ໃນຕອນແລງ ວັນທີ 3 ເມສາ 2018 ນີ້ທີ່ຫ້ອງປະຊຸມ ຫ້ອງການກະສິກໍາ ແລະ ປ່າໄມ້ ເມືອງໂພນທອງ ແຂວງຫຼວງພະບາງ ໄດ້ຈັດພິທີເລື່ອນສະມາຊິກພັກສໍາຮອງ ຂື້ນ ສົມບູນ ແລະ ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຂອງ 3 ໜ່ວຍພັກ. ໂດຍການເປັນ ປະທານຂອງ ສະຫາຍ ສົມມາລີ ຄໍາເກັ່ງ, ກໍາມະການພັກແຂວງ ເລຂາພັກເມືອງໂພນທອງ, ສະຫາຍ ສີແພງ ສຸອຸໄທ ກຳມະການພັກເມືອງ ຫົວໜ້າຄະນະຈັດຕັ້ງເມືອງ , ສະຫາຍ ພູມີ ແກ້ວວັນດີ ເລຂາໜ່ວຍພັກກະສິກຳ ແລະ ປ່າໄມ້ເມືອງ, ມີບັນດາເລຂາຮອງເລຂາໜ່ວຍພັກອ້ອມຂ້າງໜ່ວຍ, ສະມາຊິກພັກສົມບູນ, ສະມາຊິກພັກສຳຮອງເຂົ້າຮ່ວມຢ່າງພ້ອມພຽງ.
ກອງປະຊຸມ ສະຫາຍ ສີແພງ ສຸອຸໄທ ໄດ້ຜ່ານມະຕິຕົກລົງ ອະນຸມັດເລື່ອນສະມາຊິກພັກສໍາຮອງ ຂຶ້ນເປັນສະມາຊິກພັກສົມບູນ, ຂອງ 3 ໜ່ວຍພັກ ປະກອບມີ ໜ່ວຍພັກກະສິກໍາ ຈໍານວນ 2 ສະຫາຍ, ຍິງ 1 ສະຫາຍ, ໜ່ວຍພັກການເງິນ 1 ສະຫາຍ ແລະ ຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ ຂອງໜ່ວຍພັກກະສິກຳ ຈໍານວນ 5 ສະຫາຍ, ຍິງ 1 ສະຫາຍ. ໝ່ວຍພັກການເງິນ 1 ສະຫາຍ, ໜ່ວຍພັກ ວັດທະນະທໍາ 1 ສະຫາຍ ພ້ອມທັງມອບມະຕິຕົກລົງໄວ້ເປັນຫຼັກຖານ.
ຈາກນັ້ນ ສະຫາຍ ພູມີ ແກ້ວວັນດີ ຕ່າງໜ້າໃຫ້ກັບ 3 ໜ່ວຍພັກ ກໍ່ໄດ້ຂຶ້ນຜ່ານບົດກ່າວຮັບສະມາຊິກພັກສົມບູນ ແລະ ສຳຮອງ ຈໍານວນ 10 ສະຫາຍ ເຂົ້າເປັນສະມາຊິກພັກປະຊາຊົນ ປະຕິວັດລາວ ຢ່າງສົມກຽດ.
ຫຼັງຈາກນັ້ນ ກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍ ສົມມາລີ ຄໍາເກັ່ງ ກຳມະການພັກແຂວງເລຂາພັກເມືອງໂພນທອງ ກໍ່ໄດ້ໃຫ້ກຽດໂອລົມ ແລະ ໃຫ້ທິດຊີ້ນຳ ຕໍ່ກັບ ສະມາຊິກພັກສຳຮອງເລື່ອນຂຶ້ນສົມບູນ ແລະ ມະຫາຊົນກ້າວໜ້າທີ່ເຂົ້າເປັນສະມາຊິກພັກສຳຮອງ ຜ່ານການຮັບຟັງການໂອລົມຂອງທ່ານ ສຸດທີ່ມີຄວາມ ໝາຍຄວາມສຳຄັນ, ເຕັມໄປດ້ວຍເນື້ອໃນອັນເລີກເຊີ່ງ ທີ່ເປັນເຂັມທິດເຍື່ອງທາງໃຫ້ສະມາຊິກພັກສົມບູນ ແລະ ສຳຮອງ ເພື່ອຝືກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ດີເດັ່ນ.

Editor: ເມືອງໂພນທອງ