ໃນວັນທີ 8 ພຶດສະພາ ຜ່ານມານີ້ ຢູ່ທີ່ເມືອງ ບົວລະພາ ແຂວງຄຳມ່ວນ ໜ່ວຍພັກຈັດຕັ້ງເມືອງ ບົວລະພາ ໄດ້ຈັດພິທີເລື່ອນສະມາຊິກພັກສຳຮອງ ຂຶ້ນເປັນ ສະມາຊິພັກສົມບູນ, ໂດຍການເປັນປະທານຂອງສະຫາຍ ສະຫວັດດີ ຄຳລ້ອມ ເລຂາໜ່ວຍພັກຈັດຕັ້ງເມືອງ, ສະຫາຍ ທອງສຸກ ຫັດຕະນາກ ປະທານກວດກາພັກ-ລັດເມືອງ ພ້ອມດ້ວຍບັນດາເລຂາ, ຮອງເລຂໜ່ວຍພັກອ້ອມຂ້າງເມືອງ ແລະ ສະມາຊິກພັກພາຍໃນໜ່ວຍເຂົ້າຮ່ວມ.
ໜ່ວຍພັກຈັດຕັ້ງເມືອງບົວລະພາ ປະກອບມີ 3 ຫ້ອງການທີ່ຂຶ້ນກັບ ຄື: ຫ້ອງການຈັດຕັ້ງເມືອງ, ຫ້ອງການ ກວດກາພັກ-ລັດເມືອງ ແລະ ຫ້ອງການ ໂຄສະນາອົບຮົມເມືອງ ມີສະມາຊິພັກ ທັງໝົດ 17 ສະຫາຍ, ຍິງ 3 ສະຫາຍ, ມີສະມາຊິກພັກສຳຮອງ 4 ສະຫາຍ ແລະ ໄດ້ເລື່ອນ ເອົາສະມາຊິກພັກສຳຮອງ ຈຳນວນ 4 ສະຫາຍ ຂຶ້ນເປັນສະມາຊິກພັກສົມບູນ.
ສະຫາຍ ພົງສະຫວັນ ສີສະຫວາດ ຮອງເລຂາໜ່ວຍພັກ ກໍ່ໄດ້ຜ່ານມະຕິຕົກລົງຂອງຄະນະປະຈຳພັກເມືອງ ວ່າດ້ວຍການອະນຸມັດເລື່ອນເອົາ ສະມາຊິກພັກສຳຮອງ ຈຳນວນ 4 ສະຫາຍ ຂຶ້ນເປັນສະມາຊິກພັກສົມບູນ, ສະຫາຍ ສະຫວັດດີ ຄຳລ້ອມ ເລຂາໜ່ວຍພັກຈັດຕັ້ງ ກໍ່ໄດ້ຂຶ້ນມອບມະຕິຕົກລົງ ວ່າດ້ວຍການອະນຸມັດເລື່ອນເອົາ ສະມາຊິກພັກສຳຮອງ ຂຶ້ນເປັນ ສະມາຊິກພັກສົມບູນ ຂອງພັກປະຊາຊົນ ປະຕິວັດລາວ.
ໃນໂອກາດດັ່ງກ່າວ ສະຫາຍ ທອງສຸກ ຫັດຕະນາກ ປະທານກວດກາພັກ-ລັດເມືອງ ກໍ່ໄດ້ໂອ້ລົມ ຕໍ່ບັນດາສະມຊິກພັກໃໝ່ ເບື້ອງຕົ້ນ ກໍ່ໄດ້ເຫັນດີ ເປັນເອກະພາບ ແລະ ຍ້ອງຍໍຊົມເຊີຍຕໍ່ບັນດາສະມາຊິກພັກສົມບູນ ທີ່ສາມາດຍາດແຍ່ງຜົນງານດັ່ງກ່າວມາໄດ້ ແລະ ສະຫາຍ ກໍ່ໄດ້ເນັ້ນໜັກຕື່ມ ໃນການເພື່ມທະວີ ຄວາມເອົາໃຈໃສບາງບັນຫາ ເປັນຕົ້ນແມ່ນ ດ້ານຄຸນທາດການເມືອງ, ຄຸນສົມບັດ ສີນທຳປະຕິວັດ, ວິໃສທັດ ແລະ ອື່ນໆ.

Editor:  ນັກຂ່າວເມືອງບົວລະພາ