ທິດຜ່ານມາ ຄະນະຫ້ອງວ່າການປົກຄອງເມືອງຄຳ, ໄດ້ຈັດພິທີຕ້ອນຮັບການມາທັດສະ ນະສຶກສາແລກປ່ຽນບົດຮຽນ ລະຫ່ວາງ ຫ້ອງວ່າການປົກຄອງເມືອງຄຳ ແລະ ຫ້ອງວ່າການປົກຄອງເມືອງແປກ ຂື້ນທີ່ຫ້ອງປະຊຸມຊັ້ນສອງຫ້ອງວ່າການປົກຄອງເມືອງຄຳ ແຂວງຊຽງຂວາງ ຢ່າງເປັນທາງການ. ໂດຍເປັນກຽດເຂົ້າຮ່ວມເປັນປະທານຂອງ ທ່ານ ຄຳປາວ ມົວ ຮອງເຈົ້າແຂວງ-ແຂວງຊຽງຂວາງ, ມີ ທ່ານ ວຽງໄຊ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງຄຳ, ມີ ທ່ານ ສີວິໄລ ແສງຈະເລີນ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງແປກ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງວ່າການປົກຄອງພ້ອມດ້ວຍພະນັກງານ-ລັດຖະກອນຫຼັກແຫຼ່ງ ທັງ 2 ເມືອງ ເຂົ້າຮ່ວມຢ່າງພ້ອມພຽງ.
ຈາກນັ້ນ ທ່ານ ສົມຈິດ ສີດາລາ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງຄຳກໍ່ໄດ້ ຂື້ນຜ່ານບົດລາຍງານໂດຍຫຍໍ້ໃຫ້ຮູ້ ວ່າ: ເມືອງຄຳເປັນເມືອງໜຶ່ງຮອງອັນດັບ 2 ຂອງແຂວງເຊີ່ງຫ່າງຈາກ ເທດສະບານແຂວງ ປະມານ 52 ກິໂລແມັດ, ມີເນື້ອທີ່ທັງໝົດ 2.334 ຕາລາງກິໂລແມັດ ແລະ ມີເນື້ອທີ່ ເຂດພູດອຍ ກວມເອົາ 2/3 ຂອງເນື້ອທີ່ ປະກອບມີ 6 ກຸ່ມ, ມີ 90 ບ້ານ, ມີ 8,561 ຫຼັງຄາເຮືອນ, ມີ 11,059 ຄອບຄົວ, ມີພົນລະເມືອງທັງໝົດ 51,176 ຄົນ, ຍິງ 25,271 ຄົນ ແລະ ມີ 5 ເຜົ່າຊົນ ທີ່ອາໃສຢູ່ຮ່ວມກັນ, ເມືອງຄຳ ຍັງເປັນເມືອງໜຶ່ງທີ່ມີທ່າແຮງໃນການປູກຝັງ-ລ້ຽງສັດ ເປັນມູລິມາສິດທີ່ໜຶ່ງ ແລະ ມີການທ່ອງທ່ຽວ, ການບໍລິການເປັນມູລິມາສິດສຳຮອງ, ໃນການພັດທະນາເສດຖະກິດສັງຄົມ ເຮັດໃຫ້ເສດຖະກິດ ມີການຂະຫຍາຍຕົວຢ່າງຕໍ່ເນື່ອງ ສະເລ່ຍໄດ້ 7,5 ຫາ 8 ສ່ວນຮ້ອຍ, ຕໍ່ປີສາມາດສ້າງລາຍຮັບເຂົ້າເມືອງໄດ້ເຖິງ 551 ຕື້ 810 ລ້ານກີບ, ສະເລ່ຍໃສ່ຄິງຄົນໜື່ງໄດ້ 10 ລ້ານ 8 ແສນກວ່າກີບ ຫຼື ເທົ່າກັບ 1.360 ໂດລາ/ຄົນ/ປີ. ນອກຈາກນັ້ນຍັງ ໄດ້ໃຫ້ຮູ້ອີກຕື່ມວ່າ: ຫ້ອງວ່າການປົກຄອງເມືອງຄຳ ມີພະນັກງານທັງໝົດ 40 ທ່ານ, ຍິງ 13 ທ່ານ ປະ ກອບມີ 6 ໜ່ວຍງານ ຄື: ໜ່ວຍງານຄົ້ນຄ້ວາສັງລວມພັກ, ໜ່ວຍງານຄົ້ນຄ້ວາສັງລວມວຽກລັດ, ໜ່ວຍງານບໍລິຫານ, ໜ່ວຍງານອານຸສາວະລີ, ໜ່ວຍງານກໍ່ສ້າງຮາກຖານ ແລະ ໜ່ວຍງານພົວພັນຕ່າງປະເທດ, ຜ່ານການຈັດຕັ້ງປະຕິບັດໃນໄລຍະຜ່ານມາ ຫ້ອງວ່າການປົກຄອງເມືອງຄຳ ກໍ່ໄດ້ເອົາໃຈໃສ່ເຄື່ອນໄຫວເຮັດພາລະບົດບາດສິດໜ້າທີ່ເປັນເສນາທິການ ເປັນໃຈກາງຂອດປະສານງານຂອງການຊີ້ນຳນຳພາຂອງບັນດາຫ້ອງການຕ່າງໆພາຍໃນເມືອງ, ກຸ່ມບ້ານ ແລະ ເຮັດໜ້າທີ່ບໍລິຫານວຽກງານປະຈຳວັນໃຫ້ແກ່ຄະນະບໍລິຫາ ນງານພັກເມືອງ, ເລຂາ, ຮອງເລຂາ, ເຈົ້າເມືອງ, ຮອງເຈົ້າເມືອງ ແລະ ປະສານງານກັບຂະແໜງການ ທີ່ກ່ຽວຂ່້ອງຂັ້ນເທີງ, ຂັ້ນລຸ່ມ, ພ້ອມນັ້ນກໍ່ເອົາໃຈໃສ່ສຶກສາອົບຮົມການເມືອງແນວຄິດ, ເອກະສານ, ມະຕິ, ນິຕິກຳຕ່າງໆຂອງພັກ-ລັດລົງເຜີຍແຜ່ເຊື່ອມຊືມໃຫ້ແກ່ພະນັກງານ-ລັດຖະກອນໃຫ້ຮັບຮູ້ ແລະ ເຂົ້າໃຈເພື່ອ ນຳໄປຈັດຕັ້ງປະຕິບັດແກ້ໄຂວຽກງານຕ່າງໆໃຫ້ມີການຂະຫຍາຍຕົວຂື້ນເປັນກ້າວໆ.
