ພາຍຫລັງມີພິທີວາງສິລາເລີກ ໂຄງການກໍ່ສ້າງໂຮງຫມໍກະເສມລາດ ໃນຕອນເຊົ້າວັນທີ 25 ພຶດສະພາ ທີ່ບ້ານດອນນົກຂຸ້ມ, ເມືອງສີສັດຕະນາກ, ນະຄອນຫລວງວຽງຈັນ ເຊີ່ງເປັນພິທີທາງສາສະໜາ ເປັນທີ່ຮຽບຮ້ອຍແລ້ວ, ມາໃນຕອນຄໍ່າຂອງມື້ດຽວກັນ ທີ່ໂຮງແຮມແລນມາກ ຣິເວິໄຊ ໄດ້ມີພິທີເປີດໂຄງການກໍ່ສ້າງໂຮງຫມໍກະເສມລາດ ອິນເຕເນຊັນແນວ ວຽງຈັນ ຢ່າງເປັນທາງການ. ໂດຍໄດ້ຮັບກຽດເຂົ້າຮ່ວມ ຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ພ້ອມນີ້ ຍັງມີບັນດາລັດຖະມົນຕີ ປະຈໍາ ສໍານັກງານນາຍົກ, ບັນດາຮອງລັດຖະມົນຕີ ຈາກກະຊວງສາທາລະນະສຸກ, ກະຊວງແຜນການ ແລະ ການລົງທຶນ, ກະຊວງການຕ່າງປະເທດ ແລະ ບັນດາພາກສ່ວນຜູ້ລົງທຶນ ທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ.

ໂຄງການນີ້ແບ່ງອອກເປັນ 2 ໄລຍະການກໍ່ສ້າງ, ມີມູນຄ່າການກໍ່ສ້າງທັງໝົດປະມານ 60 ລ້ານໂດລາສະຫະລັດ ຫລື ປະມານ 480 ຕື້ກີບ, ມີອາຄານທັງໝົດ 4 ຫລັງ, ສູງ 7-12 ຊັ້ນ, ມີ 38 ຫ້ອງກວດ 254 ຕຽງນອນ, ມີຫໍພັກຂອງຄະນະແພດ, ຮ້ານອາຫານ ແລະ ສະຖານທີ່ຈອດລົດ 500 ຄັນ. ເຊີ່ງສາມາດເປີດບໍລິການໄດ້ ໃນປີ 2020 ໄລຍະທໍາອິດຈະມີ 110 ຕຽງ, ມີທັງຫ້ອງມາດຕະຖານ, ວີໄອພິ ແລະ ຕຽງສຸກເສີນ. ມີເຄື່ອງມື ແລະ ອຸປະກອນທີ່ທັນສະໄຫມ ພ້ອມບຸກຄະລາກອນການແພດ ທີ່ຊ່ຽວຊານສະເພາະດ້ານ, ເພື່ອເຮັດໃຫ້ໂຮງໝໍກະເສມຣາດວຽງຈັນ ກາຍເປັນໂຮງໝໍທີ່ດີທີ່ສຸດ

Editor: ກຳປານາດ ລັດຖະເຮົ້າ