ຕອນເຊົ້າ ວັນທີ 2 ພຶດສາພາ 2018 ນີ້ ກອງປະຊຸມໃຫ່ຍ ຄັ້ງທີ I ໜ່ວຍພັກພະແນກ ໂຄສານາອົບຮົມ ບວກກັບ ຫ້ອງການບໍລິຫານ ໄດ້ໄຂຂື້ນຢ່າງເປັນທາງການ ໂດຍການເປັນປະທານຂອງ ສະຫາຍ ພັນຕີ ກອງລະສັກ ສີສຸກລາດ ເລຂາໜ່ວຍພັກ, ຮອງຫົວໜ້າຫ້ອງການເມືອງ, ໃຫ້ກຽດເຂົ້າຮ່ວມຂອງ ສະຫາຍ ພັນໂທ ຄໍາໄມ ແກ່ນຄໍາຈັນ ຮອງເລຂາຄະນະພັກຮາກຖານ, ຮອງຫົວໜ້າຫ້ອງການເມືອງ, ມີຄະນະຊຸກຍູ້ກອງປະຊຸມ, ມີຄະນະໜ່ວຍພັກອ້ອມຂ້າງຮາກຖານພັກຫ້ອງການເມືອງ, ແຂກຖືກເຊີນ ພ້ອມດ້ວຍສະມາຊິກພັກ ສົມບູນ-ສໍາຮອງ ພາຍໃນໜ່ວຍເຂົ້າຮ່ວມ.
ສະຫາຍ ພັນໂທ ນາງ ຄໍາໃບ ບັບພະລັງສີ ຮອງເລາຂາໜ່ວຍພັກ ໄດ້ຜ່ານບົດລາຍງານການເມືອງ ທັງ 3 ພາກຕໍ່ທີ່ປະຊຸມ ເຊີ່ງໄດ້ຍົກໃຫ້ເຫັນຜົນງານທີ່ຍາດໄດ້ຫຼາຍດ້ານເຊັ່ນ: ດ້ານວຽກງານການເມືອງ, ດ້ານການຈັດຕັ້ງ ແລະ ແບບແຜນວິທີເຮັດວຽກ ຄະນະໜ່ວຍພັກໄດ້ເອົາໃຈໃສ່ສືກສາອົບຮົມການເມືອງ-ແນວຄິດໃຫ້ພະນັກງານສະມາຊິກພັກ, ພະນັກງານ-ນັກຮົບ ມີຄວາມອຸ່ນອ່ຽນທຸ່ນທ່ຽງ, ມີຄຸນສົມບັດສີນທຳປະຕິວັດ, ສະຕິເຄົາລົບຕໍ່ການຈັດຕັ້ງຂັ້ນເທິງ, ເຊື່ອໝັ້ນຕໍ່ແນວທາງນະໂຍບາຍຂອງພັກ, ເຄົາລົບລະບຽບກົດໝາຍຂອງລັດຢ່າງເຂັ້ມງວດ, ນອກນັ້ນ ຍັງໄດ້ເອົາໃຈໃສ່ຊີ້ນໍາ-ນໍາພາເຄື່ອນໄຫວເຮັດວຽກງານວິຊາສະເພາະ ເຊີ່ງ 5 ປີຜ່ານມາ ສາມາດເຄື່ອນໄຫວຖ່າຍຂ່າວ ໄດ້ 3.514 ຄັ້ງ, ຂຽນຂ່າວ ໄດ້ 2.728 ຂ່າວ, ຂຽນບົດຕ່າງໆ ໄດ້ 125 ບົດ, ຈັດລາຍການວິທະຍຸໄດ້ 1.728 ຄັ້ງ, ສົ່ງຂ່າວໃຫ້ສະຖານນິວິທະຍຸ ແລະ ໂທລະພາບ ແຂວງບໍລິຄໍາໄຊ ໄດ້ 576 ຂ່າວ, ສົ່ງຂ່າວໃຫ້ໜັງສືພິມແຂວງ ໄດ້ 594 ຂ່າວ, ສົ່ງຂ່າວໃຫ້ ໂທລະພາບ ປກສ ໄດ້ 576 ຂ່າວ, ສົ່ງຂ່າວໃຫ້ໜັງສືພິມ ປກສ ໄດ້ 576 ຂ່າວ, ເປິດເຄື່ອງສຽງຮັບໃຊ້ກອງປະຊຸມ ໄດ້ 247 ຄັ້ງ, ຂຽນບົດລາຍງານຜົນສໍາເລັດພິທີປາຖະກະຖາມູນເຊື້ອວັນສໍາຄັນຂອງພັກ, ຂອງຊາດ ແລະ ວັນສ້າງຕັ້ງກຳລັງປ້ອງກັນຄວາມສະຫງົບ ໃຫ້ຄະນະໂຄສະນາອົບຮົມແຂວງ ແລະ ກະຊວງ ປກສ ໄດ້ 15 ສະບັບ, ຮັບແຈກຢາຍວາລະສານຕ່າງໆໄດ້ 5.400 ສະບັບ, ຮັບ ແລະ ແຈກຢາຍ ໜັງສືພິມ ໄດ້ 14. 