ຫຼັງຈາກນັ້ນ ທ່ານ ເດັດສະໜອນ ແກ້ວວົງສັກ ກຳມະການພັກເມືອງຫົວໜ້າຫ້ອງວ່າການປົກຄອງ ເມືອງແປກ ກໍ່ໄດ້ຂື້ນຜ່ານບົດລາຍງານຂອງຫ້ອງວ່າການປົກຄອງເມືອງແປກແຂວງຊຽງຂວາງຕື່ມອີກ, ພ້ອມດຽວກັນນັ້ນຄະນະຫ້ອງວ່າການປົກຄອງ, ພະນັກງານ-ລັດຖະກອນຫຼັກແຫຼ່ງ ທັງ 2 ເມືອງ ກໍ່ໄດ້ຜັດປ່ຽນກັນຂື້ນແລກປ່ຽນບົດຮຽນເຊິ່ງກັນ ແລະ ກັນ ເພື່ອນໍາໄປຜັນຂະຫຍາຍຈັດຕັ້ງປະຕິບັດວຽກງານຂອງຕົນ ໃຫ້ມີບາດກ້າວຂະຫຍາຍຂື້ນເລື່ອຍໆ. ຈາກນັ້ນທັງ 2 ເມືອງ ກໍ່ໄດ້ຍັງໄດ້ແລກປ່ຽນຂອງທີລະນຶກໃຫ້ເຊິ່ງ ກັນ ແລະ ກັນ. ທັງນີ້ກໍ່ເພື່ອເປັນການເຕົ້າໂຮມຄວາມສາມັກຄີລະຫວ່າງ ເມືອງຕໍ່ເມືອງ ແລະ ພະນັກງານ-ລັດຖະກອນເພື່ອແລກປ່ຽນບົດຮຽນສະພາບການຈັດຕັ້ງປະຕິບັດໜ້າທີ່ວຽກງານການຄຸ້ມຄອງການພັດທະນາເສດຖະກິດ-ສັງຄົມໃຫ້ມີບາດກ້າວຂະຫຍາຍຕົວຂື້ນເທື່ອລະກ້າວ.
ເນື້ອໃນໂອກາດດັ່ງກ່າວ ທ່ານ ປະລີນຍາເອກ ຄຳປາວ ມົວ ກໍ່ໄດ້ໃຫ້ກຽດຂື້ນໂອ້ລົມມີຄໍາຄິດຄຳເຫັນ ກ່ອນອື່ນໝົດທ່ານກໍ່ຍັງໄດ້ກ່າວຍ້ອງຍໍຊົມເຊີຍຜົນງານໃນການຈັດຕັ້ງປະຕິບັດໃນໄລຍະຜ່ານມາພ້ອມທັງໃຫ້ທິດຊີ້ນຳແກ່ຄະນະຫ້ອງການທັງ 2 ເມືອງຈົ່ງພ້ອມກັນເຕົ້າໂຮມຄວາມສາມັກຄີເອົາໃຈໃສ່ສຶກສາອົບຮົມການເມືອງແນວຄິດໃຫ້ແກ່ພະນັກງານລັດຖະກອນໃຫ້ມີຄວາມອຸ່ນອຽງທຸ່ນທ່ຽງເຊື່ອໝັ່ນຕໍ່ການນຳພາຂອງພັກຂອງລັດ ແລະ ການຈັດຕັ້ງປະຕິບັດໜ້າທີ່ວຽກງານທີຂັ້ນເທິງມອບ ໝາຍໃຫ້ນັ້ນໃຫ້ໄດ້ຮັບຜົນສຳເລັດ, ເປັນຕົວຢ່າງໃຫ້ແກ່ຂັ້ນເທິງ, ຂັ້ນລຸ່ມໃນການແກ້ໄຂປະກົດການຫຍໍ້ທໍ້ຕ່າງໆຕາມຊາຍແດນພ້ອມນີ້ກໍ່ ເພື່ອເປັນການຂ່ຳນັບຮັບຕ້ອນກິລາແຫ່ງຊາດທີ່ ແຂວງຊຽງຂວາງ ເປັນເຈົ້າພາບໃນທ້າຍປີ 2018 ນີ້.
ຖວທ ເມືອງຄໍາ
Editor: ກຳປານາດ ລັດຖະເຮົ້າ
