ໃນວັນທີ 4 ພຶດສະພາ 2018 ນີ້ ເມືອງຫມື່ນ ແຂວງວຽງຈັນ ໄດ້ເປີດກອງປະຊຸມ ປະກາດຮັບຮອງໜ່ວຍຊາວໜູ່ມ 47 ໜ່ວຍ ເປັນໜ່ວຍ 4 ບຸກ ຮອບ II ແລະ ຮອບ III ປະຈໍໍາປີ 2017 ຂື້ນຢ່າງເປັນທາງການ ຢູ່ທີ່ສະໂມສອນຫ້ອງວ່າການປົກຄອງເມືອງໝື່ນ ແຂວງວຽງຈັນ ໃຫ້ກຽດເຂົ້າໂດຍທ່ານ ນາງ ວົງພອນ ພານຸວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງຫມື່ນ, ມີທ່ານ ຝືລີ ລີເລ່ຍນູ ຫົວໜ້າຫ້ອງການຊາວໜຸ່ມເມືອງ, ມີບັນດາຫົວໜ້າໜ່ວຍສະມາຊິກຊາວໜຸ່ມ 47 ໜ່ວຍເຂົ້າຮ່ວມ ຢ່າງພ້ອມພຽງ.
ສະຫາຍ ໄຊໂຍ ໄດ້ຂື້ນລາຍງານບົດສະຫຼຸບ ການເຄື່ອນໄຫວວຽກງານຕ່າງໆ ໃນໄລຍະຜ່ານມາ ໃນນັ້ນຂະບວນການ 4 ບຸກ ຮອບ II ແມ່ນໜ່ວຍບ້ານໂພນແສນ, ບ້ານຄົກເໝືອດ, ສຳລັບຮອບ III ແມ່ນໜ່ວຍຊາວໜຸ່ມອົງການແນວ ອົງການຈັດຕັ້ງມະຫາຊົນ, ຈັດຕັ້ງ ກວດກາ ແລະ ໂຄສະນາ, ຫ້ອງການ ການເງິນ, ໂຍທາ, ບ້ານນ້ຳແພດ, ບ້ານນາໝໍ້, ບ້ານນ້ຳເພີນ, ບ້ານກ້ອນຄຳ, ໂຮງຮຽນປະຖົມໂພນແສນ, ມໍຕົ້ນແສນສະຫວ່າງ, ໜ່ວຍຊາວໜຸ່ມຫ້ອງການປົກຄອງເມືອງ, ໄຟຟ້າ, ໂຮງຮຽນ ມສ ນ້ຳຮອນ, ບ້ານນາຕາດ, ໜ່ວຍກະສິກໍາ-ປ່າໄມ້, ໜ່ວຍສຶກສາ-ກິລາ,ກຸ່ມ ປກສ, ກຸ່ມ ປກຊ, ກຸ່ມສັງຄົມ, ທາສາເມືອງ, ຊັບພະຍາກອນທໍາມະຊາດ ແລະ ສິ່ງແວດລ້ອມ, ໂຮງຮຽນມສ ເມືອງໝື່ນ, ປະຖົມນ້ຳຮອນ, ປະຖົມໂພນສິວິໄລ, ປະຖົມນໍ້າແພດ, ປະຖົມນາໝໍ້, ປະຖົມນ້ຳເລົ້າ, ປະຖົມໂພນງາມ,ປະຖົມນາປ່າໄຜ່, ບ້ານນໍ້າຮອນ, ບ້ານໂພນງາມ, ບ້ານເມືອງໝື່ນ, ບ້ານນໍ້ໍ້າເລົ້າ, ບ້ານນາຍາວ, ບ້ານໂນນຕ້ອງ, ບ້ານວັງ, ບ້ານດອນຮຽງ ແລະ ບ້ານປາກຈັນ. ໃນທົ່ວເມືອງຫມື່ນລວມມີ 47 ໜ່ວຍ, ມີສະມາຊິກຊາວໜຸ່ມ-ໄວໜຸ່ມ ທັງໝົດ 1,605 ຄົນ, ຍິງ 743 ຄົນ, ໃນນັ້ນ ເປັນສະມາຊິກ ຊປປລ ທັງໝົດ 1,398 ສະຫາຍ, ຍິງ 621 ສະຫາຍ, ສະມາຊິກຊາວໜຸ່ມສ່ວນຫຼາຍເປັນພະນັກງານ-ລັດຖະກອນ, ຊາວໜຸ່ມຮາກຖານບ້ານຈໍໍານວນໜື່ງ ເຮັດອາຊີບເສີ່ມ. ຄະນະຊາວໜຸ່ມທັງໝົດ 47 ໜ່ວຍຮາກຖານ ມີ 186 ສະຫາຍ, ຍິງ 49 ສະຫາຍ, ມີສະມາຊິກພັກ 57 ສະຫາຍ, ຍິງ 6 ສະຫາຍ, ໄດ້ໄປຍົກລະດັບທິດສະດີການ ເມືອງ 58 ສະຫາຍ, ຍິງ 27 ສະຫາຍ, ວິຊາສະເພາະຊັ້ນກາງ 8 ສະຫາຍ, ຍິງ4 ສະຫາຍ, ຊັ້ນສູງ ແລະ ປະລິນຍາຕີ 15 ສະຫາຍ, ຍິງ 6 ສະຫາຍ, ປະລິນຍາໂທ 2 ສະຫາຍ.
ໂອກາດດຽວກັນ ນາງ ວົງພອນ ພານຸວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງຫມື່ນ ໄດ້ໂອລົມ ຍ້ອງຍໍຊົມເຊີຍຕໍ່ຜົນງານແຕ່ລະໜ່ວຍທີ່ສາມາດເຮັດໄດ້ ແລະ ຂໍໃຫ້ທຸກຄົນຈົ່ງມີແນວຄິດອຸ່ນອ່ຽງທຸ່ນທ່ຽງ ມີຫຼັກໝັ້ນ ຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ຍົກສູງນ້ຳໃຈຮັກຊາດ, ຮັກລະບອບໃໝ່ ,ດຳລົງຊິວິດໃຫ້ຖືກຕ້ອງ ມີຄວາມສາມັກຄີຮັກແພງຊ່ວຍເຫຼື່ອເຊີ່ງກັນ ແລະ ກັນ ຍົກສູງການຈັດຕັ້ງປະຕິບັດ ຮ່ຳຮຽນເອກະສານຕ່າງໆ ເຂົ້້າສູ່ການປະຕິບັດວຽກຕົວຈິ່ງໃຫ້ເກີດດອກອອກຜົນ. ຈາກນັ້ນທ່ານກໍ່ໄດ້ມອບໃບຢັ້ງຢືນໃຫ້ແຕ່ລະໜ່ວຍທີມີຜົນງານດີເດັ່ນຕື່ມອີກ.
Editor: ເມືອງຫມື່ນ
