ແຂວງ ບໍລິຄຳໄຊ ຈັດຊຸດຝຶກອົົບຮົມທິດສະດີການເມືອງ-ການປົກຄອງ ລະບົບບຳລຸງ 45 ວັນ ຮຸ່ນທີ 32 ປະຈຳປີ 2018 ແມ່ນໄດ້ຈັດຂື້ນໃນຕອນເຊົ້າຂອງວັນທີ 7 ພຶດສະພາ 2018 ຢູ່ທີ່ໂຮງຮຽນການເມືອງ-ການປົກຄອງແຂວງ ບໍລິຄຳໄຊ ໃຫ້ກຽດເຂົ້າຮ່ວມກ່າວເປີດພິທີຂອງທ່ານ ບຸນມາ ບຸຈະເລີນ, ຮອງເລຂາພັກແຂວງ ຮອງເຈົ້າແຂວງບໍລິຄຳໄຊ, ມີຄະນະອໍານວຍການ, ຄູ-ອາຈານພາຍໃນໂຮງຮຽນ ພ້ອມດ້ວຍນັກຝຶກອົບຮົມທິດສະດີການເມືອງ-ການປົກຄອງ ຮູ້ນທີ 32 ຈາກກໍາລັງປ້ອງກັນຄວາມສະຫງົບແຂວງບໍລິຄຳໄຊ ຈຳນວນ 48 ທ່ານ ເຂົ້າຮ່ວມ.
ສຳລັບ ການຈັດຕັ້ງປະຕິບັດການຮຽນ-ການສອນ ແມ່ນຈະໄດ້ປະຕິບັດຕາມໂຄງການຫຼັກສູດ 45 ວັນ ສະບັບປັບປຸງທີ່ສະຖາບັນການເມືອງ-ການປົກຄອງແຫ່ງຊາດກໍານົດ, ປະກອບ ມີ 5 ກຸ່ມວິຊາຫຼັກ ລວມມີ 39 ບົດ,ບັນຍາຍ 165 ຊົ່ວໂມງ, ຄົ້ນຄວ້າ, ສຳມະນາຢູ່ຫ້ອງ ແລະ ແກ້ຂໍ້ຂ້ອງໃຈ 35 ຊົ່ວໂມງ, ລົງພຶດຕິກໍາຕົວຈິງ ແລະ ຂຽນບົດເກັບກຽ່ວແຕ່ລະກູ່ມວິຊາ 20 ຊົ່ວໂມງ, ເຊິ່ງປະກອບດ້ວຍພາກວິຊາ ປັດສະຍາ 8 ບົດ ພາກວິຊາເສດຖະສາດການເມືອງ ມີ 10 ບົດ ພາກວິຊາລັດທິສັງຄົມນິຍົມ ມີ 8 ບົດ ພາກວິຊາບໍລິຫານສາດ ມີ 8 ບົດ ແລະ ພາກວິຊາກໍ່ສ້າງພັກ ມີ 6 ບົດ.
ໂອກາດດັ່ງກ່າວທ່ານ ບຸນມາ ບຸຈະເລີນ, ຮອງເລຂາພັກແຂວງ ຮອງເຈົ້າແຂວງບໍລິຄຳໄຊ ຍັງໄດ້ຮຽກຮ້ອງໃຫ້ນັກຝຶກອົບຮົມ ຈົ່ງໄດ້ສູມທຸກສະຕິປັນຍາ ຍາດແຍ່ງເອົາຄວາມຮູ້ຄວາມສາມາດ ຫຼັກມູນທິດສະດີ ນໍາຄູ-ອາຈານ ເພາະວ່າເວລາສັ້ນ ທັ້ງນີ້ ກໍ່ເພື່ອເຮັດໃຫ້ບັນລຸບັນດາແຜນການ, ຄາດໝາຍສູ້ຊົນ ໃນກົມກອງຂອງຕົນມີຜົນສຳເລັດຢ່າງຈົບງາມ.
Editor: ແຂວງບໍລິໄຊ
