຊີບສະຫວັນນະເຂດ ວຽກງານຂະບວນການຂອງຊາວໜຸ່ມວິທະຍາໄລເຕັກນິກ-ວິຊາຊີບສະຫວັນນະເຂດຜ່ານມາ.
ໃນຕອນທ້າຍກໍ່ໄດ້ພ້ອມກັນປ່ອຍບັດຄັດເລືອກເອົາຄະນະຊາວໜຸ່ມ ເພື່ອເຂົ້າໃນອົງປະກອບ ເຂົ້າໃນກອງປະຊຸມໃຫຍ່ທີ່ຈະມາເຖິງໃນໝໍ່ໆນີ້.
Editor: ນັກຂ່າວເມືອງໄກສອນ
