ທ້າຍອາທິດຜ່ານມາ ຄະນະຫ້ອງການບໍລິຫານງານພັກເມືອງໆກິເຊີນ ແຂວງເຫງະອານ ສາທາລະນະລັດ ສັງຄົມນິຍົມຫວຽດນາມ ໄດ້ຈັດກອງປະຊຸມແລກປ່ຽນສະພາບ 5 ເດືອນຕົ້ນປີ 2018 ລະຫວ່າງ ເມືອງກິເຊີນ, ແຂວງເຫງະອານ ກັບ ເມືອງຄໍາ, ເມືອງໜອງແຮດ, ເມືອງໝອກ ແຂວງຊຽງຂວາງ ແລະ ເມືອງກັວນ, ແຂວງຫົວພັນ ຂື້ນທີ່ກອງປະຊຸມຫ້ອງວ່າ ການປົກຄອງເມືອງ ກິເຊີນ ແຂວງ ເຫງະອານ ສສ ຫວຽດນາມ ຢ່າງເປັນທາງການ. ໂດຍພາຍໃຕ້ເຂົ້າຮ່ວມເປັນປະທານຂອງ ທ່ານ ວີແຫ່ ກຳມະການພັກແຂວງ ເລຂາພັກເມືອງ ສະພາປະຊາຊົນເມືອງກິເຊີນ, ມີ ທ່ານນາງ ບຸນມີ ສົມພັນສຸກ ຮອງເຈົ້າເມືອງໆເມືອງຄຳ, ມີເລຂາພັກເມືອງເຈົ້າເມືອງ, ຮອງເຈົ້າເມືອງໆໜອງແຮດ, ເມືອງໝອກ ແຂວງຊຽງຂວາງ ແລະ ເມືອງກັວນ, ແຂວງຫົວພັນ ພ້ອມດ້ວຍຫົວໜ້າ, ຮອງຫົວໜ້າຫ້ອງການ, ພະນັກງານລັດຖະກອນທັງ 5 ເມືອງ ເຂົ້າຮ່ວມ.

ທ່ານ ຫງຽນ ແຖງຮ່ວງ ເຈົ້າເມືອງໆກິເຊີນ ກໍ່ໄດ້ຂື້ນຜ່ານບົດລາຍງານໄດ້ກ່າວວ່າ: ເມືອງ ກິເຊີນ ປະກອບມີ 20 ຕາແສງ, ມີ 1 ເທດສະບານ, ມີເນື້ອທີດີນທັງໝົດ 309.484 ເຮັກຕາ, ມີ 15.612 ຄອບຄົວ ແລະ ມີພົນລະເມືອງທັງໝົດ 78.235 ຄົນ, ຜ່ານການຈັດຕັ້ງປະຕິບັດໃນ 5 ເດືອນຕົ້ນປີ 2018 ຜ່ານມາເມືອງກິເຊີນ ໄດ້ມີ ການພັດທະນາເສດຖະກິດ ແລະ ສັງຄົມຢ່າງຕໍ່ເນື່ອງເປັນຕົ້ນແມ່ນການປູກຝັງ, ລ້ຽງສັດ, ເສີມຂະຫຍາຍມາດຕະການປ້ອງກັນແມ້ງໄມ້, ຂະຫຍາຍພັດທະນາຊົນນະບົດ ເພື່ອສ້າງຄວາມເຂັ່ມແຂງໃຫ້ແກ່ກຸ່ມລົງທືນໃນການພັດທະນາ ພື້ນຖານໂຄງລ່າງຂອງ 2 ຕາແສງ ທີ່ຕິດກັບຊາຍແດນໃຫ້ເປັນຕາແສງຊົນນະບົດໃໝ່ ແລະ ວຽກງານອື່ນໆ ເຊັ່ນ: ວຽກງານວັດທະນະທຳສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານຊາຍແດນ ແລະ ວຽກງານປະສານສົມທົບ ລະຫວ່າງ 5 ເມືອງ, ພາຍໃນຍັງສາມາດສ້າງລາຍຮັບເຂົ້າເມືອງໄດ້ເຖີງ

