ວັນທີ 7 ເມສາ ນີ້ ຢູ່ທີ່ບ້ານ ຫ້ວຍແອນ ກຸ່ມທອງສີ ເມືອງໂພນທອງ,ໄດ້ຈັດພິທີມອບຮັບໂຄງການປັບປຸງແລະ ຂະຫຍາຍເສັ້ນທາງສູ່ເຂດຜະລິດ ບ້ານ ຫ້ວຍແອນ ໃຫ້ກຽດເຂົ້າຮ່ວມເປັນສັກຂີພິຍານ ຂອງ ທ່ານ ສົມມາລີ ຄໍາເກັ່ງ ເຈົ້າເມືອງ-ເມືອງໂພນທອງ, ທ່ານ ບຸນລອດ ຫົວໜ້າປະສານງານໂຄງການກອງທືນລຸດຜ່ອນຄວາມທຸກຢາກ ປະຈໍາເມືອງໂພນທອງ, ມີບັນດາເລຂາຄະນະພັກຮາກຖານກຸ່ມ, ຄະນະກຳມະການຄຸ້ມຄອງການລົງທຶນຂອງລັດຂັ້ນເມືອງຕ່າງໜ້າບໍລິສັດ BNC ຜູ້ຮັບເໝົາກໍ່ສ້າງ, ຕະຫຼອດຜູ້ຮັບຜິດຊອບວຽກງານ ທລຍ ຂັ້ນບ້ານ ແລະ ອໍານາດການປົກຄອງບ້ານ ພໍ່ແມ່ປະຊາຊົນເຂົ້າຮ່ວມ.
ການມອບ-ຮັບໂຄງການປັບປຸງ ແລະ ຂະຫຍາຍເສັ້ນທາງສູ່ເຂດຜະລິດຂອງບ້ານຫ້ວຍແອນ, ທາງຄະນະການນໍາຂອງເມືອງ ແລະ ຜູ້ເຂົ້າຮ່ວມໄດ້ເດີນທາງຮອດສະຖານທີກໍ່ໄດ້ລົງກວດກາຕົວຈິງສາມາດຕີລາຄາປະເມີນເຫັນໄດ້ວ່າ ສຳເລັດ ແລະ ມີຄຸນນະພາບຕາມແບບມາດຖານກຳນົດໄວ້ໃນຮ່າງສັນຍາກົດໝາຍຂອງລັດ,ຈາກນັ້ນໃນພິທີ ຜູ້ຕ່າງໜ້າຄະນະທິມງານຮັບຜິດຊອບ ໂຄງການ ທລຍ ຂັ້ນບ້ານກໍ່ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດຕາມແບບແຜນໂຄງການ ທລຍ ກຳນົດໄວ້, ໂຄງການປັບປຸງ ແລະ ຂະຫຍາຍເສັ້ນທາງສູ່ເຂດຜະລິດ, ໂດຍໄດ້ຮັບທືນສະໜັບສະໜູນຈາກໂຄງການ ທລຍ ໃນມູນຄ່າກໍ່ສ້າງ 367,760,066 ກີບ. ແລະ ທືນຊຸມຊົນປະກອບ
ສ່ວນ 21,321,000 ຊາວເອັດຕື້ ສາມຮ້ອຍລ້ານຊາວເອັດລ້ານກີບ, ເສັ້ນທາງ ສູ່ເຂດຜະລິດຂອງບ້ານຫ້ວຍແອນມີຄວາມຍາວ 5,3 ກິໂລແມັດ, ກວ້າງ 3,5 ແມັດ, ໂຄງການດັ່ງກ່າວໄດ້ເລີມລົງມື້ກໍ່ສ້າງມາແຕ່ວັນທີ 6/3/2018 ມາຮອດປະຈຸບັນໂຄງການດັ່ງກ່າວແມ່ນສຳເລັດ100% ເຊິ່ງປະຕິບັດຕາມແບບຂອງກະຊວງໂຍທາທິການ ແລະ ຂົນສົ່ງວາງອອກ ແລະ ຫຼັກການມາດຖານການປະຕິບັດຕາມແບບກຳນົດຂອງໂຄງການ ທລຍ ວາງອອກຢ່າງເຂັມງວດສອດຄ່ອງໂປ່ງໃສ.
ບ້ານ ຫ້ວຍແອນ ເມືອງໂພນທອງ ເປັນບ້ານໝຶ່ງທີ່ຫ່າງຈາກເທດສະບານເມືອງໄປທາງທິດໃຕ້ ປະມານ 23 ກິໂລແມັດ ເປັນບ້ານຊົນເຜົ່າມົ່ງ ອາໄສດໍາລົງຊີວິດ, ພົນລະເມືອງ 339 ຄົນຍິງ 168 ຄົນ ແລະ ຍັງມີຄອບຄົວ ທຸກຍາກ 14 ຄອບຄົວສ່ວນຫຼາຍປະຊາຊົນຢຶດເອົາການປູກຟັງ ແລະ ລ້ຽງສັດໃຫ່ຍເປັນອາຊີບຫຼັກ, ຈາກນັ້ນ ຕ່າງໜ້າບໍລິສັດທີຮັບເໜົາກໍ່ໄດ້ຂຶ້ນມອບໂຄງການດັ່ງກ່າວໃຫ້ກັບ ທລຍ ພ້ອມດ່ຽວກັນນັ້ນທ່ານ ບຸນລອດ ຫົວໜ້າປະສານງານ ໂຄງການ ທລຍ ປະຈໍາເມືອງ ຕ່າງໜ້າຂຶ້ນມອບເສັ້ນທາງດັ່ງກ່າວ, ເປັນກຽດຕ່າງໜ້າເມືອງຂຶ້ນຮັບແມ່ນ ທ່ານ ສົມມາລີ ຄໍາເກັ່ງ ເຈົ້າເມືອງ-ເມືອງໂພນທອງ ພ້ອມທັງກ່າວມອບຕໍ່ໃຫ້ກັບພໍ່ແມ່ປະຊາຊົນທົ່ວບ້ານຫ້ວຍແອນ ເປັນຜູ້ຮັກສາ ແລະ ຊົມໃຊ້ເສັ້ນທາງດັ່ງກ່າວໃຫ້ເກີດຜົນໃນການຂົນສົ່ງສິ້ນຄ້າ ແລະ ສ້າງຄວາມເຂັ້ມແຂງໃຫ້ບ້ານຫ້ວຍແອນຫຼຸດຜ່ອນຄວາມທຸກຍາກເທືອລະກ່າວ ກາຍເປັນບ້ານແບບຢ່າງຂອງກຸ່ມທອງສີໃນການຜະລິດຕະພັນການ 1ປຸກ 2 ລ້ຽງ ຕາມແບບແຜນຍຸດທະສາດຂອງເມືອງໂພນທອງ ແລະ ຊ່ວຍກັນໃນການປົກປັກຮັກສາຄຸ້ມຄອງເສັ້ນທາງເພື່ອຈະໄດ້ນຳໃຊ້ຢ່າງຍາວນານຄຸ້ມຄ່າການລົງທຶນ .
Editor: ເມືອງໂພນທອງ
