ໃນຕອນເຊົ້າຂອງວັນທີ 27 ເມສາ 2018 ນີ້ ຢູ່ທີ່ສະໂມສອນຂອງເມືອງຊໍາໃຕ້, ແຂວງຫົວພັນ ໄດ້ມີພິທີປິດຊຸດເຝີກອົບຮົມທິດສະດີການເມືອງ-ການປົກຄອງ ຊຸດທີ 1 ລະບົບ 45 ວັນ, ໃຫ້ແກ່ພະນັກງານບ້ານ 3 ສ້າງ ແລະ ພະນັກງານຫຼັກແຫຼ່ງຂອງເມືອງຊໍາໃຕ້, ໂດຍພາຍໃຕ້ການເປັນປະທານ ຂອງ ທ່ານ ຮີນທອງ ດວງຈັນສຸກ ກໍາມະການພັກແຂວງ ເລຂາພັກເມືອງ ເຈົ້າເມືອງຊໍາໃຕ້ ມີຄະນະປະຈໍາ ກໍາມະການ ຫົວໜ້າຮອງຫົວໜ້າຫ້ອງການ, ນາຍບ້ານສາມສ້າງ ແລະ ສໍາມະນາກອນເຂົ້າຮວ່ມຢ່າງພ້ອມພຽງ.
ໃນພິທີ ທ່ານນາງ ໄມກອງ ອີນທະວົງ ຮອງຫົວໜ້າຄະນະໂຄສະນາອົບຮົມເມືອງ ໄດ້ຂື້ນຜ່ານຂໍ້ຕົກລົງ ຂອງທ່ານເຈົ້າແຂວງ ແລະ ທ່ານເຈົ້າເມືອງວ່າດ້ວຍການອະນຸມັດປິດຊຸດອົມຮົມ ທິດສະດີການເມືອງການປົກຄອງລະບົບ 45 ວັນ ຊຸດທີ 1 ຂອງເມືອງຊໍາໃຕ້, ແຂວງຫົວພັນ ຈາກນັ້ນ ທ່ານ ວັນສີ ບົວລະພາ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ ກໍໄດ້ລາຍງານໃຫ້ຮູ້ວ່າ: ຊຸດເຝີກອົບຮົມຄັ້ງນີ້ໄດ້ເລີ່ມແຕ່ ວັນທີ 22 ກຸມພາ 2018 ແລະ ລໍາເນີນຈົນເຖີງ ວັນທີ 27 ເມສາ 2018 ຈີ່ງສໍາເລັດ ມີນັກສໍາມະກອນເຂົ້າຮ່ວມທັງໝົດ 34 ສະຫາຍ, ຍີງ 7 ສະຫາຍ ມາຈາກບ້ານເປົ້າໝາຍ 3 ສ້າງ 9 ສະຫາຍ, ພະນັກງານຫຼັກແຫຼ່ງຂອງເມືອງ 25 ສະຫາຍ.