1 ພັນ 486 ຕື້ 465 ລ້ານດົງ, ທຽບໃສ່ຄີງຄົນໄດ້ 19 ລ້ານດົງຕໍ່ຄົນຕໍ່ປີ. ພ້ອມນັ້ນກໍ່ຍັງຈະໄດ້ແກ້ໄຂຈຸດອ່ອນ ແລະ ຂໍ້ຄົງຄ້າງໃຫ້ ໄດ້ສຳເລັດ, ຈາກນັ້ນ ທ່ານນາງ ບຸນມີ ສົມພັນສຸກ ຮອງເຈົ້າເມືອງໆຄຳ ກໍ່ໄດ້ຂື້ນຜ່ານບົດລາຍງານໃຫ້ຮູ້ວ່າ: ເມືອງຄຳ ປະກອບມີ 6 ກຸ່ມບ້ານ, ມີ 90 ບ້ານ, ມີ 8.561 ຫຼັງຄາເຮືອນ ແລະ ມີພົນລະເມືອງທັງໝົດ 51 ພັນ 176 ຄົນ, ມີ 5 ເຜົ່າຊົນຢູ່ຮ່ວມກັນ, ເມືອງຄໍາກໍ່ເປັນເມືອງໜຶ່ງທີ່ຖືເອົາການປູກຝັງລ້ຽງສັດ ເປັນທ່ານແຮງໃນການພັດທະນາເສດຖະກິດ-ສັງຄົມເຊັ່ນ: ການປູກພືດລົ້ມລຸກ, ການລ້ຽງສັດໃຫຍ່ ແລະ ມີແຫຼ່ງທ່ອງທ່ຽວທາງປະຫວັດສາດ, ທຳມະຊາດ ສາມາດດືງດູດນັກທ່ອງທ່ຽວພາຍໃນ ແລະ ຕ່າງປະເທດໄດ້ 16.426 ເທື່ອຄົນ, ສາມາດສ້າງລາຍ ຮັບເຂົ້າເມືອງໄດ້ເຖິງ 855 ລ້ານກີບ, ພ້ອມນັ້ນກໍ່ຍັງມີວຽກງານອື່ນໆ. ພ້ອມດຽວກັນນັ້ນບັນດາເມືອງໜອງແຮດ, ເມືອງໝອກ ແຂວງຊຽງຂວາງ ແລະ ເມືອງກັວນ ແຂວງຫົວພັນ, ກໍ່ໄດ້ພັດປ່ຽນກັນຂື້ນຜ່ານບົດລາຍງານເພື່ອແລກ ປ່ຽນບົດຮຽນເຊີ່ງກັນ ແລະ ກັນ. ທັ້ງນີ້ກໍ່ເພື່ອເປັນການເຕົ້າ ໂຮມຄວາມສາມັກຄີແລກປ່ຽນບົດຮຽນເຊີ່ງກັນ ແລະ ກັນ ໃນການພັດທະນາເສດຖະກິດສັງຄົມ, ວຽກງານຊາຍ ແດນຂອງແຕ່ລະເມືອງ ໃຫ້ໄດ້ຮັບການພັດທະນາ ແລະ ມີບາດກ້າວ ຂະຫຍາຍຂື້ນເລື່ອຍໆ.

ເນື້ອໃນໂອກາດດັ່ງກ່າວ ທ່ານ ວີແຫ່ ກຳມະການພັກແຂວງ ເລຂາພັກເມືອງ ສະພາປະຊາຊົນເມືອງກິເຊີນ ກໍ່ໄດ້ຂື້ນໂອ້ລົມໃຫ້ຄຳຄິດຄຳເຫັນກ່ອນອື່ນໝົດທ່ານຍັງກ່າວຍ້ອງຍໍຊົມເຊີຍ ຕໍ່ຜົນງານທີ່ໄດ້ຈັດຕັ້ງປະຕິບັດໃນ 5 ເດືອນຕົ້ນປີ, ພ້ອມທັງໃຫ້ຄໍາຄິດຄໍາເຫັນແກ່ຄະນະບໍລິຫານງານພັກເມືອງ ທັງ 5 ເມືອງ ຈົ່ງພ້ອມກັນນຳເອົາເນື້ອໃນຈິດໃຈໃນຄັ້ງນີ້ ໄປຈັດຕັ້ງຕາມຄວາມເປັນຈີງຂອງແຕ່ລະເມືອງ ໃຫ້ໄດ້ຮັບການຂະຫຍາຍຕົວຂື້ນເທື່ອລະກ້າວ, ພ້ອມນີ້ກໍ່ຍັງໄດ້ມອບຂອງຂັວນເຊີ່ງກັນ ແລະ ກັນ. ຫຼັງຈາກນັ້ນ, ກໍ່ໄດ້ເດີນທາງໄປວາງພວງມາລາວັນຄ້າຍວັນເກີດ ຂອງປະທານໂຮ່ຈີມີງ ຄົບຮອບ 128 ປີ ທີ່ສວນເຮືອນ ປະທານໂຮ່ຈີມີງ ຕື່ມອີກ

 ຂອບໃຈແຫລ່ງຂ່າວ ທີມຂ່າວເມືອງຄໍາ

Editor: ກຳປານາດ ລັດຖະເຮົ້າ