ວັນທີ່ 25 ເມສາ 2018 ຜ່ານມາ ຄະນະໜ່ວຍສະຫະພັນກຳມະບານ, ຊາວໜຸ່ມໜ່ວຍໂຮງຮຽນ ມສ ນາປາ ເມືອງຄຳ, ແຂວງຊ- ໄດ້ຈັດກອງປະຊຸມປັງປຸງຄະນະສະຫະພັນກຳມະບານ, ຊາວໜຸ່ມໜ່ວຍໂຮງຮຽນ ມສ ນາປາ ຂື້ນທີ່ສະໂມສອນໂຮງ ຮຽນ ນາປາ ເມືອງຄຳ ແຂວງຊຽງຂວາງ ຢ່າງເປັນທາງການ.
ໂດຍພາຍໃຕ້ການເຂົ້າຮ່ວມເປັນປະທານຂອງ ສະຫາຍ ວົງຄຳ ສີບຸນເຮືອງ ອຳນວຍການໂຮງຮຽນ ມສ ນາປາ ເປັນກຽດເຂົ້າຮ່ວມຂອງ ສະຫາຍ ບຸນພອນ ໄຊວົງຄຳ ກຳມະການພັກເມືອງ ປະທານກຳມະບານເມືອງ, ມີ ສະຫາຍ ຄຳເພັດ ໄຊຍະພັກ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມ ເມືອງ, ມີຄະນະໜ່ວຍກຳມະບານ, ຊາວໜຸ່ມ, ສະມາຊິກກຳມະບານ, ຊາວ ໜຸ່ມໜ່ວຍດັ່ງກ່າວ ພ້ອມດ້ວຍແຂກຖືກເຊີນເຂົ້າຮ່ວມທັງໝົດ 302 ສະຫາຍ, ຍິງ 135 ສະຫາຍ.
ສະຫາຍ ຄຳຟອງ ອີນທະວົງ ປະທານສະຫະພັນກຳມະບານໜ່ວຍໂຮງຮຽນ ມສ ນາປາ ກໍ່ໄດ້ຂື້ນລາຍງານເຖິງການຈັດຕັ້ງປະຕິບັດໃນໄລຍະ 3 ປີຜ່ານມາໄດ້ກ່າວວ່າ: ໂຄງການຈັດຕັ້ງປະຕິບັດຂອງໜ່ວຍສະຫະພັນກຳມະບານ, ຊາວໜຸ່ມ ປະກອບມີຄະນະສະຫະພັນກຳມະບານ, ຊາວ ໜຸ່ມ 9 ສະຫາຍ, ຍິງ 2 ສະຫາຍ, ມີສະມາຊິກກຳມະບານທັງໝົດ 741 ສະຫາຍ, ຍິງ 54 ສະ ຫາຍ ແລະ ມີສະມາຊິກພັກທັງໝົດ 41 ສະຫາຍ, ຍິງ 15 ສະຫາຍ ຜ່ານການຈັດຕັ້ງປະຕິບັດຜ່ານມາຄະນະສະຫະພັນກຳມະບານ, ຊາວໜຸ່ມໄດ້ຖືເອົາການເມືອງແນວຄິດສຶກສາອົບຮົມໃຫ້ແກ່ສະມາຊິກກຳມະບານ, ຊາວໜຸ່ມ, ໄວໜຸ່ມໃນການຝຶກຝົນຫຼໍ່ຫຼອມຕົນເອງໃນໜ້າທີ່ວຽກງານ, ຄຸນສົມບັດ, ສີນທຳປະຕິວັດໃຫ້ມີຄວາມອຸ່ນອຽງທຸ່ນທ່ຽງ ເຊື່ອໝັ່ນຕໍ່ການຊື້ນຳນຳພາຂອງພັກ ແລະ ລະບຽບກົດໝາຍຂອງລັດໃຫ້ຊອດຄ່ອງກັບສະພາບຕົວຈີງ ພ້ອມນັ້ນກໍ່ຍັງໄດ້ນຳເອົາເອກະສານຂໍ້ແຂ່ງຂັນ 2 ດີ 5 ເປັນເຈົ້າ, ເອກະສານມູນເຊື້ອສຳຄັນຕ່າງໆຂອງພັກຂອງອົງ ການຈັດຕັ້ງກຳມະບານ, ຊາວໜຸ່ມລົງເຜີຍແຜ່ໃຫ້ແກ່ສະມາຊິກໄດ້ຮູ້ເຖິງສິດ ແລະ ໜ້າທີ່ຂອງວຽກງານດັ່ງກ່າວໄດ້ຮັບຮູ້ ແລະ ທົ່ວເຖິງຢ່າງເລິກເຊິ່ງ ນອກຈາກນີ້ກໍ່ຍັງມີວຽກງານອື່ນໆ ເຊັ່ນ: ວຽກງານຂະບວນການ, ວຽກງານສຶກສາ, ວຽກງານສາທາລະນະສຸກ, ວຽກງານວັດທະນະທຳສັງຄົມ ແລະ ວຽກງານປ້ອງກັນຊາດປ້ອງກັນຄວາມສະຫງົບເຮັດໃຫ້ວຽກງານກຳມະບານ, ຊາວໜຸ່ມມີຄວາມສາມັກຄີຢ່າງແໜ້ນແຟ້ນມີຄວາມຕື່ນຕົວຫ້າວຫັນປະກອບສ່ວນຕາມແນວ ທາງນະໂຍບາຍຂອງພັກ-ລັດ ມີສະຕິຕໍ່ວຽກງານຂອງຕົນເອງຮັບຜິດຊອບໄດ້ເປັນຢ່າງດີ, ທັງນີ້ກໍ່ເພື່ອເປັນການແກ້ໄຂປະກົດການຫຍໍ້ທໍ້ພາຍໃນສັງຄົມໃຫ້ນັບມື້ນັບຖອຍລົງເທື່ອ ລະກ້າວ, ເຮັດໃຫ້ສົງຄົມມີຄວາມສະຫງົບປອດໄພ. ພ້ອມດຽວກັນນັ້ນກໍ່ຍັງຈະໄດ້ແກ້ໄຂຈຸດອ່ອນ ແລະ ຂໍ້ຄົງຄ້າງທີ່ຍັງຄ້າງຄາໃຫ້ສຳເລັດພ້ອມທັງຜ່ານທິດທາງແຜນການໃນຕໍ່ໜ້າຕື່ມອີກ. ຫຼັງຈາກນັ້ນຄະນະສະຫະພັນກຳມະບານ, ຊາວໜຸ່ມໜ່ວຍໂຮງຮຽນ ມສ ນາປາ ກໍ່ໄດ້ຂື້ນຜ່ານບົດສຳຫຼວດການຊີ້ນຳນຳພາໃນໄລຍະ 3 ປີຜ່ານມາພ້ອມທັງກ່າວລາໜ້າທີ່ຈາກນັ້ນຄະນະຈັດຕັ້ງຂັ້ນເມືອງ ກໍ່ໄດ້ຂື້ນຜ່ານມາດຖານ, ເງື່ອນໄຂຂອງຜູ້ເຂົ້າສະໝັກເລືອກຕັ້ງໜ່ວຍສະຫະພັນກຳມະບານ 6 ສະຫາຍເລືອກເອົາ 5 ສະຫາຍ ແລະ ຄະນະໜ່ວຍຊາວໜຸ່ມ 8 ສະຫານເລືອກເອົາ 5 ສະຫາຍ, ຜ່ານການປ່ອນບັດເລືອກຕັ້ງເອົາຄະນະຊຸດໃໝ່ໜ່ວຍສະຫະພັນກຳມະບານ, ຊາວໜຸ່ມ ໄດ້ຕົກລົງເຫັນດີເປັນເອກະພາບກັນເອົາ ສະຫາຍ ຄຳຟອງ ອີນທະວົງ ເປັນປະທານສະຫະພັນກຳມະບານ, ເອົາ ສະຫາຍ ໄຊສົງຄາມ ເປັນຮອງປະທານ, ເອົາ ສະຫາຍ ນາງ ຄຳໃບ ດວງມາລາ ເປັນຄະນະ, ເອົາສະຫາຍ ເຢ້ຢ່າ ເຊ່ຍຈົງໜໍ່ແຍ້ງ ເປັນປະທານກວດກາ, ເອົາ ສະຫາຍ ນາງ ສຸກຕະນະ ພີມມະກອນ ເປັນຮອງປະທານກວດກາ ແລະ ຄະ ນະໜ່ວຍຊາວໜຸ່ມຊຸດໃໝ່ຕົກລົງເຫັນດີເປັນເອກະພາບເອົາ ສະຫາຍນາງ ພອນເພັດ ພີມມະກອນ ເປັນເລຂາ, ເອົາສະຫາຍ ວັນທະລີ ສີສົມພອນ ເປັນຮອງເລຂາ, ເອົາສະຫາຍ ດາວ ບໍລິພັນ ເປັນຄະນະ, ເອົາສະຫາຍ ເພັດສະອາດ ລໍຄຳເຜີຍ ເປັນຄະນະ ແລະ ເອົາສະຫາຍ ສີພອນ ສີສະຫວາດ ເປັນຄະນະ ພ້ອມນີ້ກໍ່ໄດ້ມອບຂໍ້ຕົກລົງດັ່ງກ່າວໃຫ້ຄະນະສະ ຫະພັນກຳມະບານ, ຊາວໜຸ່ມຊຸດໃໝ່ ເພື່ອໄປຈັດຕັ້ງປະຕິບັດໜ້າທີ່ວຽກງານທີຂັ້ນເທິງໄດ້ມອບໝາຍໃຫ້ໃຫ້ນັ້ນໄດ້ຮັບຜົນສຳເລັດຂື້ນເປັນກ້າວໆ ໂດຍເປັນກຽດຂື້ນມອບຂອງ ສະຫາຍ ບຸນພອນ ໄຊວົງຄຳ ກຳມະການພັກເມືອງ ປະທານສະຫະພັນກຳມະບານເມືອງ.
ເນື່ອງໃນໂອກາດດັ່ງກ່າວ ສະຫາຍ ບຸນພອນ ໄຊວົງຄຳ ກຳມະການພັກເມືອງ ປະທານສະຫະພັນກຳມະບານເມືອງ ກໍ່ໄດ້ມີຄຳຄິດຄຳເຫັນໂອ້ລົມ ແລະ ໃຫ້ທິດຊື້ນຳກ່ອນອື່ນໝົດສະຫາຍໄດ້ກ່າວຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດວຽກງານໃນໄລຍະ 3 ປີຜ່ານມາ ພ້ອມທັງໃຫ້ທິດຊີ້ນຳແກ່ຄະນະຊຸດໃໝ່ຈົງພ້ອມກັນນຳເອົາເນື້ອໃນຈິດໃຈໃນຄັ້ງນີ້ຈັດຕັ້ງໜ້າທີ່ວຽກງານ ແລະ ປະຕິບັດແບບແຜນວິທີເຮັດວຽກໃຫ້ມັນລະອຽດຂື້ນເທື່ອລະກ້າວ ໂດຍສະເພາະແມ່ນການສ້າງຂະບວນການຕ່າງໆໃຫ້ກ້ວາງຂ້ວາງເພື່ອນຳມາພັດທະນາໜ່ວຍຂອງຕົນເອງໃຫ້ໄດ້ຮັບໃບຍ້ອງຍໍນາມ ມະຍົດຕ່າງໆຂອງຂັ້ນເທິງ.
Editor: ກຳປານາດ ລັດຖະເຮົ້າ
