ເພື່ອຈັດຕັ້ງປະຕິບັດກອງປະຊຸມໃຫຍ່ຂອງສະຫະພັນກຳມະບານເມືອງທຸລະຄົມ ແຂວງວຽງຈັນຄັ້ງທີ VII ໃຫ້ປະສົບຜົນສຳເລັດຢ່າງຈົບງາມ ໃນຕອນເຊົ້າວັນທີ 18 ພຶດສະພາ 2018 ຢູ່ທີ່ສະໂມສອນເມືອງທຸລະຄົມ ແຂວງວຽງຈັນ ຈັດກອງປະຊຸມການເຄື່ອນໄຫວຂອງຮາກຖານໃນການສ້າງຂະບວນການແຂ່ງຂັນ 5 ເປັນເຈົ້າຂອງຮາກຖານກຳມະບານກຸ່ມການເມືອງ. ໃຫ້ກຽດເຂົ້າຮ່ວມໂດຍແມ່ນທ່ານ ນາງ ວົງເດືອນ ວັດຕະໂສ ຮອງເລຂາພັກເມືອງ ຮອງເຈົ້າເມືອງທຸລະຄົມ, ມີຫົວໜ້າຮອງຫົວໜ້າ, ພ້ອມທັງສະມາຊິກກຳມະບານກຸ່ມການເມືອງ ແລະ ແຂກຖືກເຊີນເຂົ້າຮ່ວມຢ່າງຫລວງຫລາຍ.
ທ່ານ ນາງ ຈັນດາວອນ ທຳມະໂຄດ ປະທານກຳມະບານຮາກຖານກຸ່ມການເມືອງທຸລະຄົມ ໃຫ້ກຽດຂື້ນຜ່ານບົດລາຍງານການເຄື່ອນໄຫວວຽກງານຮາກຖານ ໃນການສ້າງຄະບວນການແຂ່ງຂັນ 5 ເປັນເຈົ້າ. ຮາກຖານກຳມະບານກຸ່ມການເມືອງ ແມ່ນອົງການຈັດຕັ້ງໜື່ງທີ່ໄດ້ຮັບການຊີ້ນຳຂອງຄະນະປະຈຳພັກເມືອງ, ຈາກສະຫະພັນກຳມະບານ ໜ່ວຍຮາກຖານກຳມະບານກຸ່ມການເມືອງລວມມີ 14 ຫ້ອງການ ແລະ 1 ໜ່ວຍງານ ຄື: ຫ້ອງການສະຫະພັນແມ່ຍີງ, ຫ້ອງການກຳມະການ, ຫ້ອງການແນວລາວສ້າງຊາດ, ຫ້ອງການໂຄສະນາ, ຫ້ອງການຊາວໜຸ່ມ, ຫ້ອງວ່າການປົກຄອງເມືອງ, ຫ້ອງການຈັດຕັ້ງ, ຫ້ອງການກວດກາ, ຫ້ອງການຖະແຫລງຂ່າວ,ວັດທະນະທຳ ແລະ ທ່ອງທ່ຽວ, ຫ້ອງການພາຍໃນ, ຫ້ອງການແຜນການ-ການລົງທືນ. ສະມາຊິກຮາກຖານກຸ່ມການເມືອງ ແມ່ນໄດ້ເຂົ້າເປັນສະມາຊິກຊາວໜຸ່ມກຸ່ມການເມືອງ 58 ຄົນ, ຍີງ 48 ຄົນ, ສະມະຊິກສະຫະພັນແມ່ຍີງ 59 ຄົນ, ສະມາຊິກພັກ 92 ສະຫາຍ, ຍີງ 46 ສະຫາຍ, ກຳມະບານກຸ່ມການເມືອງ ມີຄະນະ 6 ສະຫາຍ, ຍີງ 2 ສະຫາຍ ລວມສະມາຊິກທັງໝົດ 129 ສະຫາຍ, ຍີງ 56 ສະຫາຍ.
ຕອນທ້າຍພິທີກໍ່ໄດ້ຮັບຟັງການໂອ້ລວມຂອງທ່ານ ນາງ ວົງເດືອນ ວັດຕະໂສ ຮອງເລຂາພັກເມືອງຮອງເຈົ້າເມືອງທຸລະຄົມ ກ່ອນອື່ນທ່ານໄດ້ຍ້ອງຍໍຜົນງານການເຄື່ອນໄຫວຂອງຮາກຖານກຳມະບານ ທີ່ພ້ອມໃຈກັນສ້າງຂະບວນການແຂ່ງຂັນ 5 ເປັນເຈົ້າທີ່ຮາກຖານກຳມະບານທີ່ຍາດມາໄດ້ ແລະ ປຸກລະດົມສືບຕໍ່ຂະຫຍາຍຜົນງານການເຄືີອນໄຫວຊີ້ນຳ-ນຳພາຂໍ້ແຂ່ງຂັນ 5 ເປັນເຈົ້າ ແລະ ແກ້ໄຂຂໍ້ຄົງຄ້າງ ສືບຕໍ່ສຶກສາອົບຮົມການເມືອງແນວຄິດເຕົ້າໂຮມຄວາມສາມັກຄີ ພ້ອມໃຈກັນຕັ້ງໜ້າປະກອບສ່ວນເຂົ້າໃນການພັດທະນາອົງການຈັດຕັ້ງກຳມະບານ ໃຫ້ມີຄວາມໜັກແໜ້ນເຂັ້ມແຂງ ພ້ອມດຽວກັນນັ້ນທ່ານ ກໍ່ໄດ້ໃຫ້ກຽດມອບໃບຢັ້ງຢືນໃຫ້ 14 ຫ້ອງການທີ່ມີຜົນງານໃນການພັດທະນາເສດຖະກິດ-ສັງຄົມຂອງເມືອງທຸລະຄົມ ເວົ້າລວມເວົ້າສະເພາະ ວຽກງານຮາກຖານກຳມະບານກຸ່ມການເມືອງໃຫ້ປະຕິບັດວຽກງານ ແລະ ສຶບຕໍ່ຜົນງານໃຫ້ດີຂື້ນຕື່ມອີກ.
Editor: ນັກຂ່າວເມືອງທຸລະຄົມ
