ກອງບັນຊາການ ປກສ ເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມ ຫຼຸບຖອດຖອນບົດຮຽນວຽກງານ ປກສ ບໍລິການປະຊາຊົນ ແລະ ປກສ ບ້ານ ປະຈໍາປີ 2017 ແລະ ທິດທາງແຜນການປີ 2018 ຂອງຕົນຂື້ນ ຢູ່ທີ່ຫ້ອງປະຊຸມໃຫ່ຍຂອງເມືອງ ໂດຍການເປັນປະທານ ຂອງ ທ່ານ ຄໍາເພັດ ພົມມະລາດ ເຈົ້າເມືອງໆຫົງສາ, ປະທານປ້ອງກັນຊາດ ປ້ອງກັນຄວາມສະຫົງບ ມີ ທ່ານ ພັນໂທ ຄໍາກຽວ ສໍວົງສາ ຮອງກອງບັນຊາການ ປກສ ເມືອງຫົງສາ, ຄະນະພັກ, ຄະນະບັນຊາ, ຫົວໜ້າກຸ່ມ ປກສ ບໍລິການປະຊາຊົນແຕ່ລະບ້ານ ແລະ ປກສ ບ້ານອອ້ມຂ້າງເມືອງເຂົ້າຮ່ວມເກືອບ 100 ທ່ານ.
ຈຸດປະສົງໃນຄັ້ງນີ້: ເພື່ອສ້າງ ປກສ ກຸ່ມບ້ານປະຈໍາການ ແລະ ເຮັດໜ້າທີ່ຢູ່ກຸ່ມບ້ານ ເພື່ອແນໃສ່ຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ຮາກຖານ.ກໍາແໜ້ນພາລະບົດບາດ,ສິດ ແລະ ໜ້າທີ່ຂອງຕົນ,ພາລະບົດບາດຂອງ ປກສ ກຸ່ມບ້ານແມ່ນຕອ້ງເປັນເສນາທິການໃຫ້ກອງບັນຊາການ ປກສ ເມືອງ,ເຈົ້າເມືອງ ໃນການຄຸ້ມລັດ.ຄຸມຄອງສັງຄົມ,ປົກປັກຮັກສາຄວາມສະຫົງບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມຢູ່ກຸ່ມບ້ານ,ນໍາພາສຶກສາອົບຮົມປະຊາຊົນເຊື່ອມຊືມແນວທາງນະໂຍບາຍຂອງພັກ - ກົດໝາຍຂອງລັດ.ຕິດຕາມ,ກວດກາ,ຂື້ນທະບຽນ ແລະຄຸມຄອງສໍາມະໂນຄົວ.ກໍາແໜ້ນເປົ້າໝາຍແຕ່ລະປະເພດ. ຫັດກຸມຈະແຈ້ງ ນໍາພາປັບປຸງກໍາລັງ ປກສ ບ້ານ ແລະ ເຄື່ອນໄຫວດໍາລັດ 514 ຂອງ ປກສ ບ້ານ.ເຂົ້າຮວ່ມໄກ່ເກ່ຍສາເຫດການ,ກໍລະນີເກີດຂື້ນຕ່າງໆພາຍກຸ່ມ ແລະ ພາຍໃນບ້ານ, ທົ່ວເມືອງຫົງສາ ມີ 34 ບ້ານ ມີພົນລະເມືອງ 29.011 ຄົນ,ຍິງ 14.343 ຄົນ,ມີ ປກສ ບໍລິການປະຊາຊົນ ທັງໝົດ 7 ກຸ່ມ,ມີພະນັກງານ 38 ສະຫາຍ ແລະ ພະແນກສໍາມະໂນຄົວທັງໝົດ 4 ສະຫາຍ ຍິງ 4 ສະຫາຍ, ມີ ປກສ ບ້ານທັງໝົດ 560 ສະຫາຍ, ຍີງ 31 ສະຫາຍ,ຈັດເປັນ 5 ກອງຮ້ອຍ, 17 ໝວດດ 56 ໝູ່ ແລະ ຮັບຟັງການລາຍງານ ການແລກບົດຮຽນເຊີ່ງກັນ ແລະ ກັນ ແລະ ບັນເຈາະຈີ້ມຂອງທ່ານປະທານ
ໃນຕອນກອງປະຊຸມ ທ່ານ ຄໍາເພັດ ພົມມະລາດ ກໍ່ໄດ້ສະແດງຄວາມຍ້ອງຍໍຊົມເຊີຍ ຜົນງານໃນ ໜື່ງປີຜ່ານມາ ແລະ ເໜັ່ນໜັກໃຫ້ ອ້າຍນ້ອງ ປກສ ກຸ່ມບ້ານ ແລະ ປກສ ບ້ານ ຈົ່ງພ້ອມກັນເອົາໃຈໃສ່ ກໍາແໜ້ນ ບັນດາໜ້າທີ່ວຽກງານຂອງຕົນ ໃຫ້ທ່ວງທັນເວລາ ເຮັດວຽກຕ້ອງມີແບບແຜນຢ່າງລະອຽດສັດເຈນ ຕາມການມອບໝາຍ ແລະ ໃຫ້ກຽດມອບຍ້ອງ ແລະ ໃບຊົມເຊີຍ ໃຫ້ແກ່ຜູ່ທີ່ມີພົນງານດີເດັ່ນ ຢູ່ກຸ່ມບ້ານ ຈໍານວນ 92 ໃບ ແລະ ຂັ້ນ ຈໍານວນ 69 ໃບບ້ານຕື່ມອີກ
ຂອບໃຈ ທີມຂ່າວເມືອງຫົງສາ, ແຂວງໄຊຍະບູລີ
Editor: ກຳປານາດ ລັດຖະເຮົ້າ
