ພາຍຫຼັງທີ່ກອງປະຊຸມບັ້ນດໍາເນີນຊີວິດການເມືອງ ປັບປຸງປົວແປງພັກ ຂອງໜ່ວຍພັກຫ້ອງການສາທາລະນະສຸກເມືອງຊະນະສົມບູນ. ໄດ້ເປີດຂື້ນຢ່າງເປັນທາງການ. ໃນທິດທີ່ຜ່ານມານີ້ .ຢູ່ທີ່ຫ້ອງຫ້ອງປະຊຸມໂຮງໝໍແຫ່ງດັ່ງກ່າວ. ເຊີ່ງພາຍໃຕ້ຮັບກຽດເຂົ້າຮ່ວມເປັນປະທານກ່າວເປີດພິທີໃນຄັ້ງນີ້: ຂອງ ສະຫາຍ ຂາວພອນ ສີຍາທະຈັນ ຄະນະປະຈຳພັກເມືອງ ຮອງເຈົ້າເມືອງໆຊະນະສົມບູນ. ທັງເປັນຜູ້ຊີ້ນຳວຽກງານຂົງເຂດວັດທະນະທຳ - ສັງຄົມຂັ້ນເມືອງ ແລະ ໃຫ້ກຽດເຂົ້າຮ່ວມຂອງ ສະຫາຍ ຄໍາໃບ ເພັດປະເສີດ ກຳມະການພັກເມືອງ ເລຂາໜ່ວຍພັກຫົວໜ້າຫ້ອງການສາທາລະນະສຸກເມືອງ, ມີ ທ່ານ ບົວທອງ ບຸນຍະສິດ ກຳມະການພັກເມືອງ ຫົວໜ້າຫ້ອງການພາຍໃນເມືອງ ທັງເປັນຄະນະກໍາມະການເປີດບັ້ນດໍາເນີນປັງປຸງປົວແປງພັກຂັ້ນເມືອງ, ພ້ອມນີ້ຍັງມີບັນດາສະຫາຍຄະນະໜ່ວຍພັກ, ສະມາຊິກພັກ 3 ໜ່ວຍທີ່ຂື້ນກັບຫ້ອງການສາທາເມືອງເຂົ້າຮ່ວມຢ່າງພ້ອມພຽງ.
ພາຍໃນກອງປະຊຸມບັນດາສະຫາຍຄະນະພັກ ແລະ ສະມາຊິກພັກທີ່ເຂົ້າຮ່ວມຍັງໄດ້ພ້ອມກັນຄົ້ນຄວ້າເຊື່ອມຊື່ມຄໍາສັ່ງເລກທີ 01 / ກມສພ. ວ່າດ້ວຍການເພີມທະວີກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ແລະ ແຜນພັດທະນາເສດຖະກິດຂອງແຂວງຈຳປາສັກ ແລະ ເມືອງຊະນະສົມບູນ ປະຈຳປີ 2018 ,ຈາກນັ້ນຍັງໄດ້ດຳເນີນການແບ່ງຈຸໜ່ວຍ, ສໍາຫຼວດກວດກາ, ບັນດາສະຫາຍນັບຕັ້ງແຕ່ເລຂາໜ່ວຍພັກ ຈົນເຖີງ ສະຫາຍສະມາຊິກພັກ ເພື່ອທົບທວນຕີລາຄາຈຸດດີ, ຈຸດອ່ອນ ແລະ ຂອດຄົງຄ້າງຂອງບັນດາສະຫາຍແຕ່ລະທ່ານທີ່ໄດ້ຖຶກຕຳນິສົງຂ່າວຈາກຄະນະພັກ,ສະມາຊິກພັກໜ່ວຍຂອງຕົນພາຍຫຼັງທີ່ສຳເລັດບັ້ນດຳເນີນຊີວິດການເມືອງປັບປຸງປົວແປງພັກ ຮອບທີ່ 1 ສົກປີ 2017 ແລະ ສຶບຕໍ່ຮອບທີ 2 ສົກປີ 2018 ດ້ວຍຄວາມຈິ່ງໃຈ ແລະ ສ້າງສັ້ນ.
ໃນຕອນທ້າຍ ສະຫາຍ ຂາວພອນ ສີຍາທະຈັນ ຄະນະປະຈຳພັກເມືອງ ຮອງເຈົ້າເມືອງ ໃຫ້ການມີຄຳເຫັນໂອ້ລົມເນັ້ນໜັກຫຼາຍບັນຫາ ເພື່ອຊີ້ທິດເຍືອງທາງຕໍ່ແຜນພັດທະນາ ກໍ່ຄືການຄຸ້ມຄອງ, ນໍາພາ, ເຄື່ອນໄຫວຈັດຕັ້ງປະຕິບັດ,ພາລະບົດບາດ. ສິດ ແລະ ໜ້າທີ່ ຕໍ່ການບໍລິການສັງຄົມໃນໜ່ວຍພັກຫ້ອງການສາທາລະນະສຸກເມືອງ ຈົນເຮັດໃຫ້ບັນຍາກາດບັ້ນດຳເນີນຊີວິດການເມືອງປັບປຸງປົວແປງພັກ ຄັ້ງນີ້ເຕັມໄປດ້ວຍເນື້ອໃນອັນໜັກແໜ້ນ
Editor: ກຳປານາດ ລັດຖະເຮົ້າ
