ໃນວັນທີ 9 ເມສາ 2018 ທີ່ຜ່ານມາຢູ່ທີ່ ສະໂມສອນ ເມືອງບົວລະພາ ແຂວງ ຄຳມ່ວນ ຄະນະຈັດຕັ້ງ ໄດ້ຈັດກອງປະຊຸມ ສະຫລຸບວຽກງານຈັດຕັ້ງ ກໍ່ສ້າງພັກ-ພະນັກງານ ປະຈຳປີ 2017 ແລະ ທິດທາງແຜນການປີ 2018 ໂດຍການເປັນປະທານຂອງທ່ານ ທອງສຸກ ຫັດຕະນາກ ຮອງເລຂາພັກເມືອງ ປະທານກວດກາພັກ-ລັດເມືອງ, ມີບັນດາຄະນະປະຈໍາພັກເມືອງ, ຄະນະພັກເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານວິຊາການທີ່ກ່ຽວຂ້ອງ ເຂົ້າຮ່ວມ.
ທ່ານ ບຸດດາ ໄຊຍະວົງ ຮອງຫົວໜ້າຄະນະຈັດຕັ້ງເມືອງບົວລະພາ ໄດ້ຜ່ານເອກະສານ ບົດສະຫຼຸບຕີລາຄາວຽກງານຈັດຕັ້ງ, ກໍ່ສ້າງພັກ-ພະນັກງານ ປະຈຳປີ 2017 ແລະ ທິດທາງແຜນການ ປີ 2018 ແລະ ໄດ້ພ້ອມກັນຄົ້ນຄ້ວາ ປະກອບຄໍາຄິດເຫັນໃສ່ຮ່າງບົດສະຫລຸບ ເພື່ອເຮັດໃຫ້ບົດສະຫລຸບດັ່ງກ່າວ ມີເນື້ອໃນຄົບຖ້ວນສົມບູນ ແລະ ຍັງໄດ້ຮັບຟັງການຜ່ານເອກະສານ ຄໍາສັ່ງຂອງກົມການເມືອງສູນກາງພັກ ສະບັບເລກທີ່ 01/ກມສພ, ລົງວັນທີ 03 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ພ້ອມທັງອະທິບາຍຢ່າງລະອຽດ, ການເຜີຍແຜ່ເຊືອມຊຶມ ບັນດາເອກະສານຕ່າງໆ ເປັນຕົ້ນແມ່ນ ເອກະສານ ມະຕິຂອງກົມການເມືອງສູນກາງພັກ ສະບັບເລກທີ 030/ກມສພ, ລົງວັນທີ 03 ມັງກອນ 2018 ວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ, ເອກະສານ ມະຕິຂອງກົມການເມືອງສູນກາງພັກ ສະບັບເລກທີ 031/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ ແລະ ເອກະສານ ມະຕິຂອງກົມການເມືອງສູນກາງພັກ ສະບັບເລກທີ 032/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານສ້າງແຜນກຳນົດພະນັກງານນໍາພາ-ຄຸ້ມຄອງ ອີກດ້ວຍ.
Editor: ນັກຂ່າວເມືອງບົວລະພາ