ສຳລັບເນື້ອໃນເອກະສານທີ່ມາເຝິກອົບຮົມໃນຄັ້ງນີ້ປະກອບມີ 5 ວິຊາ ຄື: ວິຊາປັດສະຍາມາກ-ເລນີນ 5 ບົດ, ວິຊາເສດຖະສາດການເມືອງມີ 10 ບົດ, ວິຊາລັດທິສັງຄົມວິທະຍາ 8 ບົດ, ວິຊາການເມືອງ ແລະ ກົດໝາຍ 25 ບົດ ແລະ ວິຊາການກໍ່ສ້າງພັກ 5 ບົດ, ນອກນີ້ ຍັງໄດ້ນໍາເອົາເອກະສານທີສໍາຄັນເພີ່ມເຕີມອີກ ໃນໄລຍະເຝີກອົບຮົມຍັງໄດ້ນໍາພານັກສໍາມະນະກອນໄປຖອດຖອນບົດຮຽນການສ້າງໜ່ວຍພັກເຂັ້ມແຂງຮູ້ນໍາພາຮອບດ້ານ ແລະ ການສ້າງບ້ານພັດທະນາຕາມທິດສາມສ້າງຢູ່ບ້ານເຕົ້າ, ກຸ່ມບ້ານວຽງພັນ. ຜ່ານການເຝິກອົບຮົມໃນໄລຍະເປັນໄລຍະ 45 ວັນ ນັກສໍາມະນະກອນໄດ້ເອົາໃຈໃສ່ ຕິດຕາມຮັບຟັງຄໍາອະທິບາຍ ເອົາໃຈໃສ່ໃນການຄົ້ນຄວ້າ ບັນດາເນື້ອໃນເອກະສານຕ່າງໆ, ສາມາດປະເມີນແຕ່ລະວິຊາໄດ້ຄື: ວິຊາປັດຊະຍາ-ມາກເລນີນ ດີ 24 ສະຫາຍ ເທົ່າກັບ 70,58 ສ່ວນຮ້ອຍ, ກາງ 10 ສະຫາຍ, ເທົ້າກັບ 29,4 ສ່ວນຮ້ອຍ, ວິຊາເສດທະສາດການເມືອງ ດີ 28 ສະຫາຍ ເທົ່າກັບ 82,35 ສ່ວນຮ້ອຍ, ກາງ 6 ສະຫາຍເທົ່າກັບ 17,64 ສ່ວນຮ້ອຍ, ວິຊາລັດທິສັງຄົມວິທະຍາ ດີ 23 ສະຫາຍ ເທົ່າ 67,64 ສ່ວນຮ້ອຍ, ກາງ 11 ສະຫາຍ ເທົ່າກັບ 32,35 ສ່ວນຮ້ອຍ, ວິຊາການເມືອງ ແລະ ກົດໝາຍ ດີ 22 ສະຫາຍ ເທົ່າ 64,70 ສ່ວນຮ້ອຍ, ກາງ 12 ສະຫາຍ ເທົ່າກັບ 39,29 ສ່ວນຮ້ອຍ, ແລະ ວິຊາການກໍ່ສ້າງພັກ ດີ 21 ສະຫາຍ ເທົ່າ 61,76 ສ່ວນຮ້ອຍ, ກາງ 13 ສະຫາຍ ເທົ່າກັບ 38,23 ສ່ວນຮ້ອຍ.
ໃນພິທີຄັ້ງນີ້ ທ່ານ ຮີນທອງ ດວງຈັນສຸກ ກໍາມະການພັກແຂວງ ເລຂາພັເມືອງ ເຈົ້າເມືອງຊໍາໃຕ້ ໄດ້ໃຫ້ກຽດມອບໃບຢັ້ງຢືນໃຫ້ນັກສໍາມະນາກອນ ພ້ອມທັງມີຄໍາເຫັນໂອ້ລົມ ເຊີ່ງທ່ານໄດ້ເໜັ້ນນັກໃຫ້ນັກສຳມະນາກອນ ນຳເອົາຄວາມຮູ້ທີໄດ້ຮຽນມາໄປຈັດຕັ້ງຜັນຂະຫຍາຍຢູ່ກົມກອງ, ຮາກຖານທີ່ຕົນເອງສັງກັດຢູ່ເຮັດໃຫ້ວຽກງານທີຕົນເອງຮັບຜິດມີຜົນສຳເລັດ ປະກອບສ່ວນເຂົ້າໃນຂະບວນການສ້າງສາພັດທະນາປະເທດຊາດ ໃຫ້ມີຄວາມຈະເລີນຂື້ນເທື່ອລະກ້າວ.
ຂ່າວໂດຍ: ທອງແດງ ສີແກ້ວວົງອິນນາ ຫ້ອງການຖະແຫຼງຂ່າວເມືອງຊຳໃຕ້
Editor: ກຳປານາດ ລັດຖະເຮົ້າ
