ໃນວັນທີ 27 ເມສາ 2018 ຜ່ານມາທີ່ຫ້ອງປະຊຸມຫ້ອງວ່າການປົກຄອງເມືອງ ວຽງທອງ ແຂວງ ບໍລິຄໍາໄຊ ໄດ້ມີກອງປະຊຸມກະກຽມພະນັກງານລົງກໍ່ສ້າງຮາກຖານການເມືອງ ປະຈຳປີ 2018 ຂື້ນໂດຍການເຂົ້າຮ່ວມເປັນປະທານຂອງ ທ່ານ ຄຳມອນ ໄຊພົມມີ ຮອງເລຂາພັກເມືອງ-ຮອງເຈົ້າເມືອງ ວຽງທອງ ມີບັນດາຄະນະປະຈໍາພັກເມືອງ, ກຳມະການພັກເມືອງ, ຫົວໜ້າຫ້ອງການ ພະນັກງານກໍ່ສ້າງຮາກຖານການເມືອງຂອງເມືອງເຂົ້າຮ່ວມ.
ກອງປະຊຸມ ທ່ານ ດ້ວງ ລໍວັນໄຊ ຄະນະຫ້ອງວ່າການປົກຄອງເມືອງ ໄດ້ໃຫ້ກຽດຂື້ນຜ່ານແຜນເຄື່ອນໄຫວວຽກງານກໍ່ສ້າງຮາກຖານການເມືອງ ປະຈຳເດືອນ 5 ປີ 2018 ເພື່ອລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ວຽກງານສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາແຕ່ປີ 2016 - 2020 ໃຫ້ໄດ້ຕາມຈຸດປະສົງ ແລະ ຄາດໝາຍ ເພື່ອສ້າງຄວາມເຂັ້ມແຂງໃຫ້ອຳນາດການປົກຄອງບ້ານ, ໜ່ວຍງານຊ່ວຍວຽກບ້ານ, ກໍາລັງ ປກສ-ປກຊ, ພໍ່, ແມ່ ປະຊາຊົນບັນດາເຜົ່າ ໃຫ້ລຸລົ່ງທາງດ້ານການເມືອງ- ແນວຄິດ, ສ້າງໃຫ້ໜ່ວຍພັກຮາກຖານມີຄວາມປອດໃສເຂັ້ມແຂງ, ໜັກ ແໜ້ນທາງດ້ານການນຳພາຄຸ້ມຄອງທ້ອງຖິ່ນ ໃຫ້ມີຄວາມສະຫງົບຮອບດ້ານ, ຊຸກຍູ້ການຜະລິດຂອງປະຊາຊົນໃຫ້ຫຼາຍ ກາຍເປັນສີນຄ້າຕາມທ່າແຮງຂອງບ້ານ, ເພື່ອແກ້ໄຂຄວາມທຸກຍາກຂອງປະຊາຊົນໃຫ້ຫຼຸດລົງ, ນໍາພາສ້າງບ້ານພົ້ນທຸກ ແລະ ບ້ານພັດທະນາ ໃຫ້ມີຄວາມຍືນຍົງ, ປັບປຸງລະບົບການຈັດຕັ້ງບ້ານໃຫ້ເຂັ້ມແຂງ, ນຳພາສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ມີຄຸນນະພາບ.
ຫຼັງຈາກນັ້ນ ພະນັກງານກຽມລົງກໍ່ສ້າງຮາກຖານ ກໍ່ໄດ້ພ້ອມກັນມີຄຳຄິດ, ຄໍໍໍໍໍໍໍໍໍາເຫັນຕໍ່ກັບການກະກຽມລົງວຽກງານໃນຄັ້ງນີ້ຢ່າງກົງໄປກົງມາ ຢ່າງມີເຫດ ແລະ ຜົນ ພ້ອມເປັນເອກະພາບກັນແລ້ວ ນຳເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ນຳໄປຈັດຕັ້ງປະຕິບັດໃນຂັ້ນຕໍ່ໄປ.
Editor: ນັກຂ່າວເມືອງວຽງທອງ
