ວັນທີ 22 ພຶດສະພາ 2018 ຜ່ານມາ, ຢູ່ຫ້ອງປະຊຸມສາທາລະນະສຸກ ເມືອງເຊໂປນ ແຂວງສະຫວັນນະເຂດ ໄດ້ຈັດພິທີຮັບມະຫາຊົນຜູ້ກ້າວໜ້າ ຈຳນວນ 8 ສະຫາຍ,ຍິງ 4 ສະຫາຍ ເຂົ້າເປັນສະມາຊິກພັກສຳຮອງ ຂື້ນຢ່າງເປັນທາງການໂດຍການເປັນປະທານຂອງ ສະຫາຍ ດຳ ຫຼວງສົມພົງ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ, ສະຫາຍ ດຣ. ແສງຈັນ ກຸ່ມກ້ຽງມະນີແສງ ກຳມະການພັກເມືອງ ເລຂາຄະນະຮາກຖານພັກ, ມີບັນດາສະຫາຍເລຂາໜ່ວຍພັກສາທາ ພ້ອມຄະນະແລະສະມາຊີກພັກສົມບູນ, ສໍາຮອງ, ໜ່ວຍພັກອ້ອມຂ້າງເຂົ້າຮ່ວມຢ່າງພ້ອມພຽງ. ໃນພິທີຕາງ ໜ້າມະຫາຊົນກ້າວໜ້າ ຈຳນວນ 08 ສະຫາຍ, ຍີງ4 ສະຫາຍ ຂື້ນຜ່ານໃບປະຕິຍານຕົນຈະຕັ້ງໜ້າເຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ, ປະຕິບັດກົດລະບຽບຂອງພັກວາງອອກ, ເປັນແບບຢ່າງທີ່ດີໃຫ້ແກ່ມະຫາຊົນທົ່ວໄປ.
ຈາກນັ້ນ ສະຫາຍ ດຣ.ແສງຈັນ ກຸມກ້ຽງມະນີແສງ ໃຫ້ກຽດຂື້ນຜ່ານໃບອະນຸມັດຂອງຄະນະປະຈຳພັກເມືອງວ່າດ້ວຍຮັບເອົາມະຫາຊົນກ້າວໜ້າ ຈໍານວນ 8 ສະຫາຍ, ຍີງ 4 ສະຫາຍ ເຂົ້າເປັນສະມາຊິກພັກສຳຮອງ, ພ້ອມທັງອະທິບາຍຄວາມໝາຍຄວາມສໍາຄັນກ່ຽວກັບທຸງຊາດ, ທຸງພັກ ແລະ ຮູບທ່ານຜູ້ນຳທັງ 02 ທ່ານ ຄື ທ່ານການມາກ-ເລນິນ, ປື້ມຄູ່ມືກົດລະບຽບຂອງພັກ, ສຸດທ້າຍ ສະຫາຍ ດຳ ຫຼວງສົມພົງ ກໍ່ໄດ້ໃຫ້ກຽດຂື້ນໂອ້ລົມ ແລະ ໃຫ້ທິດເຍືອງທາງໃຫ້ແກ່ສະມາຊິກພັກເກົ່າ ແລະ ໃໝ່ ຈົ່ງພ້ອມກັນເອົາໃຈໃສ່ກຳແໜ້ນ 5 ໜ້າທີ່, 6 ສິດ, 5 ຫລັກການ 3 ທິດນໍາ ແລະ ຂໍ້ຫ້າມຕ່າງໆຂອງສະມາຊີກພັກສໍາຮອງ, ສົມບູນ ພ້ອມກັນເຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກສົມບູນ, ເປັນແບບຢ່າງທີ່ດີໃຫ້ແກ່ມະຫາຊົນທົ່ວໄປ, ປະຕິບັດກົດບຽບຂອງພັກວາງອອກຢ່າງເຂັ້ມງວດ,ສ້າງໜ່ວຍພັກໃຫ້ກາຍເປັນໜ່ວຍພັກແຂງຮູ້ນຳພາຮອບດ້ານ.
ທີມຂ່າວ ເມືອງເຊໂປນ
Editor: ກຳປານາດ ລັດຖະເຮົ້າ