688 ສະບັບ, ຮັບ ແລະ ແຈກຢາຍປະຕິທິນ ປກສ ໄດ້ 556 ຫົວ. ສະຫຼຸບປະຈໍາອາທິດ ໄດ້ 144 ຄັ້ງ, ຂຽນໃບສະເໜີຖອນເງີນ ໄດ້ 1.260 ສະບັບ, ແລ່ນເງີນບໍລິຫານ ໄດ້ 450 ຄັ້ງ, ຮັບ ແລະ ຈ່າຍເຄື່ອງນຸ່ງຫົ່ມໄດ້ 18 ຄັ້ງ, ຮັບເອກະສານຂາເຂົ້າ-ຂາອອກໄດ້ 9.258 ສະບັບ, ພິມເອກະສານຕ່າງໆໄດ້ 7.860 ສະບັບ. ດ້ານວຽກງານປ້ອງກັນຄວາມສະຫງົບ ໄດ້ນໍາພາສະມາຊິກພັກ, ພະນັກງານ-ນັກຮົບ ພາຍໃນໜ່ວຍປະຈໍາການຢ່າງເປັນປົກກະຕິ, ປະຈຸບັນພາຍໃນໜ່ວຍພັກມີຊາວໜຸ່ມ 9 ສະຫາຍ, ຍິງ 4 ສະຫາຍ, ສະມາຊິກແມ່ຍິງ 4 ສະຫາຍ, ຜ່ານການກວດກາຕີລາຄາມີສະມາຊິກຊາວໜຸ່ມດີເດັ່ນ 08 ສະຫາຍ, ຍິງ 1 , ແຂງ 1 ສະຫາຍ, ມີແມ່ຍິງເຂັ້ມແຂງ 4 ສະຫາຍ. ປະຈຸບັນມີສະມາຊິກພັກເຂັ້ມແຂງ 10 ສະຫາຍ, ຍິງ 3 ສະຫາຍ, ສະມາຊິກພັກແຂງ 1 ສະຫາຍ. ສາມາດຂະຫຍາຍມະຫາຊົນກ້າວໜ້າເຂົ້າຮຽນສະໜັບສະໜູນ ແລະ ລະບຽບພັກ ໄດ້ 2 ສະຫາຍ, ຍິງ 1 ສະຫາຍ, ສ້າງມະຫາຊົນກ້າວໜ້າເຂົ້າພັກໃໝ່ ໄດ້ 2 ສະຫາຍ, ຍິງ 1 ສະຫາຍ, ໄດ້ຮັບນາມມະຍົດເປັນໜ່ວຍພັກແຂງຮູ້ນໍາພາຮອບດ້ານ 3 ປີຊ້ອນ.
ຫຼັງຈາກນັ້ນ ຄະນະໜ່ວຍພັກຊຸດເກົ່າກໍ່ໄດ້ກ່າວອໍາລາໜ້າທີ່, ກອງປະຊຸມໄດ້ມີການປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ຜ່ານການປ່ອນບັດຄັດເລືອກກອງປະຊຸມຄັ້ງປະຖົມມະລືກເລືອກໄດ້ ສະຫາຍ ພັນໂທ ບຸນມີໄຊ ຈັນທະວົງ ເປັນເລຂາໜ່ວຍພັກໂຄສະນາອົບຮົມ + ຫ້ອງການບໍລິຫານຊຸດໃຫມ່ ແລະ ອີກສອງສະຫາຍເປັນຄະນະ. ມາໃນຕອນບ່າຍຂອງວັນດຽວກັນ ໜ່ວຍພັກພະແນກພັກອົງການຈັດຕັ້ງມະຫາຊົນ ບວກກວດກາປ້ອງກັນກຳລັງ ກໍ່ໄດ້ເປີດກອງປະຊຸມໃຫ່ຍ ຄັ້ງທີ I ຂອງຕົນຂື້ນ, ເຊິ່ງໄດ້ຜ່ານບົດລາຍງານການເມືອງທັງ 3 ພາກ ແລະ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່, ໂດຍເລືອກໄດ້ ສະຫາຍ ພັນຕີ ກອງລະສັກ ສີສຸກລາດ ເປັນ ເລຂາໜ່ວຍພັກຊຸດໃຫມ່, ສະຫາຍ ພັນຕີ ບົວແກ້ວ ເວີນຄໍາໄຊ ເປັນຮອງເລຂາ ແລະ ສະຫຼາຍ ພັນຕີ ບົວຂຽນ ໄຊຍະບຸດດາ ເປັນກວດກາໜ່ວຍພັກ.
ກອງປະຊຸມຍັງໄດ້ຮັບຟັງຄໍາເຫັນໂອ້ລົມຈາກ ສະຫາຍ ພັນໂທ ຄໍາໄມ ແກ່ນຄໍາຈັນ ຮອງເລຂາຄະນະພັກຮາກຖານຫ້ອງການເມືອງ ເຊິ່ງສະຫາຍ ກໍ່ໄດ້ໃຫ້ທິດເຍືອງທາງຕື່ມອີກ.
Editor: ປກສ ແຂວງບໍລິຄຳໄຊ
