ກອງປະຊຸມເປີດກວ້າງຄົບຄະນະບໍລິຫານງານພັກແຂວງບໍລິຄຳໄຊ ຄັ້ງທີ 9 ສະໄໝທີ 6 ໄດ້ໄຂຂື້ນໃນ ລະຫວ່າງ ວັນທີ່ 24 - 25 ພຶດສະພາ 2018 ໄດ້ສໍາເລັດລົງດ້ວຍໝາກຜົນອັນຈົບງາມໃນວັນທີ 25 ພຶດສະພາ 2018 ຢູ່ທີ່ຫ້ອງປະຊຸມຊັ້ນສາມຫ້ອງວ່າການປົກຄອງແຂວງ ພາຍໃຕ້ການເປັນປະທານຂອງ ທ່ານ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄໍາໄຊ. ມີຄະນະປະຈໍາພັກແຂວງ,ກຳມະການພັກແຂວງ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 11, ສະມາຊິກສະພາປະຊາຊົນແຂວງ, ຫົວໜ້າພະແນກການ, - ກົມກອງ, ລັດວິສາຫະກິດ ແລະ ພະນັກງານອາວຸໂສບໍານານເຂົ້າຮ່ວມ,
ຜ່ານການດໍາເນີນມາເປັນເວລາ 2 ວັນ. ກອງປະຊຸມໄດ້ຕີລາຄາສູງ ແລະ ຮັບຮອງເອົາຜົນສໍາເລັດການຈັດຕັ້ງປະຕິບັດມະຕິກອງປະຊຸມເປີດກ້ວາງ ຄົບຄະນະບໍລິຫານງານພັກແຂວງ ຄັ້ງທີ 8 ສະໄໝ່ທີ 6 ອົງຄະນະພັກແຂວງ ເຫັນວ່າມີຜົນສໍາເລັດຫຼາຍດ້ານ ໂດຍລວມແລ້ວທົ່ວແຂວງແມ່ນມີຄວາມສະຫງົບໂດຍພື້ນຖານ ສັງຄົມມີຄວາມເປັນລະບຽບຮຽບຮ້ອຍ. ເສດຖະກິດຂອງແຂວງ ມີການຂະຫຍາຍຕົວຢ່າງຕໍເນື່ອງ-ໝັ້ນທ່ຽງ. ບັນດາໂຄງການລົງທຶນຕ່າງໆ ທີ່ໄດ້ຮັບຮັບອະນຸຍາດກໍ່ໄດ້ຖືກຈັດຕັ້ງປະຕິບັດ. ບັນດາຫົວໜ່ວຍວິສາຫະກິດ, ການຜະລິດການບໍລິການຂອງບັນດາພາກສ່ວນເສດຖະກິດ ໄດ້ຮັບການປັບປຸງຕາມກົນໄກເສດຖະກິດຕະຫຼາດທີມີການຄຸ້ມຄອງຂອງລັດ ແລະ ໄປຕາມທິດຫັນເປັນອຸດສະຫະກໍາທັນສະໄໝເທຶ່ອລະກ້າວ. ການເກັບລາຍຮັບເຂົ້າງົບປະມານທັງພູດສູນກາງ ແລະ ທ້ອງຖິ່ນ ແມ່ນສາມາດປະຕິບັດໄດ້ຕາມແຜນການ. ການຄຸ້ມຄອງລາຍຈ່າຍ. ແມ່ນຖືກຕ້ອງຕາມລະບຽບງົບປະມານ ແລະ ກົດໝາຍ. ການສົ່ງເສີມການລ້ຽງສັດ - ການປູກພຶດເປັນສິນຄ້າ ມີລັກຊະນະເພີມຂຶ້ນ. ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນເປັນກ້າວໆ.ຊັບພະຍາກອນມະນຸດໄດ້ຮັບການພັດທະນາທາງດ້ານຄວາມຮູ້ ຄວາມສາມາດນັບມື້ນັບສູງຂຶ້ນ ສາມາດສະໜອງໄດ້ຕາມຄວາມຮຽກຮ້ອງຕ້ອງການຂອງພັກ ໃນໄລຍະໄໝ່.
ພ້ອມນັ້ນໃນກອງປະຊຸມ ບັນດາຜູ້ແທນທີ່ເຂົ້າຮ່ວມ ຍັງໄດ້ພ້ອມກັນປະກອບຄຳຄິດ ຄຳເຫັນ ໃສ່ຮ່າງມະຕິຂອງກອງປະຊຸມຄັ້ງນີ້ ໃຫ້ມີເນື້ອໃນຄົບຖ້ວນ - ສົມບູນ ເພື່ອເປັນການປັບປຸງແກ້ໄຂບັນດາຈຸດອ່ອນ - ຂໍ້ຄົງຄ້າງຂອງວຽກງານໃນແຕ່ລະດ້ານ. ເພຶ່ອເຮັດໃຫ້ການຈັດຕັ້ງປະຕິບັດວຽດງານໃນຕໍ່ໜ້າຢູ່ບັນດາຮາກຖານ - ກົມກອງ ມີບາດກ້າວຂະຫຍາຍຕົວ. ມີການຫັນປ່ຽນໃໝ່ຮອບດ້ານ ແລະ ມີຫຼັການຂອງພັກໃນແຕ່ລະໄລຍະ ເພຶ່ອແນ່ໃສຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງ ທີ 10 ຂອງພັກ ແລະ ມະຕິກອງປະຊຸມໃຫຍ່ຄັ້ງທີ 6 ຂອງອົງຄະນະພັກແຂວງບໍລິຄໍາໄຊ ໃຫ້ປະກົດຜົນເປັນຈິງເທຶ່ອລະກ້າວ
Editor: ກຳປານາດ ລັດຖະເຮົ້າ
