ຄະນະພັກຮາກຖານກຸ່ມ 4 ປະທຸມພອນ ແລະ ກຸ່ມ 2 ບ້ານມ່່ວງ ໄດ້ຈັດພິທີຮັບເອົາສາມາຊິກພັກສຳຮອງຂື້ນເປັນສາມາຊີກພັກສົມບູນ, ເລື່ອນເອົາມະຫາຊົນກ້າວໜ້າຂຶ້ນເປັນສາມາຊີກສຳຮອງ ພ້ອມດ້ວຍປະກາດແຕ່ງຕັ້ງຮອງເລຂາຄະນະພັກຮາກຖານກຸ່ມຄົນໃໝ່ ໂດຍເປັນກຽດເຂົ້າຮ່ວມພິທີຂອງ ສະຫາຍ ຄຳເຜືອກ ທອງຄຳ ເລຂາຄະນະບໍລິຫານງານພັກເມືອງ ເຈົ້າເມືອງໆປະທຸມພອນ, ມີຄະນະປະຈຳພັກເມືອງ, ກຳມະການພັກເມືອງ, ເລຂາໜ່ວຍພັກ, ຄະນະໜ່ວຍພັກ ພ້ອມດ້ວຍສາມາຊິກພັກສົມບູນ ແລະ ສຳຮອງ ໃນທົ່ວຄະນະພັກຮາກຖານກຸ່ມບ້ານ ແລະ ແຂກທີ່ຖືກເຊື້ອເຊີນເຂົ້າຮ່ວມຢ່າງພ້ອມພຽງ.
ພິທີໄດ້ຈັດຂື້ນໃນວັນທີ 25 ພຶດສະພາ 2018 ຜ່ານມາ ຢູ່ທີ່ຫ້ອງການບ້ານຫຼັກ 48. ເຊິ່ງໃນພິທີ ສະຫາຍ ນາງ ຄຳມອນ ຊາມົນຕິ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານມະຕິຕົກລົງ ວ່າດ້ວຍການອະນຸມັດເລື່ອນສາມາຊີກພັກສຳຮອງຂື້ນເປັນສາມາຊີກພັກສົມບູນ ໄດ້ 1 ໝ່ວຍພັກ ຄື ໜ່ວຍພັກບ້ານປະທຸມພອນ ມີທັງໝົດ 4 ສະຫາຍ, ຍິງ 3 ສະຫາຍ ແລະ ມະຕິຕົກລົງ ວ່າດ້ວຍການອະນຸມັດເອົາມະຫາຊົນກ້າວໜ້າ ຂຶ້ນເປັນສາມາຊິກພັກສໍາຮອງ ມີ 2 ໜ່ວຍພັກ ໃນນັ້ນ, ໜ່ວຍພັກບ້ານທາງແບ່ງຫຼັກ 48 ມີ 2 ສະຫາຍ; ໜ່ວຍພັກນາກອກ 1 ສະຫາຍ, ຈາກນັ້ນ: ຍັງໄດ້ປະກາດເຫັນດີແຕ່ງຕັ້ງ ສະຫາຍ ບຸນລ່ຽງ ບຸນດາຈັນ ຮອງຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງປະທຸມພອນ ເປັນຮອງເລຂາຄະນະພັກຮາກຖານກຸ່ມ 4 ປະທຸມພອນ ອີກດ້ວຍ.
ສ່ວນກຸ່ມ 2 ບ້ານມ່ວງ ແມ່ນໄດ້ຈັດຂຶ້ນຢູ່ທີ່ຫ້ອງການກຸ່ມດັ່ງກ່າວ ໂດຍໃນພິທີ ສະຫາຍ ຄໍາສີ ລາວີ ເລຂາຄະນະພັກຮາກຖານກຸ່ມ 2 ບ້ານມ່ວງ ໄດ້ຂຶ້ນຜ່ານ ມະຕິຕົກລົງ ວ່າດ້ວຍການອະນຸມັດເລື່ອນສາມາຊີກພັກສຳຮອງຂື້ນເປັນສາມາຊີກພັກສົມບູນ ໄດ້ທັງໝົດ 2 ໜ່ວຍພັກ ໃນນັ້ນ ໜ່ວຍພັກບ້ານນໍ້າໃສທ່າ ມີ 3 ສະຫາຍ, ໜ່ວຍພັກບ້ານມ່ວງ 5 ສະຫາຍ, ຍິງ 3 ສະຫາຍ ແລະ ມະຕິຕົກລົງ ວ່າດ້ວຍການອະນຸມັດເອົາມະຫາຊົນກ້າວໜ້າຂຶ້ນ ເປັນສາມາຊິກພັກສໍາຮອງ ໄດ້ 3 ໜ່ວຍພັກ ໃນນັ້ນ ໜ່ວຍພັກບ້ານມ່ວງ 1 ສະຫາຍ, ໜ່ວຍພັກບ້ານອຸດົມພັນ 5 ສະຫາຍ ແລະ ໜ່ວຍພັກບ້ານຫຼັກ 30 ມີ 3 ສະຫາຍ, ພ້ອມດຽວກັນນັ້ນ ຍັງໄດ້ປະກາດເຫັນດີແຕ່ງຕັ້ງເອົາ ສະຫາຍ ພັນຕີ ສີກາ ສົມສາບັນດິດ ຫົວໜ້າ ປກສ ກຸ່ມ ຂຶ້ນເປັນ ຮອງເລຂາຄະນະພັກຮາກຖານກຸ່ມ 2 ບ້ານມ່ວງ.
ໃນໂອກາດດຽວກັນນີ້ ສະຫາຍ ຄຳເຜືອກ ທອງຄຳ ເລຂາຄະບໍລິຫານງານພັກເມືອງ ເຈົ້າເມືອງໆປະທຸມພອນ ຍັງໄດ້ມອບໃບຍ້ອງຍໍໃຫ້ກັບສະມາຊິກພັກທີ່ມີຜົນງານດີເດັ່ນ ຈໍານວນ 28 ສະຫາຍ ແລະ ໃບກຽດຕິຄຸນ 25 ສະຫາຍ, ພ້ອມດ້ວຍປະກອບຄິດຄໍາເຫັນຊີ້ທິດເຍືອງທາງ ໂດຍໄດ້ເນັ້ນໃຫ້ຜູ້ທີ່ເຂົ້າເປັນສາມາຊີກພັກສົມບູນ, ສຳຮອງໃໝ່ ແລະ ເກົ່າ ເອົາໃຈໃສ່ຝືກຜົນຫຼໍ່ຫຼອມຕົນເອງ ໃຫ້ກາຍເປັນພະນັກງານນຳພາໃນຂັ້ນຂອງຕົນ, ພະນັກງານຫຼັກແຫຼ່ງໃນຮຸ່ນຕໍ່ໄປ ແລະ ໄດ້ຍ້ອງຍໍຊົມເຊີຍຕໍ່ໝາກຜົນໆງານທີ່ທັງ 2 ຄະນະພັກຮາກຖານກຸ່ມຍາດມາໄດ້ຕື່ມອີກດ້ວຍ.
ຂອບໃຈແຫລ່ງຂ່າວ-ຫ້ອງການ ຖວທ ເມືອງປະທຸພອນ, ແຂວງຈໍາປາສັກ
Editor: ກຳປານາດ ລັດຖະເຮົ້າ
