ຊຸດຝຶກອົົບຮົມທິດສະດີການເມືອງ-ການປົກຄອງລະບົບບຳລຸງ 45 ວັນ ຮຸ່ນທີ 32 ປະຈຳ ປີ 2018 ແມ່ນໄດ້ຈັດຂື້ນ ໃນລະຫວ່າງ ວັນທີ 7 ພຶດສະພາ ເຖິງ ວັນທີ ມີຖຸນາ 2018 ແລະ ເປີດຢ່າງເປັນທາງການໃນວັນທີ 7 ພຶດສະພາ 2018 ຢູ່ທີ່ໂຮງຮຽນການເມືອງ-ການປົກຄອງ ແຂວງບໍລິຄຳໄຊ ໃຫ້ກຽດເຂົ້າຮ່ວມກ່າວເປີດພິທີຂອງ ທ່ານ ບຸນມາ ບຸຈະເລີນ ຮອງເລຂາພັກແຂວງ ຮອງເຈົ້າແຂວງ ແຂວງບໍລິຄຳໄຊ, ມີຄະນະອໍານວຍການ,ຄູອາຈານພາຍໃນໂຮງຮຽນ ພ້ອມດ້ວຍນັກຊຸດອົບຮົມທິດສະດີການເມືອງ-ການປົກຄອງ ຮູ່ນທີ 32 ຈາກກໍາລັງປ້ອງກັນຄາມສະຫງົບແຂວງບໍລິຄຳໄຊ ຈຳນວນ 48 ທ່ານເຂົ້າຮ່ວມ.
ສຳລັບການຈັດຕັ້ງປະຕິບັດການຮຽນ-ການສອນ ແມ່ນຈະໄດ້ປະຕິບັດຕາມໂຄງການຫຼັກສູດ 45 ວັນ ສະບັບປັບປຸງທີ່ສະຖາບັນການເມືອງ-ການປົກຄອງແຫ່ງຊາດ ກໍານົດ, ເຊີ່ງປະກອບມີ 5 ກຸ່ມວິຊາຫຼັກ ລວມມີ 39 ບົດ, ບັນຍາຍ 165 ຊົ່ວໂມງ, ຄົ້ນຄວ້າ, ສໍາມະນາຫ້ອງ ແລະ ແກ້ຂໍ້ຂ້ອງໃຈ 35 ຊົ່ວໂມງ, ລົງພຶດຕິກໍາຕົວຈິງ ແລະ ຂຽນບົດເກັບກຽ່ວແຕ່ລະກຸ່ມວິຊາ 20 ຊົ່ວໂມງ, ເຊິ່ງປະກອບດ້ວຍພາກວິຊາປັດຊະຍາ, ປັດສະຍາ 8 ບົດ, ພາກວິຊາເສດຖະສາດການເມືອງມີ 10 ບົດ, ພາກວິຊາລັດທິສັງຄົມນິຍົມ ມີ 8 ບົດ, ພາກວິຊາບໍລິຫານສາດ ມີ 8 ບົດ, ແລະ ພາກວິຊາກໍ່ສ້າງພັກ ມີ 6 ບົດ.
ທ່ານ ບຸນມາ ບຸຈະເລີນ ຮອງເລຂາພັກແຂວງ ຮອງເຈົ້າແຂວງ ແຂວງບໍລິຄຳໄຊ ເນື່ອງໃນເປັນປະທານເປີດ ທ່ານຍັງໄດ້ຮຽກຮ້ອງໃຫ້ນັກຝຶກອົບຮົມ ຈົ່ງໄດ້ສູມທຸກສະຕິປັນຍາ ຍາດແຍ່ງເອົາຄວາມຮູ້ຄວາມສາມາດ ຫຼັກມູນທິດສະດີ ນໍາຄູ-ອາຈານ ເພາະວ່າເວລາສັ້ນ ທັ້ງນີ້ກໍ່ເພື່ອເຮັດໃຫ້ບັນລຸບັນດາແຜນການ, ຄາດໝາຍສູ້ຊົນ ໃນກົມກອງຂອງຕົນມີຜົນສໍາເລັດຢ່າງຈົບງາມ
ແຫລ່ງຂ່າວ ແຂວງບໍລິຄໍາໄຊ
Editor: ກຳປານາດ ລັດຖະເຮົ້າ
