ເພື່ອເປັນການສົ່ງເສີມພອນສະຫວັນ ແກ່ເດັກນ້ອຍ-ຫລານນ້ອຍ ມີເວທີກ້າສະແດງອອກ ແລະ ສ້າງອະນາຄົດທີ່ຍາວໄກ ແກ່ອະນຸຊົນ ຊືມຊັບດ້ວຍວັດທະນະທໍາການນຸ່ງຖື ແລະ ຮິດຄອງປະເພນີອັນດີງາມ ໃນການນຸ່ຖື ໃນການຫລີນບຸນປີໃຫມ່ລາວ. ດັ່ງນັ້ນ. ຄະນະຮັບຜິດຊອບງານ ຮ່ວມກັບ ພະແນກສຶກສາທິການ ແລະ ກິລານະຄອນຫລວງວຽງຈັນ, ພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫລວງວຽງຈັນ ໄດ້ຈັດງານການເດີນແບບສໍາລັບຫລານນ້ອຍ ໃນຊຸດບຸນປີໃຫມ່ລາວ ເພື່ອເປັນການສ້າງຂະບວນການຕ້ອນຮັບບຸນປີໃຫມ່ລາວ ພສ 2561

ງານດັ່ງກ່າວ ໄດ້ຈັດຂື້ນໃນວັນທີ 8 ເມສາ 2018 ທີ່ຜ່ານມາ ຢູ່ທີ່ສູນການຄ້າລາວໄອເຕັກ ເຊີ່ງມີຜູ້ປົກຄອງ ແລະ ຫລານນ້ອຍນັກຮຽນ ເຂົ້າຮ່ວມເປັນຈໍານວນຫລວງຫລາຍ ການປະກວດເດີນແບບ ຄັ້ງນີ້ ມີຫລານນ້ອຍເຂົ້າຮ່ວມ ທັງໝົດ 70 ກວ່ານ້ອງ ນັບແຕ່ອາຍຸ 4-10 ປີ ຈາກໂຮງຮຽນຕ່າງໆ. ເຊີ່ງການປະກວດເດີນແບບ ແມ່ນປະກອບມີຫລາຍຊຸດ ທີ່ມີສີສັນ ແລະ ເຂົ້າກັບບັນຍາກາດ ບູນປີໃຫມ່ລາວ, ເຊີ່ງເດັກນ້ອຍໃນແຕ່ລະຄົນ ຕ່າງກໍ່ມາພ້ອມດ້ວຍຄວາມສາມາດ ແລະ ຄວາມໝັ້ນໃຈ ລີລາທ່າທາງ ແລະ ບຸກຄະລິກໃນການຍ່າງ ການແອກທ່າ ຕ່າງໆ ເພື່ອເອົາຊະນະໃຈກໍາມະການ ແລະ ກອງເຊຍ. ເຊີ່ງເປັນອີກຫນຶ່ງກິດຈະກໍາ ທີ່ມີສີສັນເບີກບານມ່ວນຊື່ນ ແລະ ຮ້ອຍຍີມ ຈາກຜູ້ເຂົ້າຮ່ວມງານ.

ງານ ຄັ້ງນີ້, ຖືວ່າເປັນກິດຈະກໍາທີ່ດີ ໃນການສົ່ງເສີມຄວາມອາດສາມາດ ແລະ ພອນສະຫວັນຂອງເດັກນ້ອຍ ໄດ້ມີເວທີ ສະແດງອອກ ທັງເປັນການຕໍ່ຍອດທີ່ດີ ໃນການປູກຈິດສໍານຶກແກ່ເດັກນ້ອຍເຍົາວະຊົນ ລຸ້ນຫລັງ ໄດ້ສົ່ງເສີມ ອະນຸລັກ ວັດທະນະທໍາການນຸ່ງຖື ໃຫ້ຖືກຕ້ອງ ໃນບຸນປີໃຫມ່ລາວ ສໍາລັບການປະກວດ ແມ່ນໄດ້ມີລາງວັນ ຫລາຍລາງວັນ ແກ່ຜູ້ຊະນະເລີດ ທຶນການສືກສາ ສູງເຖິງ 1 ລ້ານ 5 ແສນກິບ. ຮອງອັນດັບຫນຶ່ງ ທຶນການສຶກສາ 1 ລ້ານກີບ, ຮອງອັນດັບ 2 ທຶນການສຶກສາ 8 ແສນກີບ, ພ້ອມນັ້ນ ຍັງມີລາງວັນຊົມເຊີຍ ແກ່ຜູ້ເຂົ້າປະກວດ ຄົນລະ 1 ແສນກີບ.

Editor: ກຳປານາດ ລັດຖະເຮົ້າ