ທ້າຍເດືອນມີນາ 2018 ຜ່ານມາ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ເຂົ້າຮ່ວມກອງປະຊຸມສຸດຍອດ ເຊດ 3 ຫລຽມພັດທະນາ ກໍາປູເຈຍ-ລາວ - ຫວຽດນາມ ຄັ້ງທີ 10 ທີ່ນະຄອນຫລວງຮ່າໂນ້ຍ, ສາທາລະນະລັດ ສັງຄົມນິຍົມ ຫວຽດນາມ.
ກອງປະຊຸມ ໄດ້ຕີລາຄາຄືນຜົນການຈັດຕັງປະຕິບັດຜັນຂະຫຍາຍ ຜົນຂອງກອງປະຊຸມສຸດຍອດ ກໍາປູເຈຍ-ລາວ-ຫວຽດນາມ ຄັ້ງທີ 9 ຜ່ານມາ ໃນປີ 2016, ທີ່ສຽບລຽບ ປະເທດກໍາປູເຈຍ, ພ້ອມກັນນັນຍັງໄດ້ປຶກສາຫາລື ກ່ຽວກັບທິດທາງການຮ່ວມມືໃນການພັດທະນາ ຢູ່ຂົງເຂດດັ່ງກ່າວໃນຕໍ່ຫນ້າ. ໃນກອງປະຊຸມ ສຸດຍອດເຂດ 3 ຫລຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 10 ນີ້, ທັງ 3 ປະເທດຍັງໄດ້ລົງນາມ ແລະ ຮັບຮອງຖະແຫລງການຮ່ວມ ກອງປະຊຸມຄັ້ງນີ້, ແລະ ຍັງໄດ້ຮັບຮອງເອົາແຜນປະຕິບັດງານ ວ່າດ້ວຍການເຊື່ອມຈອດເສດຸິກິດ ກໍາປູເຈຍ-ລາວ-ຫວຽດນາມ ຮອດປີ 2030 ເພຶ້ອສົ່ງເສີມການເຊື່ອມຈອດຮອບດ້ານ ລະຫວ່າງ 3 ປະເທດ ກໍາປູເຈຍ-ລາວ-ຫວຽດນາມ ໃນຕໍ່ຫນ້າ.
Editor: ກຳປານາດ ລັດຖະເຮົ້າ
