ຄະນະຈັດຕັ້ງເມືອງຄຳ ໄດ້ຈັດກອງປະຊຸມເຮັດທົດລອງ ແຜນກຳນົດພະນັກງານນຳາພາ, ຄຸ້ມຄອງບ້ານຈອມທອງ ຂື້ນທີ່ສະໂມສອນປົກຄອງ ເມືອງຄຳ, ແຂວງຊຽງຂວາງ ຢ່າງເປັນທາງການ.
ພາຍໃຕ້ການເຂົ້າຮ່ວມເປັນປະທານຂອງ ທ່ານນາງ ແສງຈັນ ວົງສຸລິດ ຄະນະປະຈຳພັກເມືອງ ປະທານກວດກາພັກລັດເມືອງ, ມີອາດີດການນຳເມືອງ, ພະນັກງານບໍານານ, ມີພະນັກງານລັດຖະກອນຫ້ອງການທີ່ກ່ຽວຂ້ອງ, ມີຄະນະພັກຮາກຖານ, ມີສະມາຊິກພັກພ້ອມດ້ວຍອົງການມະຫາຊົນເຂົ້າຮ່ວມ.
ທ່ານ ຄໍາເຜີນ ໄຊຍະວົງ ຫົວໜ້າຄະນະຈັດຕັ້ງເມືອງຄໍາ ໄດ້ຜ່ານເອກະສານຄໍາແນະນໍາ ເລກທີ່ 884/ຄຈສພ ລົງວັນທີ 21 ພະຈິກ 2017, ກ່ຽວກັບການຂື້ນແຜນກໍານົດພະນັກງານນໍາພາ-ຄຸ້ມຄອງຂັ້ນບ້ານກ່າວວ່າແຜນກຳນົດພະນັກງານກໍ່ແມ່ນວຽກງານໜຶ່ງທີ່ສຳຄັນ ໂດຍພື້ນຖານໃນການຮັບປະກັນວຽກງານເຂົ້າສູ້ລະບຽບແບບແຜນບຳລຸງ, ແຜນຄາດຄະເນຊັບຊ້ອນການຈັດວາງພະນັກງານຢ່າງສົມເຫດສົມຜົນ ຂອງການປົກຄອງທ້ອງຖີ່ນຂັ້ນຮາກຖານເພື່ອຈັດຕັ້ງປະຕິບັດບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດໃນການພັດທະນາເສດຖະກິດ-ສັງຄົມຢູ່ຂັ້ນຮາກຖານໃຫ້ປະກົດຜົນເປັນຈີງ. ນອກຈາກນີ້ກໍ່ຍັງໃຫ້ຮູ້ເຖີງຫຼັກການຂື້ນແຜນພະນັກງານ, ລັກສະນະວິທະຍາສາດ, ຫຼັກສະນະເຄື່ອນໜັງ, ເນື້ອໃນການຂື້ນແຜນພະນັກງານ ແລະ ວິທີການຈັດຕັ້ງປະຕິພ້ອມນັ້ນກໍ່ຍັງໄດ້ຜ່ານເງື່ອນໄຂຂອງຜູ້ເຂົ້າສະໝັກຕື່ມອີກ.
ຫຼັງຈາກນັ້ນ, ກໍ່ໄດ້ປ່ອນບັດເລືອກຕັ້ງທາບທາມເອົາພະນັກງານນໍາພາ, ຄຸ້ມຄອງຂັ້ນບ້ານ. ບ້ານຈອມທອງ ຮອບທີ 1 ໂດຍມີຜູ້ເຂົ້າສະໝັກ 49 ທ່ານ, ເລືອກເອົາ 26 ທ່ານ ແລະ ທາບທາມຮອບທີ 2 ມີຜູ້ເຂົ້າສະໝັກ 35 ທ່ານ, ເລືອກເອົາ 25 ທ່ານ. ທັງນີ້ກໍ່ເພື່ອເປັນການຄາດຄະເນເປົ້າໝາຍພະນັກງານເຂົ້າໃນຕຳແໜ່ງນຳພາ-ຄຸ້ມຄອງໃນແຕ່ລະຂັ້ນ,ແຕ່ລະຂະແໜງໃຫ້ຮັບປະກັນລັກສະນະສືບທອດປ່ຽນແທນຕໍ່ເນື່ອງ ໃນການກະກຽມບຸກຄະລາກອນມີລັກສະນະເປີດກ້ວາງໃຫ້ແຫ່ງເລືອກເຟັ້ນພະນັກງານນຳພາ-ຄຸ້ມຄອງໃນການຕອບສະໜອງທາງດ້ານຈຳນວນ, ຄຸນນະພາບ, ໂຄງປະກອບດ້ານບຸກຄະລາກອນໃຫ້ຄົບຊຸດຕາມຄວາມຮຽກຮ້ອງຕ້ອງການຂອງບັນດາຕຳແໜ່ງນຳພາ-ຄຸ້ມຄອງໃນແຕ່ລະຂັ້ນ.
ເນື່ອງໃນໂອກາດດັ່ງກ່າວ ທ່ານນາງ ແສງຈັນ ວົງສຸລິດ ຄະນະປະຈຳພັກເມືອງປະທານກວດກາພັກ-ລັດ ກໍ່ໄດ້ຂື້ນໂອ້ລົມມີຄໍາຄິດຄໍາເຫັນກ່ອນອື່ນໝົດ, ທ່ານຍັງໄດ້ຍົກໃຫ້ເຫັນເຖິງຄວາມ ໝາຍຄວາມສຳຄັນຂອງການເຮັດທົດລອງແຜນພະນັກງານນຳພາ-ຄຸ້ມຄອງ ພ້ອມທັງໃຫ້ທິດຊີ້ນຳແກ່ຄະນະພັກອຳນາດການປົກຄອງບ້ານຈົ່ງພ້ອມກັນນຳເອົາເນື້ອໃນຈິດໃຈໃນຄັ້ງນີ້ ນຳໄປຈັດຕັ້ງປະຕິບັດຜັນຈະຫຍາຍໃຫ້ໄດ້ຮັບຜົນຕາມຄາດໝາຍທີ່ວາງໄວ້ໃຫ້ປະກົດຜົນເປັນຈີງ ຂື້ນເທື່ອລະກ້າວ
Editor: ກຳປານາດ ລັດຖະເຮົ້າ
