ພິທີມອບ-ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານ ສະໄໝທີ VII ປະຈຳປີ 2017 ຂອງໜ່ວຍພັກຮາກຖານໄປສະນີ-ລາວໂທລະຄົມແຂວງເຊກອງ ໄດ້ມີຂຶ້ນໃນວັນທີ 11 ເມສາ ນີ້ ຢູ່ທີ່ຫ້ອງປະຊຸມລັດວິສາຫະກິດລາວໂທລະຄົມ ໂດຍການເຂົ້າຮ່ວມຂອງສະຫາຍ ແກ້ວມະນີ ແກ້ວບຸນຮັກ ຮອງຫົວໜ້າຄະນະຈັດຕັ້ງແຂວງ, ສະຫາຍ ນາງ ຈັນສະ ໝອນ ປັນຍາໄຊ ເລຂາໜ່ວຍພັກຮາກຖານ, ຮອງຫົວໜ້າລັດວິສາຫະກິດລາວໂທລະຄົມແຂວງເຊກອງ ພ້ອມດ້ວຍບັນດາສະຫາຍຄະນະໜ່ວຍພັກ, ສະມາຊິກພັກ ແລະ ແຂກຖືກເຊີນຈາກຕາງໜ້າຄະນະພັກໜ່ວຍອ້ອມຂ້າງເຂົ້າຮ້ວມ.
ສະຫາຍ ນາງ ຈັນສະໝອນ ປັນຍາໄຊ ເລຂາໜ່ວຍພັກຮາກຖານ ໄດ້ສະຫຼຸບການຕີລາຄາຄືນການເຄື່ອນໄຫວວຽກງານກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳປີ 2017 ແລະ ທິດທາງແຜນການກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ ປະຈໍາປີ 2018 ເຊິ່ງໄດ້ຕີລາຄາດ້ານດີ, ດ້ານອ່ອນ ຂໍ້ຄົງຄ້າງໃນການເຄື່ອນໄຫວນຳພາໜ່ວຍພັກເຂັ້ມແຂງທັງ 4 ດ້ານ ເຊັ່ນ: ດ້ານການເມືອງ ປະຕິບັດໄດ້ 90%, ດ້ານແນວຄິດ ປະຕິບັດໄດ້ 90%, ດ້ານການຈັດຕັ້ງ ປະຕິບັດໄດ້ 95% ແລະ ດ້ານແບບແຜນວິທີການນຳພາ ປະຕິບັດໄດ້ 95%, ສ່ວນການນໍາພາຂອງໜ່ວຍພັກຕາມ 5 ເນື້ອໃນຮູ້ນໍາພາຮອບດ້ານເຊັ່ນ: ຮູ້ນໍາພາດ້ານການເມືອງ-ແນວຄິດ ປະຕິບັດໄດ້ 90%, ຮູ້ນໍາພາດ້ານວຽກງານວິຊາສະເພາະ, ການພັດທະນາເສດຖະກິດ, ວັດທະນະທຳ-ສັງຄົມ ປະຕິບັດໄດ້ 95%, ຮູ້ນຳພາປັບປຸງອໍານາດການປົກຄອງ,ບັນດາອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມອື່ນໆ ປະຕິບັດໄດ້ 90%, ດ້ານການຈັດຕັ້ງນໍາພາວຽກງານປ້ອງກັນຊາດ-ປ້ອງກັນຄວາມສະຫງົບສຸກໃຫ້ມີຄວາມໜັກ ແໜ້ນເຂັ້ມແຂງ, ມີຄວາມເປັນລະບຽບຮຽບຮ້ອຍ, ມີຄວາມສະຫງົບ ແລະ ມີຄວາມປອດໄພ ປະຕິບັດໄດ້ 90%, ດ້ານການປັບປຸງກໍ່ສ້າງພາຍໃນພັກ ແລະ ກໍ່ສ້າງພະນັກງານ ຢູ່ພາຍໃນຄວາມຮັບຜິດຊອບຂອງໜ່ວຍ ປະຕິບັດໄດ້ 95%;
ສໍາລັບທິດທາງປີ 2018 ຈະໄດ້ສູ້ຊົນເອົາໃຈໃສ່ສຶກສາອົບຮົມການເມືອງ, ແນວຄິດ, ການຈັດຕັ້ງ, ສ້າງ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ແລະ ຮັບປະກັນບໍ່ໃຫ້ມີສະມາຊິກພັກທີ່ເສຍທາດຂາດຄຸນໃຫ້ໄດ້ 100%, ສ້າງໜ່ວຍພັກໃຫ້ມີຄວາມປອດໃສເຂັ້ມແຂງ ໜັກແໜ້ນ ແລະ ຮູ້ນໍາພາຈັດຕັ້ງປະຕິບັດໜ້າທີ່ວຽກງານຕ່າງໆຢ່າງຮອບດ້ານ, ຕັ້ງໜ້າສູ້ຊົນປະຕິບັດໜ້າທີ່ການເມືອງ ແລະ ວຽກງານວິຊາສະເພາະ ໃຫ້ມີຜົນສໍາເລັດ ແລະ ມີປະສິດທິຜົນສູງ.

Editor:  ແຂວງເຊກອງ