ທ້າຍເດືອນພືດສະພາ 2018 ນີ້, ທ່ານ ຄໍາເພັດ ພົມມະລາດ ເຈົ້າເມືອງໆຫົງສາ ພ້ອມດ້ວຍການນໍາຂອງເມືອງ ຕ້ອນຮັບການມາຢຽມຢາມຂອງ ທ່ານ ໄຊນະລົງ ນັນຕາສາຍ ນາຍອໍາເພີສະເຫຼີມພະກຽດ ແຂວງນ່ານ ລາຊະອານາຈັກໄທ, ພ້ອມດ້ວຍຄະນະ ອອກຕ້ອນຮັບຢ່າງອົບອຸ່ນຢູ່ທີຮ້ານອາຫານຫົງສາ ລີສອດ.
ຈຸດປະສົງ ການຢຽມຢາມໃນຄັ້ງນີ້: ແມ່ນເພື່ອແລກປຽ່ນບົດຮຽນ ແລະ ຖອດຖອນບົດຮຽນ ເຊີ່ງກັນ ແລະ ກັນ. ຂັ້ນເມືອງ ແລະ ຂັ້ນທ້ອງຖີ່ນ, ໃນຖານະບ້ານໃກເຮືອນຄຽງ ເພື່ອເປັນການສົ່ງເສີມການທ່ອງທຽ່ວໃນປີ 2018 ທີ່ທາງລັດຖະບານໄດ້ກໍານົດປີທ່ອງທ່ຽວລາວ, ເປັນການຜູກແໜ້ນຄວາມສາມັກຄີ ລະຫວ່າງ 2 ເມືອງ ຄື: ເມືອງຫົງສາ ແຂວງໄຊຍະບູລີ ແລະ ເມືອງສະເຫຼີມພະກຽດ ແຂວງນ່ານ ລາຊະອານາຈັກໄທ, ໃຫ້ດີຂື້ນກ່ວາເກົ່າ, ເຊີ່ງໃນໄລຍະດຽວກັນ ທາງລັດຖະບານທັງ 2 ປະເທດ ພວມສຶບຕໍ່ຂະຫຍາຍສາຍພົວພັນໃຫ້ດີຂື້ນເລື້ອຍໆ
ໃນໂອກາດນີ້ ທ່ານ ຄໍາເພັດ ພົມມະລາດ ເຈົ້າເມືອງໆຫົງສາ ກໍ່ໄດ້ລາຍງານສະພາບທີ່ຕັ້ງ ແລະ ຈຸດພິເສດຂອງເມືອງຫົງສາ ວຽກງານເສດຖະກິດ, ວຽກງານວັດທະນາສັງຄົມຕໍ່ພິທີ, ພ້ອມນັ້ນທັງ 2 ຝ່າຍກໍ່ໄດ້ແລກປຽ່ນບົດຮຽນໃນວຽກງານດ້ານຕ່າງໆເຊີ່ງກັນ ແລະ ກັນ, ເພື່ອພັດທະນາວຽກງານໃນຕໍ່ໜ້າໃຫ້ໄດ້ຮັບຜົນດີ.
ໃນໂອກາດດັ່ງກ່າວ ທັງ 2 ຝ່າຍຍັງໄດ້ ມອບເຄື່ອງທີ່ລະລຶກໃຫ້ກັນ ແລະ ກັນ,ພອ້ມ ເຂົ້າຢຽມ ຊົມຫໍພິທິທະພັນເມືອງຫົງສາ ແລະ ວັດສີມຸງຄຸນ ວັດເກົ່າແກ່ ທາງວັດທະນະທໍາຕື່ມອີກ
ຂອບໃຈ ທີມຂ່າວເມືອງຫົງສາ ແຂວງໄຊຍະບູລີ
Editor: ກຳປານາດ ລັດຖະເຮົ້າ
