ໃນຕອນບ່າຍຂອງວັນທີ 8 ພຶດສະພາ 2018 ທີ່ຫ້ອງການບ້ານ-ບ້ານ ທ່າແພ, ເມືອງ ວຽງທອງ, ແຂວງ ບໍລິຄໍາໄຊ ໄດ້ຈັດພິທີມອບໃບຢັ້ງຢືນໜ່ວຍພັກເຂັ້ມແຂງ- ຮູ້ນໍາພາຮອບດ້ານປະຈໍາປີ 2017 ຂື້ນ, ໂດຍການເຂົ້າຮ່ວມຂອງ ທ່ານ ດວງໃຈ ພົມມີໄຊ ກໍາມະການພັກເມືອງ, ຫົວໜ້າຫ້ອງການ-ການເງິນເມືອງ, ຄະນະທິມງານປະເມີນຜົນກໍ່ສ້າງໜ່ວຍພັກ, ມີບັນດາເລຂາພັກບ້ານ, ເລຂາໜ່ວຍພັກ, ຄະນະໜ່ວຍພັກ ແລະ ສະມາຊິກພັກພາຍໃນໜ່ວຍພັກເຂົ້າຮ່ວມ.
ໃນພິທີ ທ່ານ ຄໍາໃສ ວັນນະທໍາ ເລຂາພັກບ້ານ, ນາຍບ້ານ ທ່າແພ ໃຫ້ກຽດຜ່ານບົດສະຫຼຸບ ແລະ ທິດທາງແຜນການໃນການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານຕາມ 4 ແຂງ 5 ຮູ້ໃນໄລຍະ1 ປີຜ່ານມາ ຍົກໃຫ້ເຫັນວິທີການກໍ່ສ້າງໜ່ວຍພັກເຂັ້ມແຂງ- ຮູ້ນໍາພາໃນທຸກດ້ານ ໃຫ້ໄດ້ຕາມຄາດໝາຍ, ເຮັດໃຫ້ໜ່ວຍພັກມີຄວາມສະຖຽນນະພາບທາງດ້ານການເມືອງ, ມີຄວາມສະຫງົບໃນທຸກດ້ານ ເຊີ່ງໜ່ວຍພັກສາມາດບັນລຸຕາມມາດຖານຂອງການສ້າງໜ່ວຍພັກເຂັ້ມແຂງ - ຮູ້ນຳພາຮອບດ້ານໄດ້ 95 % ຂື້ນໄປ. ດັ່ງນັ້ນ ຄະນະປະຈຳພັກແຂວງ ຈີ່ງໄດ້ອອກມະຕິຕົກລົງມອບໃບຢັ້ງຢືນໃຫ້ໜ່ວຍພັກບ້ານ ທ່າແພ, ໂດຍເປັນກຽດມອບໃບຢັ້ງຢືນຂອງທ່ານ ດວງໃຈ ພົມມີໄຊ ພ້ອມທັງໄດ້ໂອ້ລົມຊີ້ທິດເຍືອງທາງ ໃຫ້ບັນດາສະມາຊິກພັກທີເຂົ້າຮ່ວມໄດ້ຮັບຮູ້ ເຂົ້າໃຈກ່ຽວກັບຄວາມເປັນແບບຢ່າງຂອງສະມະຊິກພັກໃນການປະຕິບັດໜ້າທີ່ຄວາມຮັບຜິດຊອບທີ່ຖືກມອບໝາຍໃຫ້ເຂັ້ມງວດໃນການປະຕິບັດລະບຽບວິໃນຂອງພັກ ມີຄວາມສາມັກຄີປອງດອງຢ່າງໜັກແໜ້ນເພີມທະວີ ຮັກສາມູນເຊື້ອນາມມະຍົດໜ່ວຍພັກເຂັ້ມແຂງ- ຮູ້ນຳພາຮອບດ້ານໄວ້ໃຫ້ໝັ້ນຄົງ.
Editor: ເມືອງວຽງທອງ
