ກະຊວງກະສິກໍາ ແລະ ປ່າໄມ້ ເຜີຍແຜ່ເຊື່ອມຊືມ ແລະ ຊີ້ນໍາການຈັດຕັງປະຕິບັດ ຄໍາສັ່ງນາຍົກລັດຖະມົນຕີ ວ່າດ້ວຍການປັບປຸງຄຸນນະພາບການເຄື່ອນໄຫວ ຂອງກົງຈັກການຈັດຕັ້ງ ແລະ ການບັນຈຸລັດຖະກອນໃຫມ່ ສະບັບເລກທີ 03/ນຍ, ພ້ອມທັງສະຫລຸບວຽກງານ ປະຈໍາປີ 2016-2017 ແລະ ແຜນທິດທາງ 2018. ການຊີ້ນໍາວຽກງານ 3 ສ້າງ ເຊີ່ງພິທີດັ່ງກ່າວ ໄດ້ຈັດຂື້ນໃນວັນທີ 3 ພຶດສະພາ 2018 ທີ່ສະໂມສອນ ກະຊວງກະສິກໍາ ແລະ ປ່າໄມ້, ໂດຍການເປັນປະທານ ຂອງທ່ານ ປອ ພວງປະຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້, ເຂົ້າຮ່ວມ ມີຄະນະນໍາກະຊວງ, ຫົວຫນ້າຫ້ອງການ, ຫົວຫນ້າກົມ-ຮອງກົມ, ພະແນກການ, ພະນັກງານຫລັກແຫລ່ງ, ອົງການຈັດຕັ້ງທຸກຂັ້ນພາຍໃນກະຊວງ ເຂົ້າຮ່ວມ 100 ກວ່າທ່ານ.
ຈຸດປະສົງ ການການເຊື່ອມຊຶມເຜີຍແຜ່ ຄັ້ງນີ້ ເພື່ອໃຫ້ພະນັກງານຫລັກແຫລ່ງພາຍໃນກະຊວງກະສິກໍາ ແລະ ປ່າໄມ້ ໄດ້ຮັບຮູ້ ແລະ ເຂົ້າໃຈ ຢ່າງເລີກເຊີ່ງຕໍ່ເອກະສານຄໍາສັ່ງ ນາຍົກລັດຖະມົນຕີ ສະບັບເລກທີ 03/ນຍ ລົງວັນທີ 9 ກຸມພາ 2018 ວ່າດ້ວຍການປັບປຸງຄຸນນະພາບການເຄື່ອນໄຫວກົງຈັກດການຈັດຕັ້ງ ແລະ ການບັນຈຸລັດຖະກອນຄືນໃຫມ່ ພ້ອມກັນນີ້ ຜູ້ເຂົ້າຮ່ວມ ຍັງໄດ້ພ້ອມກັນຮັບຟັງບົດສະຫລຸດການເຄື່ອນໄຫວວຽກງານ ໃນປີ 2016-2017 ແລະ ແຜນທິດທາງວຽກງານ ໃນປີ 2018 ອີກດ້ວຍ.
Editor: ກຳປານາດ ລັດຖະເຮົ້າ
