ເພື່ອຮັບປະກັນເຮັດໃຫ້ການພັດທະນາຂະແໜງການ ພະລັງງານ ແລະ ບໍ່ແຮ່ ມີບາດກ້າວຂະຫຍາຍຕົວດ້ວຍຈັງວະທີ່ໝັ້ນທ່ຽງ ແລະ ຕໍ່ເນື່ອງສາມາດສະໜອງໄດ້ຄວາມຮຽກຮ້ອງຕ້ອງການຂອງໜ້າທີ່ການເມືອງໄລຍະໃໝ່ ວຽກງານປັບປຸງກົງຈັກການຈັດຕັ້ງ ຈີ່ງເປັນບັນຫາສໍາຄັນຕົ້ນຕໍຕັດສິນຜົນໄດ້ຮັບຂອງຂະແໜງການໃນການຈັກຕັ້ງປະຕິບັດແຜນການ 5 ປີ ຄັ້ງທີ 8 ຂະແໜງພະລັງງານ ແລະ ບໍ່ແຮ່, ໃນທ້າຍເດືອນມີນາ 2018 ຢູ່ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ, ໄດ້ມີກອງປະຊຸມຂະແໜງການ ພະລັງງານ ແລະ ບໍ່ແຮ່ ປະຈໍາປີ 2017 ແລະ ກອງປະຊຸມສະຫຼຸບການຈັດຕັ້ງປະຕິບັດກາງສະໄໝ ຄັ້ງທີ 8 ຂື້ນ,ໂດຍເປັນປະທານຂອງ ທ່ານ ປອ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ເປັນກຽດເຂົ້າຮ່ວມ ຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ແຫ່ງ ສປປ ລາວ ມີຮອງລັດຖະມົນຕີທີ່ກ່ຽວຂ້ອງ, ຫົວໜ້າກົມ ຮອງກົມ ພະແນກພະລັງງານ ແລະ ບໍ່ແຮ່ ທົ່ວປະເທດ ແລະ ລັດວິສາຫະກິດ ອ້ອມຂ້າງກະຊວງເຂົ້າຮ່ວມ.

ໃນພິທີ ທ່ານ ສອນໄຊ ສີ ພັນດອນ ຮອງນາຍົກລັດຖະມົນຕີ ໄດ້ຊີ້ທິດເຍືອງທາງໃຫ້ ແກ່ການພັດທະນາຂະແໜງ ພະລັງງານ ແລະ ບໍ່ແຮ່ໃນຕໍ່ໜ້າ ໂດຍທ່ານໄດ້ເນັ້ນໃຫ້ເອົາໃຈ ໃສ່ 6 ບັນຫາສຳຄັນຕົ້ນຕໍ ດັ່ງນີ້
1. ປັບປຸງໂຄງຮ່າງການຈັດຕັ້ງ ໃຫ້ມີຄວາມໜັກແໜ້ນເຂັ້ມ ແຂງຮອບດ້ານ ແລະ ປອດໃສ,
2. ປັບປຸງແບບແຜນວິທີ ເຮັດວຽກໃຫ້ມີຄຸນນະພາບໃໝ່ ທີ່ດີຂຶ້ນ, ສອດຄ່ອງກັບກາລະ ໂອກາດ, ສ້າງເງື່ອນໄຂໃຫ້ ການດຳເນີນການເຄື່ອນໄຫວ ວຽກງານໃຫ້ມີປະສິດທິພາບ, ປະສິດທິຜົນ,
3. ເອົາໃຈໃສ່ສືບຕໍ່ເຊື່ອມຊຶມວິໄສທັດ ຮອດປີ 2030, ແຜນຍຸດທະ ສາດການພັດທະນາຮອດປີ 2025 ແລະ ແຜນພັດທະນາ ຂະແໜງພະລັງງານ ແລະ ບໍ່ ແຮ່ໃນແຕ່ລະໄລຍະ,
4. ກວດຄືນການກຳແໜ້ນທິດ ທາງຂອງພັກ-ລັດ ກໍຄືການປະ ຕິບັດບັນດາຂໍ້ກຳນົດ, ລະບຽບ ການ ແລະ ກົດໝາຍຂອງລັດ ໃຫ້ເຂັ້ມງວດໄປພ້ອມກັບການປະເມີນຜົນສຳເລັດໃນການ ຈັດຕັ້ງປະຕິບັດຄາດໝາຍຂອງ ບັນດາແຜນງານ, ໂຄງການ ຕ່າງໆທີ່ກຳນົດຢູ່ໃນຂອບຂອງແຜນຍຸດທະສາດການພັດທະ ນາພະລັງງານ ແລະ ບໍ່ແຮ່ ກໍຄື ນະໂຍບາຍແຫ່ງຊາດດ້ານພະລັງງານ.
5. ເພີ່ມທະວີການຊີ້ນຳ-ນຳພາຂອງຄະນະພັກແຕ່ລະຂັ້ນຕໍ່ວຽກງານພະລັງງານ ແລະ ບໍ່ແຮ່,
6. ຮຽກຮ້ອງໃຫ້ ຄະນະພັກ, ຄະນະນຳກະຊວງ ຈົ່ງເອົາໃຈໃສ່ແກ້ໄຂບັນຫາຂໍ້ ບົກຜ່ອງຕ່າງໆທີ່ໄດ້ຍົກໃຫ້ ເຫັນໃນກອງປະຊຸມບັ້ນດຳ ເນີນຊີວິດການເມືອງປັບປຸງ ປົວແປງພັກປີ 2017 ຜ່ານມາ ແລະ ກອງປະຊຸມຄັ້ງນີ້ ໃຫ້ຖືກ ຈັດຕັ້ງປະຕິບັດຢ່າງເປັນຮູບປະທຳ

Editor: ກຳປານາດ ລັດຖະເຮົ້າ