ພິທີຮັບມະຫາຊົນກ້າວໜ້າ ເຂົ້າເປັນສະມາຊິກພັກປະຊາຊົນ ປະຕິວັດລາວ ສະໄໝສໍາຮອງ ຈຳນວນ 3 ສະຫາຍ ຂອງໜ່ວຍພັກຮາກຖານພະແນກສ່ວຍສາອາກອນແຂວງເຊກອງ ໄດ້ຈັດຂຶ້ນໃນວັນທີ 9 ພຶດສະພາ ນີ້ ໂດຍການເຂົ້າຮວ່ມຂອງສະຫາຍ ລໍາທອງ ຍົນມະຫາໄຊ ຄະນະພັກຮາກຖານພະແນກການເງິນແຂວງ, ເລຂາໜ່ວຍພັກຮາກຖານພະແນກສ່ວຍສາອາກອນແຂວງ, ມີແຂກຖືກເຊີນ ແລະ ສະມາຊິກພັກສົມບູນ ສໍາຮອງ ພາຍໃນໜ່ວຍພັກດັ່ງກ່າວເຂົ້າຮ່ວມ.
ສະຫາຍ ກາວິນ ແກ້ວຈັນທະວົງ ຫົວໜ້າຂະແໜງກໍ່ສ້າງພັກ ໃຫ້ກຽດຜ່ານມະຕິຕົກລົງ ຂອງຄະນະປະຈຳພັກແຂວງ, ສະບັບເລກທີ 453, 454, 455/ຄຈພຂ, ລົງວັນທີ 5 ເມສາ 2018 ວ່າດວ້ຍຮັບມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນ ປະຕິວັດລາວ ສະໄໝສຳຮອງ ຄື: ສະຫາຍ ແສງຕາວັນ ລໍວັນນະລາດ, ອາຍຸ 37 ປີ, ສະຫາຍ ພອນປະເສີດ ພອນວັນທາ, ອາຍຸ 40 ປີ, ສະຫາຍ ໜູຮັກ ດາວເຮືອງ, ອາຍຸ 36 ປີ, ທີ່ສັງກັດຢູ່ໜ່ວຍພັກດັ່ງກ່າວ ເຂົ້າເປັນສະມາຊິກພັກປະຊາຊົນ ປະຕິວັດລາວ ສະໄໝສຳຮອງ ເຊິ່ງທັງ 3 ສະຫາຍນີ້ ໄດ້ຜ່ານການຝຶກຝົນຫໍ່ຫຼອມຕົນເອງໃນຂະບວນການຕ່າງໆຢ່າງມີຜົນສໍາເລັດ, ໄດ້ຜ່ານການຮໍ່າຮຽນສະໜັບສະໜູນ ແລະ ກົດລະບຽບພັກເປັນຢ່າງດີ ຖືກຕ້ອງຕາມກົດລະບຽບພັກ ປະຊາຊົນ ປະຕິວັດລາວວາງອອກ.
ພ້ອມນີ້ ສະຫາຍ ລໍາທອງ ຍົນມະຫາໄຊ ກໍໃຫ້ກຽດຂຶ້ນຮັບເອົາມະຫາຊົນກ້າວໜ້າທັງ 3 ສະຫາຍ ເຂົ້າເປັນສະມາຊິກພັກສະໄໝສຳຮອງຢ່າງເປັນທາງການ.
Editor: ແຂວງເຊກອງ
