ກອງປະຊຸມ ເປີດກວ້າງຄະນະບໍລິຫານງານພັກເມືອງເຊໂປນ ຄັ້ງທີ10 ສະໄໝທີ 8 ໄດ້ຈັດຂື້ນທີ່ສະໂມສອນເມືອງເຊໂປນ. ແຂວງສະຫວັນນະເຂດ, ເມື່ອບໍ່ດົນມານີ້, ໂດຍການເປັນປະທານຂອງ ສະຫາຍ ທອງທ່ຽງ ສີດາວົງ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ, ມີ ສະຫາຍວົງໄຊ ໄຊຍະຈັກ ວ່າການເລຂາພັກເມືອງ, ເຈົ້າເມືອງເຊໂປນ, ເຂົ້າຮ່ວມມີບັນດາສະຫາຍໃນຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ຄະນະໜ່ວຍພັກ, ຈຸດສຸມ, ກຸ່ມບ້ານ, ຜູ້ຊີ້ນໍາບ້ານໃຫ່ຍ, ຫົວໜ້າ, ຄະນະຫ້ອງການແລະແຂກຖືກເຊີນເຂົ້າຮ່ວມຢ່າງພ້ອມພຽງ.
ສະຫາຍ ບຸນລຽບ ນຸ່ນວັນສີ ກໍາມະການພັກເມືອງ, ຫົວໜ້າຫ້ອງວ່າການປົກຄອງເມືອງເຊໂປນ ໄດ້ສະຫລຸບຕິລາຄາຄືນການຊີ້ນໍາໆພາວຽກງານຮອບດ້ານ ຂອງຄະນະບໍລິຫານງານພັກເມືອງປະຈໍາ 3 ເດືອນຕົ້ນ (1-2-3) ປີ 2018 ແລະ ວາງທິດທາງແຜນການ 3 ເດືອນຕໍ່ໜ້າ (4-5-6), ຜ່ານບົດສະຫລຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 3ເດືອນ ຕົ້ນປີ 2018 ແລະ ວາງທິດທາງແຜນການ 3 ເດືອນ ຕໍ່ໜ້າເຫັນໄດ້ດ້ານດີ, ດ້ານຕັ້ງໜ້າ ແລະ ຈຸດອອ່ນຂໍ້ຄົງຄ້າງທີ່ຈະພ້ອມກັນສຶບຕໍ່ປັບປຸງແກ້ໄຂໃຫ້ມີປະສິດທິພາບຂື້ນ, ທົ່ວເມືອງເຊໂປນ ມີ 88 ບ້ານ, 6 ຈຸດສຸມໃນນັ້ນ 3 ຈຸດສຸມຂອງແຂວງ ແລະ 3 ຈຸດສຸມຂອງເມືອງ, ມີ 4 ກຸ່ມບ້ານ,14 ບ້ານໃຫ່ຍ, ຍັງມີບ້ານທຸກຍາກ 38 ບ້ານເທົ່າ 43,18 ສ່ວນຮ້ອຍ, ມີບ້ານພົ້ນທຸກ 50 ບ້ານເທົ່າ 56,81 ສ່ວນຮ້ອຍ, ມີ 9.892 ຄອບຄົວ, ພົນລະເມືອງ 55.666 ຄົນ, ຍີງ 28.098 ຄົນ , ມີ 4 ເຜົ່າ ຄື: ເຜົ່າລາວ, ເຜົ່າຜູ່ໄທ, ເຜົ່າຕຼິ ແລະ ເຜົ່າມັງກອງ ໃນນັ້ນ, ເຜົ່າຕຼິ ແລະ ເຜົ່າມັງກອງ ກວມ 68 ສ່ວນຮ້ອຍ,ອາຊີບຕົ້ນຕໍ່ປູກຝັງລ້ຽງສັດ, ສາມາດປະກາດຮັບຮອງເອົາບ້ານພັດທະນາແລ້ວ 12 ບ້ານ ແລະ ກຽມປະກາດສ້າງອີກ 12 ບ້ານ, ບ້ານວັດທະນະທໍາ 10 ບ້ານກຽມປະກາດຕື່ມ10 ບ້ານ, ກອງປະຊຸມຍັງໄດ້ມີການປະກອບຄໍາຄິດຄໍາເຫັນເຈາະຈີ້ມບັນຫາຫລາຍດ້ານເພື່ອພ້ອມກັນເປັນເຈົ້າການແກ້ໄຂໃນຕໍ່ໜ້າໃຫ້ໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້, ຈາກນັ້ນ, ໃນກອງປະຊຸມ ສະຫາຍ ວົງໄຊ ໄຊຍະຈັກ ວ່າການເລຂາພັກເມືອງ, ເຈົ້າເມືອງເຊໂປນ ກໍ່ໄດ້ຂື້ນຜ່ານມະຕິ 030/ກມສພ ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ, ມະຕິ 031/ກມສພ ວ່າດ້ວຍວຽກງານຄຸ້ມຄອງພະນັກງານ ,ມະຕິ 032/ກມສພ ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ, ຄໍາສັ່ງ 01/ກມສພ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ,ຜ່ານແຈ້ງການຂອງປະທານຄະນະຊີ້ນໍາລະດັບຊາດການແຂ່ງຂັນຍ້ອງຍໍຮັກຊາດ ແລະ ພັດທະນາເລກທີ01/ຄສຂຍ, ຄໍາແນະນໍາຂອງກະຊວງພາຍໃນວ່າດ້ວຍການສ້າງຂະບວນການ ແລະ ຄັດເລືອກຕົວເດັ່ນຂັ້ນຮັບໃຊ້ປີທ່ອງທ່ຽວລາວ 2018 ເລກທີ 03/ພນ, ຫລັງຈາກນັ້ນໃນກອງປະຊຸມກໍ່ໄດ້ມອບໃບຢັ້ງຢືນບ້ານສິດສະເໝີພາບບົດບາດຍີງຊາຍ, ໃບຢັ້ງຢືນບ້ານແມ່ຍີງ 3ດີ ຈໍານວນ 16 ບ້ານໂດຍແມ່ນ ທ່ານ ວົງໄຊ ໄຊຍະຈັກ ເປັນຜູ້ມອບ, ຕາງໜ້າບ້ານຂື້ນຮັບ
ສຸດທ້າຍ ສະຫາຍ ທອງທ່ຽງ ສີດາວົງ ຄະນະປະຈໍາພັກແຂວງ ,ຫົວໜ້າຄະນະຈັດຕັ້ງແຂວງໄດ້ໃຫ້ກຽດຂື້ນໂອ້ລົມແລະໃຫ້ທິດເຍື່ອງທາງແກ່ກອງປະຊຸມດັ່ງກ່າວ ຊື່ງສະຫາຍໄດ້ຮຽກຮ້ອງມາຍັງຄະນະການນໍາທຸກສະຫາຍໃຫ້ເອົາໃຈໃສ່ ຫັນພະນັກງານລົງຮາກຖານກໍ່ສ້າງຮາກຖານ ພັດທະນາຊົນນະບົດ ທີ່ຍັງບໍ່ທັນແຂງແຮງໄດ້ຮັບການແກ້ໄຂຢ່າງຮີບດ່ວນ, ລະບົບການເມືອງຕ້ອງເຂົ້າໃຈຢ່າງເລີກເຊີ່ງ,ຕ້ານແລະສະກັດກັ້ນໄຟ6ໄຟຂົ່ມຂຸ່ຕໍ່ການນໍາພາໂດຍສະເພາະໄຟແຮງທຸກຍາກ,ຄວາມແຕກໂຕນໃນສັງຄົມ,ໄຟຫັນປ່ຽນຕົນເອງ,ໄຟໜີ້ສິນ,ໄຟຫຍໍ້ທໍ້ສັງຄົມ ບັນຫາອາຊະຍາກໍາ, ຂີ້ລັກງັດແງະປຸ້ນຈີ້, ຢາເສບຕິດ, ສາສະໜາແລະອື່ນໆ, ໄຟສໍ້ລາດບັງຫຼວງ,ໄຟແຫ່ງການຫັນປ່ຽນໂດຍສັນຕິ ຂອງອິດທິປໍລະປັກ ຕ້ອງໄດ້ຮັບການແກ້ໄຂຢ່າງຈິງຈັງ, ເອົາໃຈໃສ່ຊີ້ນໍາໆພາປະຊາຊົນໃຫ້ທໍາການຜະລິດໃຫ້ກາຍເປັນສິນຄ້າຫລຸດພົ້ນອອກຈາກຄວາມທຸກຍາກ ແຕ່ນີ້ຫາປີ 2020 ໂດຍພື້ນຖານ
ແຫລ່ງຂ່າວ ຈາກເມືອງເຊໂປນ
Editor: ກຳປານາດ ລັດຖະເຮົ້າ
