ພິທີປາຖະກະຖາ ເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 57 ປີ ແລະ ວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 63 ປີ. ທີ່ສະໂມສອນເມືອງຫົງສາ ແຂວງໄຊຍະບູລີ ໂດຍການໃຫ້ກຽດປາຖະກະຖາຂອງ ທ່ານ ຄຳເພັດ ພົມມະລາດ ເລຂາຄະນະບໍລິຫານງານພັກເມືອງ ເຈົ້າເມືອງໆຫົງສາ, ເຂົ້າຮ່ວມຮັບຟັງມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ກົມກອງ, ນາຍບ້ານ, ຄະນະໜ່ວຍຊາວໜຸ່ມອ້ອມຂ້າງເມືອງ, ສະມາຊິກຊາວໜຸ່ມພາຍໃນເມືອງ,ພ້ອມດ້ວຍພາກສວ່ນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນພິທີດັ່ງກ່າວນີ້ ທ່ານ ຄຳເພັດ ພົມມະລາດ ເລຂາຄະນະບໍລິຫານງານພັກເມືອງ ເຈົ້າເມືອງໆຫົງສາ ໄດ້ຍົກໃຫ້ເຫັນເຖິງມູນເຊື້ອແຫ່ງການກໍາເນີດ ແລະ ການເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບ ປະຊາຊົນລາວ, ເຊິ່ງກຳລັງປ້ອງກັນຄວາມສະຫງົບ ໄດກຳເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ການຊີ້ນຳນຳພາ, ສຶກສາອົບຮົມໂດຍກົງ, ເດັດຂາດ ແລະ ຮອບດ້ານຂອງພັກ, ໄດ້ສືບທອດມູນເຊື້ອພິລະອາດຫານຂອງບັນພະບູລຸດອັນຫຍິ່ງໃຫຍ່, ຍິ່ງຕີກໍຍິ່ງໄດ້ຮັບໄຊຊະນະ, ຍິ່ງສູ້ຮົບກໍ່ຍິ່ງເຕີບໃຫຍ່ເຂັ້ມແຂງ ການປະຕິວັດລາວ ກ້າວໜ້າຂະຫຍາຍຕົວຂຶ້ນຮອດບ່ອນໃດກຳລັງປ້ອງກັນຄວາມສະຫງົບ ກໍ່ເຕີບໃຫຍ່ຂະຫຍາຍຕົວຂຶ້ນ ຮອດບ່ອນນັ້ນ, ທັງເປັນກຳລັງຫຼັກແຫຼ່ງໃນຂະບວນການຕໍ່ສູ້ຂອງປະຊາຊົນ ມາຈາກປະຊາຊົນ, ໂດຍປະຊາຊົນ, ຮັບໃຊ້ຊາດ, ຮັບໃຊ້ປະຊາຊົນຢ່າງແທ້ຈິງ, ພ້ອມນັ້ນທ່ານຫຍັງຍົກໃຫ້ເຫັນເຖິງມູນເຊື້ອແຫ່ງການກຳເນີດ ແລະ ການເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບປະຊາຊົນແຂວງໄຊຍະບູລີ, ຍົກໃຫ້ເຫັນເຖິງມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ເຊິ່ງໃນໄລຍະຕໍ່ສູ້ເພື່ອຍາດເອົາອຳນາດການປົກຄອງ, ຊາວໜຸ່ມໃນເຂດປົດປ່ອຍໄດ້ຕັ້ງໜ້າປະກອບສ່ວນເຂົ້າໃນການປົກປັກຮັກສາເຂດທີ່ ໝັ້ນ ແລະ ຟື້ນຟູເສດຖະກິດ, ວັດທະນະທຳ, ຕັ້ງໜ້າໂຄສະນາຂະບວນການຊາວໜຸ່ມໃນເຂດຍຶດຄອງຂອງສັດຕູ, ທັງໝົດນັ້ນໄດ້ສະແດງເຖິງນ້ຳໃຈຮັກຊາດ, ບໍ່ຍອມເປັນຂ້ອຍຂ້າຂອງຊາດອື່ນ, ຊາວໜຸ່ມໄດ້ກາຍເປັນກຳລັງແຮງທີ່ສຳຄັນຂອງການປະຕິວັດ ໃນການໂຄ່ນລົ້ມລະບອບລ່າເມືອງຂຶ້ນ ແລະ ສັກດີນາຍາດເອົາອຳນາດການປົກຄອງມາສູ່ກຳມືຂອງປະຊາຊົນ, ຈົນປະກາດເປັນປະເທດ ສາທາລະນະລັດ ປະຊາທິປະໄຕ ປະຊາຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າງາມ.
Editor: ກຳປານາດ ລັດຖະເຮົ້າ
