ກອງບັນຊາການທະຫານເມືອງຫົງສາ ໄດ້ຈັດພິທີປະກາດການຈັດຕັ້ງ ຮອງພະແນກ,ຂະແໜງ ການ, ຫົວໜ້າກອງຮ້ອຍກອງຫຼອນ ໂດຍໃຫ້ກຽດການເຂົ້າຮ່ວມຂອງ ສະຫາຍ ພັນເອກ ກູດ ພົມມາ ຮອງເລຂາຄະນະພັກ, ຫົວໜ້າການທະຫານກອງບັນຊາການທະຫານ ແຂວງໄຊຍະບູລີ, ມີ ສະຫາຍ ສົມສີ ພົມມະຈັນ ຮອງເລຂາພັກເມືອງ ປະທານກວດກາພັກ-ລັດ ເມືອງຫົງສາ ມີແຂກຖືກເຊີນຈາກຫ້ອງການກົມກອງອອ້ມຂ້າງເມືອງ ມີຄະນະພັກຄະນະບັນຊາກອງບັນຊາການທະຫານເມືອງຫົງສາພ້ອມດ້ວຍພະນັກງານນັກຮົບພາຍໃນກົມກອງເຂົ້າຮ່ວມຢ່າງພ້ອມພຽງ.

ໃນພິທີ ສະຫາຍ ພັນໂທ ສີປະເສີດ ສອນພັນ ຫົວໜ້າພະແນກພະນັກງານ ກອງບັນຊາການທະຫານແຂວງໄຊຍະບູລີ, ໄດ້ຂື້ນຜ່ານຂໍ້ຕົກລົງຊົ່ວຄາວ ຂອງກອງກອງບັນຊາການທະຫານແຂວງ ໄຊຍະບູລີ ເລກທີ 162/ກບຊ ລົງວັນທີ 9 ພຶດສະພາ 2018 ວ່າດ້ວຍການແຕ່ງຕັ້ງ ສະຫາຍ ຮ້ອຍເອກ ຄໍາຜ່ານ ອຸສຸພັນ ເປັນຮອງພະແນກເສນາ ຂອງກອງບັນຊາການທະຫານເມືອງຫົງສາ ແລະ ຂໍ້ຕົກລົງ ເລກທີ 108/ກບຊ ລົງວັນທີ 25 ເມສາ 2018 ວ່າດ້ວຍການແຕ່ງຕັ້ງ ສະຫາຍ ພັນຕີ ຄໍາຜາຍ ໄຊຍະວົງ ເປັນຫົວໜ້າຂະແໜງຈັດຕັ້ງພັກ, ສະຫາຍ ຮ້ອຍໂທ ສິງນະ ຄໍາປະເສີດ ເປັນຫົວໜ້າຂະແໜງການທະຫານທ້ອງຖິ່ນ, ສະຫາຍ ຮ້ອຍຕີ ນາງ ສົມໝາຍ ມາສຸວັນ ເປັນຫົວໜ້າຂະແໜງປະກັນສັງຄົມ, ສະຫາຍ ຮ້ອຍຕີ ຄໍາແສງ ເທບຜາລີ ເປັນຫົວໜ້າຂະແໜງປ້ອງກັນພາຍໃນ ສະຫາຍ ຮ້ອຍໂທ ຄໍາກິ່ງ ພັນທຸອາມາດ ເປັນຫົວໜ້າກອງຮ້ອຍທະຫານທ້ອງຖິ່ນທີ 6 , ສະຫາຍ ຮ້ອຍໂທ ທອງໄຊ ສີວິໄລ ເປັນຫົວໜ້າກອງຮ້ອຍກອງຮ້ອຍທະຫານທ້ອງຖິ່ນທີ 1 ແລະ ສະຫາຍ ຮ້ອຍຕີ ນິດແກ້ວ ວິໄລຈິດ ເປັນຫົວໜ້າກອງຮ້ອຍທະຫານທ້ອງຖິ່ນທີ 3 ທີ່ຂື້ນກັບກອງບັນຊາການທະຫານເມືອງຫົງສາ.

ຈຸດປະສົງໃນການປັບປຸງການຈັດຕັ້ງໃນຄັ້ງນີ້ ກໍ່ເພື່ອເຮັດໃຫ້ກົມກອງມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ ພ້ອມທັງໃຫ້ແທດເໝາະກັບຄວາມຮູ້ຄວາມສາມາດຂອງແຕ່ລະສະຫາຍ ເຮັດໃຫ້ກົມກອງມີຄວາມເຂັ້ມແຂງໃນທຸກໆດ້ານໃຫ້ຕອບຕ້ານໄດ້ທຸກເລ່ລຽ່ມກົນອຸບາຍຂອງກຸ່ມທີ່ບໍ່ຫວັງດີ.

ໂອກາດດຽວກັນນີ້ ສະຫາຍ ພັນເອກ ກູດ ພົມມາ ຮອງເລຂາ ຄະນະພັກຫົວໜ້າການທະຫານກອງບັນຊາການທະຫານແຂວງໄຊຍະບູລີ ໄດ້ກ່າວສະແດງຄວາມຍ້ອງຍໍຊົມເຊີຍບັນດາສະຫາຍທີ່ໄດ້ຮັບໜ້າທີ່ໃໝ່ແລະໃຫ້ກໍາລັງໃຈບັນດາສະຫາຍທີ່ຍັງເຮັດໜ້າທີ່ເກົ່າ ພ້ອມທັງເນັ້ນໜັກໃຫ້ແຕ່ລະສະຫາຍຈົ່ງຕັ້ງໜ້າປະຕິບັດໜ້າທີ່ຂອງຕົນເອງໃຫ້ໄດ້ດີ ແລະ ແທດເໝາະກັບຄວາມຮູ້ຄວາມສາມາທີ່ຕົນ ມີເຮັດວຽກແບບປະຊາມະຕີ ແລະ ມີຄວາມສາມັກຄີຢ່າງແໜ້ນແຟ້ນປະຕິບັດໜ້າທີ່ໃຫ້ມີຜົນສໍາເລັດຕາມລະດັບຄາດໝາຍ

Editor: ກຳປານາດ ລັດຖະເຮົ້າ